Daniel (hebreo) 2:4 - DIOSPA QHELQACHISQ

⁴ Chantá yachayniyoj runakuna arameo parlaypi kuraj kamachejta nerqanku: Jallalla jallalla, kuraj kamachejniyku, wiñaypaj kawsay. Mosqokusqaykita willawayku, noqaykutaj sut'inchasqayku imatachus niyta munasqanta, nispa.

Qheshwa Biblia DC

⁴ Yachayniyojkunataj reyman nerqanku: Atiyniyoj rey, kausayniyki wiñaypaj kachun. Mosqokusqaykita willariwayku, chanta noqayku willasusqayku, chay mosqoyniykeqa imatachus niyta munasqanta.

DIOSPA QHELQACHISQAN DEUTEROCANONICAL

⁴ Chantá yachayniyoj runakuna arameo parlaypi kuraj kamachejta nerqanku: Jallalla jallalla, kuraj kamachejniyku, wiñaypaj kawsay. Mosqokusqaykita willawayku, noqaykutaj sut'inchasqayku imatachus niyta munasqanta, nispa.

Daniel (hebreo) 2:4 Referans Kwoze

Daniel (hebreo) 5:10

Jinapi kuraj kamachejpa mamanqa churin Belsasarpa qhaparisqanta, chantá kurajkunaj qhaparisqankutawan uyarispa, maypichus mikhusharqanku, chayman yaykorqa, nerqataj: Jallalla jallalla, kuraj kamachejníy, wiñaypaj kawsakuy. Ama llakikuychu, amataj uyaykipis jinatapuni q'elluyachunchu.

Daniel (hebreo) 3:9

Paykuna nerqanku: Jallalla, jallalla, kuraj kamachejniyku, wiñaypaj kawsay, sutiykitaj yuyarisqapuni kachun.

Esdras 4:7

Aswan jaqayman Persiapi Artajerjes kuraj kamachej karqa, chaypachataj Bislán, Mitrídades, Tabel, chantá, ujkuna kamachej masinkunaman ima Artajerjesman uj cartata apacherqanku. Chay cartaqa arameo parlaypi qhelqasqa karqa, kuraj kamachejpa parlayninmantaj tijrarqanku.

Isaías 36:11

Chaymantaqa Eliaquinwan, Sebnawan, Yoajwan ima Asiriamanta soldadokunata kamachejta nerqanku: Ama jina kaychu, arameo rimayllapi parlariwayku, imaraykuchus noqaykoqa arameo rimayta yachayku. Amataj Judá suyoj rimaynin hebreopi parlawaykuchu, imaraykuchus kay perqa patapi kajkunaqa tukuyninku uyarimushanku, nispa.

Daniel (hebreo) 6:21

21 (22) Danieltaj kuticherqa: Jallalla jallalla, kuraj kamachejníy, wiñaypaj kawsay.

Daniel (hebreo) 6:6

6 (7) Ajinata nispa, chay kurajkuna, kamachejkunawan ima parlanakorqanku, kuraj kamachej Darioman parlapayaj rinankupaj. Chantá ñawpaqenpi sayaspa, nerqanku: Jallalla jallalla, kuraj kamachejniyku, wiñaypaj kawsakuy.

1 Reyes 1:31

Chantá Betsabeqa kuraj kamachejpa ñawpaqenpi pampakama k'umuykuspa, nerqa: Kuraj kamachejníy David, wiñaypaj kawsanaykita Dios munachun, nispa.

San Mateo 21:9

Chantá Jesuspa ñawpaqenta rejkuna, qhepanta jamojkuna ima qhaparisharqanku: Davidpa Churin jatunchasqa kachun. Tukuyta Kamachej Diospa sutinpi jamojta jatunchaychej. Qhespichej Dios janaj pachapipis jatunchasqa kachun, nispa.

Daniel (hebreo) 5:8

Jinapi tukuy yachayniyojkunaqa kuraj kamachejpa wasinman yaykuspa, chay qhelqasqata qhawarqanku. Chaywanpis mana mayqenninkupis chay qhelqasqata ñawiriyta aterqankuchu, nitaj imatachus niyta munasqanta sut'inchaytapis.

Daniel (hebreo) 4:19

19 (16) Chantá Beltsasar sutiwan sutichasqa Daniel t'ukushaj qhepakorqa, tukuy imaymana yuyaykuna umanman jamojtintaj, mayta mancharikorqa. Noqa Nabucodonosortajrí, payta nerqani: Beltsasar, mosqokusqay imatachus niyta munasqanmanta ama manchariychu, nispa. Chantá Beltsasar kutichispa, niwarqa: Ay wiraqochíy, mosqokusqayki imatachus niyta munasqanqa qanta chejnisojkunapaj kachun.

Daniel (hebreo) 4:7

7 (4) Jinapi tukuy Babilonia suyumanta tukuy yatirikuna, yachayniyoj kajkuna, jinallataj ch'askakunata qhawaspa watojkunapis jamorqanku, noqataj mosqokusqayta paykunaman willarqani. Chaywanpis paykuna mosqokusqay imatachus niyta munasqanta mana sut'inchayta aterqankuchu.

Isaías 44:25

Noqaqa llulla sut'inchajkunata pantachini, layqakunatapis p'enqayman churani. Yachayniyojkunata qhepaman kutirichini, yachayninkutataj manakajman tukuchini.

Nehemías 2:3

Chaywanpis kuraj kamachejta nerqani: Kuraj kamachejníy, wiñaypaj kawsakuy. Imaraykutaj mana llakikusajchuri? Maypichus tatay mamay p'ampasqa kashanku, chay llajtaqa thuñisqa kashan, muyuyninpi perqanpa punkunkunataj rupharasqa kashanku, nispa.

1 Reyes 1:25

Kunantaj Adoniasqa bueykunata, wirayachisqa torillokunata, ashkha ovejatawan ñak'achin, mikhunankupajtaj wajyachin qanpa churiykikunata, soldadokunaj kurajninkukunata, sacerdote Abiatartawan. Paykunaqa mikhushanku, ujyashankutaj Adoniaspa ñawpaqenpi, qhaparirishankutaj: Kuraj kamachej Adonías jallalla jallalla, nispa.

1 Samuel 10:24

Jinapi Samuelqa tukuyta nerqa: Tata Diospa ajllakusqanta rikuychej. Mana mayqenpis paymanqa jap'ikunchu, nispa. Chantá tukuy israelitakuna qhaparerqanku: Jallalla, jallalla kuraj kamachejqa, nispa.

Génesis 41:8

Q'ayantin paqarin faraón manchay phutisqa kasharqa. Chayrayku Egiptomanta tukuy watojkunata chantá tukuy yachayniyojkunata ima wajyacherqa. Chaywanpis faraón mosqokusqanta willajtin, ni pipis sut'inchayta aterqankuchu.

Génesis 31:47

Labanqa chay mikhusqanku cheqata arameo rimaypi suticharqa: “Yegar Sadutá”, nispa. Jacobtaj hebreo rimaypi suticharqa “Galaad”, nispa.

2 Reyes 18:26

Chantá Hilciaspa churin Eliaquinwan, Sebnawan, Yoajwan ima kamachej Rabsacesta nerqanku: Ama jina kaspa, arameo rimaypi parlawayku, imaraykuchus noqayku chayta yachayku. Ama hebreo rimaypi parlaychu, imajtinchus perqa patapi kashajkuna uyarishanku, nispa.

Daniel (hebreo) 1:4

allin rijch'ayniyoj waynakunata ajllananta. Paykunaqa mana imanku imanasqa, tukuy imapi sumaj yachayniyoj, allin yuyayniyoj ima kananku karqa, Babiloniata kuraj kamachejpa kamachinan wasipi ruwanaman churasqa kanankupaj jina. Chantá Aspenazqa Caldeamanta runakunaj yachayninkuta, parlayninkuta ima paykunaman yachachinan karqa.

Daniel (hebreo) 2:7

Yachayniyojkunarí ujtawan nerqanku: Kuraj kamachejniyku, willariwayku ari imatachus mosqokusqaykita, noqaykutaj imatachus niyta munasqanta sut'inchasqayku, nispa.

Daniel (hebreo) 4:9

9 (6) Yachayniyojkunaj kurajnin Beltsasar, noqa yachani Tata Diospa Espíritun qanpi tiyakusqanta, tukuy pakasqa kajmantataj yachasqaykita. Kunantaj noqa willasqayki imatachus mosqokusqaypi rikorqani chayta, chantataj qan imatachus niyta munasqanta sut'inchaway.

Daniel (hebreo) 6:7

7 (8) Kay suyumanta tukuy kurajkuna, tukuy kamachejkuna, soldadokunata kamachejkuna ima tantakorqayku, chaypitaj yuyaychakorqayku qan kuraj kamachej jina ujta kamachinaykita. Kay jinata kamachiwaj: Kinsa chunka p'unchayta ama pipis imatapis mañakuchunchu ni mayqen diosmanta, nitaj runamantapis, manachayqa qanllamanta. Sichus pipis chay kamachisqata mana kasukonqa chayqa, maypichus leonkuna wisq'asqa kashanku, chayman wijch'uykusqa kachun, nispa kamachinki.