Daniel (hebreo) 4:4 - DIOSPA QHELQACHISQ

⁴ 4 (1) Noqa Nabucodonosor kamachinay wasipi mana imamanta llakiyniyoj tiyakusharqani, tukuy imapipis allin rishawarqa.

Qheshwa Biblia DC

⁴ Noqa Nabucodonosor, mana ima llakiyniyoj tiyakusharqani palacioypi kusikuspa, tukuy imapi qhapajyaspataj.

DIOSPA QHELQACHISQAN DEUTEROCANONICAL

⁴ 4 (1) Noqa Nabucodonosor kamachinay wasipi mana imamanta llakiyniyoj tiyakusharqani, tukuy imapipis allin rishawarqa.

Daniel (hebreo) 4:4 Referans Kwoze

Sofonías 1:12

Chaypacha noqa lamparata jap'ichispa, Jerusalén llajtapi k'uchun k'uchunta mask'asaj. Chantá pikunachus vino jina tekalla kakojkunata jasut'isaj, mana ima llakiyniyoj kashanku, chaykunata. Paykunata jasut'isaj, imaraykuchus nishanku: Tata Dios mana allin kajta ruwanchu, nitaj mana allin kajtapis, nispa.

Ezequiel 29:3

Faraonman, runankunamanwan niy: Tukuyta Kamachej Tata Dios kay jinata nisunkichej: Egiptota kuraj kamachej faraón, qanqa sierpe jina mayuyki chawpipi winkuspa, nishanki: Nilo mayoqa noqajta, noqa ruwarqani, nispa. Chayrayku noqa Tata Dios contraykipi kashani.

Ezequiel 28:17

May k'achitu kasqaykirayku sonqoykipi jatunchakorqanki. May jatunchasqa kasqaykiraykutaj yachayniykita millayman tukucherqanki. Chayrayku noqa qanta pampaman wijch'umorqayki, kuraj kamachejkunaj rikunankuta p'enqaypi rikhurichisuspa.

Jeremías 48:11

Moabqa ni pejpa ima nisqan unaymantapacha tiyakorqa. Mana jayk'ajpis chay llajtayojkunata suyunkumanta apasqankuchu. Sumaj vinotaqa uj cheqallapi mana wich'imanta waj wich'iman wisispa poqochinchej, ajinamanta misk'i kaynin, q'apaynintaj ama chinkananpaj, icharí? Ajinallataj Moabqa jallp'allanpi qhepakorqa.

Isaías 56:12

Paykuna ninakunku: Jamuychej, vinota ujyasunchej, licorwantaj macharikunachej. Q'ayataj kunan p'unchay jina kanqa, chayrí aswan sumajrajchus kanqapis, nispa.

Daniel (hebreo) 4:19

19 (16) Chantá Beltsasar sutiwan sutichasqa Daniel t'ukushaj qhepakorqa, tukuy imaymana yuyaykuna umanman jamojtintaj, mayta mancharikorqa. Noqa Nabucodonosortajrí, payta nerqani: Beltsasar, mosqokusqay imatachus niyta munasqanmanta ama manchariychu, nispa. Chantá Beltsasar kutichispa, niwarqa: Ay wiraqochíy, mosqokusqayki imatachus niyta munasqanqa qanta chejnisojkunapaj kachun.

Daniel (hebreo) 2:11

Kuraj kamachejniyku, mañasqaykeqa manapuni sut'inchayta atinapaj jinachu. Mana pi runapis kanchu wajpa mosqokusqanta willayta atejqa. Dioskunalla chayta niyta atinkuman. Paykunatajrí mana runawanchu tiyakunku, nispa.

Daniel (hebreo) 5:8

Jinapi tukuy yachayniyojkunaqa kuraj kamachejpa wasinman yaykuspa, chay qhelqasqata qhawarqanku. Chaywanpis mana mayqenninkupis chay qhelqasqata ñawiriyta aterqankuchu, nitaj imatachus niyta munasqanta sut'inchaytapis.