Daniel (hebreo) 9:3 - DIOSPA QHELQACHISQ

³ Chayta yachaspa, noqa Tukuyta Kamachej Diosmanta mañakorqani, ayunarqani ima. Qhashqa p'achata churakuspataj, ushpha patapi tiyakorqani.

Qheshwa Biblia DC

³ Señor Diosman k'umuykukorqani majakuspa, mañakuspa, ayunakuspa ima. Qhashqa p'achata churakuspataj ushphas patapi tiyaykukorqani.

DIOSPA QHELQACHISQAN DEUTEROCANONICAL

³ Chayta yachaspa, noqa Tukuyta Kamachej Diosmanta mañakorqani, ayunarqani ima. Qhashqa p'achata churakuspataj, ushpha patapi tiyakorqani.

Daniel (hebreo) 9:3 Referans Kwoze

Jeremías 33:3

Mañakuway, noqataj t'ukuna imakunata, chantá mana yachasqayki imakunata ima rejsichisqayki.

Ester (hebreo) 4:16

Qantajrí, Susa llajtapi tukuy judiokunata tantaspa, kinsa p'unchayta, kinsa tutatawan ayunaychej. Noqapis kamachiykunawan kikillantataj ruwasqayku. Chaymantaraj kuraj kamachejpa ñawpaqenman, kamachisqata p'akispa risaj. Wañunay kanqa chaypis, jina wañusaj, nispa.

Esdras 9:5

Chantá phutiyniymanta kutirerqani. Llik'isqa p'achaywantaj qonqoriykukorqani, makiyta oqharispataj, Tata Diosmanta mañakorqani:

Esdras 10:6

Chaymanta Esdrasqa Diospa Templonmanta llojserqa Eliasibpa wawan Johananpa wasinman rinanpaj. Chaypitaj mana imata mikhuspa, nitaj imatapis ujyaspa tutantin, may phutisqataj karqa, Babiloniamanta kutimojkuna juchallisqankumanta.

Esdras 8:21

Chay qhepata Ahava mayu qayllapi tukuyninku ayunanaykuta kamacherqani, Diosniykoj ñawpaqenpi k'umuykukunaykupaj. Diosmanta yanapata mañakorqayku allillanta pusanawaykupaj, jinallataj aylluykuta, tukuy tiyapuyniykutapis waqaychananpaj.

Hechos 10:30

Chantá Cornelio kuticherqa: Tawa p'unchayña kashan, kunan jina samay phani jinata kay wasiypi Dioswan parlarikushajtiy, chayllapi lliphipej p'achayoj uj qhari ñawpaqeypi rikhurerqa.

San Lucas 2:37

Paytaj warmisapa karqa, pusaj chunka tawayoj watayojtaj. Chantá Templomanta mana karunchakojchu, manachayqa tuta p'unchay Diosta yupaychaspa, ayunarqa Dioswantaj parlarikorqa.

Joel 2:12

Chayrayku Tata Dios nin: Noqaman tukuy sonqo kutirikamuwaychej ayunaspa, waqaspa, llakikuspa ima.

Joel 1:13

Altarpi ruwanayoj sacerdotekuna, qhashqa p'achata churakuspa, sonqo nanayta waqaychej, imaraykuchus Templopi Tata Diosman jaywanapaj manaña kanchu ch'aki mikhuy, nitaj vinopis.

Ezequiel 36:37

Tukuyta Kamachej Tata Dios kay jinata nillantaj: Israel aylloqa mañarikuwanqaraj astawan imakunata ruwapunaypaj. Chayrayku runata astawan mirachisaj, ovejakunata jinapuni.

Salmos 35:13

Paykuna onqojtinkoqa, noqa paykunarayku llakikoj kani. Ayunaspa, qhashqa p'achata churakoj kani, sonqoy ukhupitaj Tata Diosmanta paykunarayku mañapoj kani.

Daniel (hebreo) 6:10

10 (11) Danieltajrí chay kamachisqaman kuraj kamachej Darío sutinta qhelqaykusqanta yachaspa, wasinman riporqa. Chantá puñunan cuartonpa ventananta kicharerqa, mayqenchus Jerusalén ladoman qhawarisqa karqa, chayta. Chantá chaypi qonqorikorqa Dioswan parlarikunanpaj, paymantaj pachis ninanpaj ima. Ajinata sapa p'unchay kinsa kutita ruwarqa, yachasqa kasqanman jina.

Nehemías 9:1

Chantá israelitakunaqa chay kikin killallapitaj iskay chunka tawayoj kaj p'unchayninpi watej tantakorqanku. Chaypi qhashqa p'achata churakorqanku, ayunarqanku, jallp'atataj umankuman qhallaykukorqanku juchankumanta llakisqa kasqankumanta yachayta qonankupaj.

Isaías 22:12

Chay p'unchaypi Tukuy Atiyniyoj Tata Dios wajyasorqachej mayta llakikuspa waqanaykichejpaj, llakikusqaykichejta rikuchispa umaykichejta ruthukunaykichejpaj, qhashqa p'achata churakunaykichejpaj ima, chay millay ruwasqaykichejmanta.

Daniel (hebreo) 9:2

Darío uj watata kamachishajtin, noqaqa Diosmanta sut'inchaj Jeremiaspa qhelqanta allinta yachayta munaspa ñawirisharqani. Chay qhelqapi nisqa Jerusalenqa qanchis chunka wata junt'ata thuñisqa kananta, sut'inchaj Jeremiasman Tata Dios nisqanman jina.

Daniel (hebreo) 9:4

Chantá Tata Dioswan parlarikuspa, juchallisqaykuta rimarerqani: May jatun Tata Diosníy, qan may atiyniyojtaj kanki. Trato ruwasqaykitaqa junt'ankipuni, munakuyniykitataj qanta munakusojkunaman rikuchinki, jinallataj kamachisqaykita junt'ajkunaman ima.

Daniel (hebreo) 9:20

Noqaqa juchayta jinallataj israelita llajta masiykunaj juchankutapis rimarispa, Diosmanta mañakushallarqanipuni. Ajinamanta Tata Diosniypa ñawpaqenpi mañapusharqani paypa t'aqakusqan Jerusalén llajtanrayku.

Jonás 3:5

Jinamanta chay llajtapi tiyakojkuna Diospa nisqanta jap'ikorqanku. Chantá tukuy ayunanankuta nerqanku, jinallataj juchankumanta sinch'i llakisqa kashasqankuta rejsichinankupaj jatunpaj qhawasqa kajkunamanta mana kasu ruwana kajkunakama qhashqa p'achata churakorqanku.

2 Samuel 12:16

Chaypacha Davidqa wawanrayku Tata Diosmanta mañapuspa, ayunarqa, sapa ch'isitaj q'ara pampapi puñorqa.

Job 42:6

Chayrayku imatachus nisqaymanta p'enqakuni, qanmantaj jallp'a patapi, ushpha patapi ima tiyaspa k'umuykamuyki, nispa.

San Mateo 17:21

Chaywanpis kay jina supaykunata qharqonapajqa Diosmanta mañakuna, ayunanataj, nispa.