Daniel (hebreo) 8:4 - DIOSPA QHELQACHISQ

⁴ Chay carneroqa tukuy imata wajrasqa inti yaykuynejman, wichaynejman, uraynejmantaj. Mana ima uywapis ñawpaqenpi sayaykuyta atisqachu nitaj atiyninmanta kacharichikuyta atisqachu. Imatapis munasqanta ruwasqa, jinataj astawan astawan kallpayojman tukusqa.

Qheshwa Biblia DC

⁴ Chay carnerotaqa rikorqani wajrashajta inti yaykuynejman, wichaynejman uraynejmantaj. Mana ima animalpis ñaupaqempi sayaykuyta aterqachu. Imatapis munasqanta ruwarqa, sapa kutimantataj aswan kallpayojman tukorqa.

DIOSPA QHELQACHISQAN DEUTEROCANONICAL

⁴ Chay carneroqa tukuy imata wajrasqa inti yaykuynejman, wichaynejman, uraynejmantaj. Mana ima uywapis ñawpaqenpi sayaykuyta atisqachu nitaj atiyninmanta kacharichikuyta atisqachu. Imatapis munasqanta ruwasqa, jinataj astawan astawan kallpayojman tukusqa.

Daniel (hebreo) 8:4 Referans Kwoze

Daniel (hebreo) 11:16

Wichaynejmanta kaj kuraj kamachejqa ñawpajman rispa, munayninta ruwanqa, nitaj pipis contranpi sayaykoj kanqachu. Risqanpitaj may sumaj Israel suyuman chayanqa. Jinapitaj chay suyuta phiriyta munanqa.

Daniel (hebreo) 11:36

Wichaymanta kaj kuraj kamachejqa munasqanta ruwanqa. Maytapuni jatunchakonqa, jinataj tukuy dioskunamanta aswan kasqanta yuyakonqa. Cheqan kaj Diospa contrantapis manchay millayta parlallanqataj. Paytataj tukuy imapi allin renqa, Dios payta jasut'inankama, imaraykuchus imatachus Dios ruwanan karqa, chayta junt'anqapuni.

Daniel (hebreo) 8:7

jinaspataj iskaynin wajranta p'akirparisqa. Chayrayku carneroqa manaña kutichikuyta atisqachu. Chantá chivoqa carnerota pampaman urmachispa, sarusqa, nitaj pipis carnerota chivomanta kacharichej kasqachu.

Miqueas 5:8

8 (7) Chaypacha Jacobpa ayllunmanta puchojkunaqa ashkha suyukunaj chawpinkupi kanqanku, imaynatachus león k'ita animalkuna ukhupi purin, ajinata. Imaynatachus uña león ovejakunaj chawpinkuta pasaj jinalla t'ajllaspa wañurachin, manataj ujtapis saqenchu, ajina Jacobpa ayllunmanta puchojkuna kanqanku waj suyukuna ukhupi.

Daniel (hebreo) 7:5

Qhepa kaj animalqa jukumariman rijch'akoj phiña animal kasqa. Chay animalqa phawaykunanpaj jina sayashasqa. Siminpi kinsa wajtan tullu achurisqa kashasqa, uyarerqanitaj payman nishasqankuta: Riy, ashkha aychawan sajsamuy, nispa.

Daniel (hebreo) 5:30

Chaywanpis chay ch'isinpacha caldeokunaj kuraj kamachejninku Belsasar wañuchisqa karqa.

Daniel (hebreo) 5:19

Dios payman atiyta qosqanrayku, tukuy ayllumanta kajkuna, waj suyukunamanta kajkuna, tukuy imaymana parlayniyoj runakunapis payman k'umuykorqanku, ñawpaqenpitaj kharkatiterqanku. Paytaj munasqanman jina pitapis kawsajta saqej, manachayrí wañuchichej. Wakinkunata jatuncharqa, wakinkunatatajrí k'umuykucherqa.

Ezequiel 34:21

Qankuna wira ovejakunaqa tulluyasqa ovejakunata teqerarqankichej, wajraspataj ayqecherqankichej.

Salmos 50:22

Qankuna, pikunachus noqata qonqapojkuna, kayta allinta yachaychej: Pajtataj noqa qankunata t'isarpariykichejman, manataj pipis kacharichiyta atisonqachejchu.

Salmos 7:2

2 (3) Ama saqeychu león jina mitharanawankuta, nitaj tulluytapis p'akiykunawankuta mana pipis jark'akuwaj kasqanrayku.

Job 10:7

Qan allinta yachanki noqaqa mana juchayojchu kasqayta, yachallankitaj qanpa atiyniykimanta ni pipis kacharichiwayta atisqanta.

Deuteronomio 33:17

Joséj atiynenqa toroj phiwi uñan jina kanku, paytaj búfalo k'ita toro jina, sinch'i kallpayojmin. Payqa kay pachaj k'uchunkama tukuy suyumanta runata wajraspa, k'uchunchanqa. Ajina Efrainpa ashkha miraynenqa, jinallataj ajina Manasespa mirayninpis, nispa.

1 Reyes 22:11

Chaypacha Quenanáj churin Sedequiasqa fierromanta wajrakunata ruwakusqa, chantá nerqa: Tata Dios ajinata nin: Kaykunawan siriokunata wajraspa wañurachinki, nispa.

Salmos 44:5

5 (6) Qanrayku awqaykukunata atiparqayku, noqaykuwan maqanakoj sayaykojkunatataj sutiykipi t'ustita ruwarqayku.