Daniel (hebreo) 2:5 - DIOSPA QHELQACHISQ

⁵ Kuraj kamachejtajrí kuticherqa: Imatachus mosqokusqayta qonqarparini. Chaywanpis sichus qankuna mana willawankichejchu imatachus mosqokusqayta, imatatajchus chay mosqokusqay niyta munasqanta chayqa, kayta allinta yachaychej: Qankunata wañuchichisqaykichej, jinataj kamachisaj wasiykichejtapis q'opa wijch'unaman tukuchinankuta.

Qheshwa Biblia DC

⁵ Reytaj paykunaman kutichispa nerqa: Sichus qankuna mana willawankichejchu imatachus mosqokusqayta, ima niytatajchus chay mosqoyniy munasqanta chaypachaqa, allinta yachaychej kayta: Qankuna t'unasqas rikhurinkichej, wasisniykichejtaj thuñisqas kanqanku.

DIOSPA QHELQACHISQAN DEUTEROCANONICAL

⁵ Kuraj kamachejtajrí kuticherqa: Imatachus mosqokusqayta qonqarparini. Chaywanpis sichus qankuna mana willawankichejchu imatachus mosqokusqayta, imatatajchus chay mosqokusqay niyta munasqanta chayqa, kayta allinta yachaychej: Qankunata wañuchichisqaykichej, jinataj kamachisaj wasiykichejtapis q'opa wijch'unaman tukuchinankuta.

Daniel (hebreo) 2:5 Referans Kwoze

Daniel (hebreo) 3:29

Chayrayku noqa kayta kamachini: Sichus pipis kay waynakunaj Diosninkoj contranpi imatapis parlanman chayqa, mayqen suyumantapis, chayrí mayqen parlayniyojpis kachun, pay wañuchisqa kanqa, ayantaj chhikan chhikan khuchurasqa kanqa. Wasinpis thuñisqallataj kanqa, imaraykuchus chay jinata qhespichej Dios jina manapuni waj dios kanchu, nispa.

Esdras 6:11

Kamachillanitaj, pillapis kay kamachisqayta mana kasojtaqa paypa wasillanmantataj uj k'aspita sik'ispa, chaypi t'ojsisqata chakatachunku. Chaymantataj wasinta thuñispa, chay cheqataqa q'opa wijch'unaman tukuchichunku.

2 Reyes 10:27

Chantá Baalpa lantinta, yupaychana wasintapis thuñirparerqanku. Chay cheqataj jisp'akunallapajña karqa, kunankamataj ajina kashan.

Salmos 50:22

Qankuna, pikunachus noqata qonqapojkuna, kayta allinta yachaychej: Pajtataj noqa qankunata t'isarpariykichejman, manataj pipis kacharichiyta atisonqachejchu.

Daniel (hebreo) 2:12

Chayta uyarispa, kuraj kamachej Nabucodonosorqa manchayta phiñakorqa, jinataj soldadonkunata kamacherqa Babiloniapi kaj tukuy yachayniyojkunata wañurachinankuta.

Salmos 58:7

7 (8) Jich'asqa yaku jina chinkachunku, sarusqa qhora jinataj ch'akichunku.

1 Samuel 15:33

Samueltajrí Agagta nerqa: Qanqa ashkha warmita mana wawayojta saqerqanki. Kunanqa ajinallataj mamaykipis qhepakonqa, nispa. Chayta niytawantaj, Samuelqa Tata Diospa ñawpaqenpi kuraj kamachej Agagta wañuchispa, Gilgal llajtapi chhikan chhikanta khuchurarqa.

Deuteronomio 13:16

16 (17) Tukuy kapuyninkutaqa llajta plazaman tantaspa, llajtantinta ninawan kanaykunkichej. Chay tukuy imaqa q'olachisqa jaywana Tata Diospaj kanqa. Jinamanta chay llajtaqa wiñaypaj raqayllaña kanqa, nitaj jayk'ajpis watej sayarichisqachu kanqa.

Josué 6:26

Chaypacha Josué tiluspa, nerqa: Pichus watej Jericó llajtata sayarichiyta munajqa Tata Diospa ñawpaqenpi maldicisqa kachun. Pichus watej sayarichiyta munaj cimientota churashajtin, kuraj kaj churin wañuchun. Llajtaj punkunta churashajtintaj, sullk'a kaj churin wañullachuntaj, nispa.

Daniel (hebreo) 4:9

9 (6) Yachayniyojkunaj kurajnin Beltsasar, noqa yachani Tata Diospa Espíritun qanpi tiyakusqanta, tukuy pakasqa kajmantataj yachasqaykita. Kunantaj noqa willasqayki imatachus mosqokusqaypi rikorqani chayta, chantataj qan imatachus niyta munasqanta sut'inchaway.