Apocalipsis 9:20 - DIOSPA QHELQACHISQ

²⁰ Chaywanpis, pikunachus chay manchay ñak'ariykunawan mana wañorqankuchu, chaykuna millayta ruwasqankumanta Diosman mana kutirikorqankuchu. Manachayqa paykuna supaykunata yupaychallarqankupuni, jinallataj qorimanta, qolqe metalmanta, broncemanta, rumimanta, k'ullumanta ruwasqa lantikunata ima. Chay lantikuna mana qhawayta atinkuchu, nitaj uyariyta, nillataj puriytapis.

Qheshwa Biblia DC

²⁰ Chay waj runas mana wañorqankuchu chay jasut'iykunawan; nitaj chaywampis makisninkoj ruwasqasninmanta Diosman kutirikorqankuchu, supaykunata yupaycharqanku, lantistawan, qorimanta ruwasqasta, qolqemanta, broncemanta, rumimanta, k'aspismanta ima. Chaykunaqa mana qhawayta atinkuchu, nitaj uyariyta, nitaj puriytapis.

DIOSPA QHELQACHISQAN DEUTEROCANONICAL

²⁰ Chaywanpis, pikunachus chay manchay ñak'ariykunawan mana wañorqankuchu, chaykuna millayta ruwasqankumanta Diosman mana kutirikorqankuchu. Manachayqa paykuna supaykunata yupaychallarqankupuni, jinallataj qorimanta, qolqe metalmanta, broncemanta, rumimanta, k'ullumanta ruwasqa lantikunata ima. Chay lantikuna mana qhawayta atinkuchu, nitaj uyariyta, nillataj puriytapis.

Quechua South Bolivia: Dios Parlapawanchej

²⁰ Chay manchay llaquiycunawan mana wañuchiska caj runasrí manapuni Diosman cutirerkancuchu. Nitaj sajra ruwaynincuta sakerkancuchu. Yupaychashallarkancupuni supaycunata, ruwaska dioscunatawan. Chay ruwaskaska korimanta, kolkemanta, broncemanta, rumimanta, c'aspimanta cancu. Chaycunari nitaj ricuncuchu nitaj uyarincuchu nitaj purincupischu.

Apocalipsis 9:20 Referans Kwoze

Daniel (hebreo) 5:23

Aswanqa janaj pachapi kaj Tukuyta Kamachej Diospa contranpi oqharikorqanki, kamacherqankitaj Templonmanta apamusqa vasokunata orqhomunankuta. Chantá chay vasokunapi warmiykikunawan, chantá waj warmiykikunawan, jinataj pikunatachus raymiman wajyarakorqanki, chaykunawan khuska vinota ujyarqankichej. Chay jawataj waj dioskunata, qorimanta, qolqe metalmanta, broncemanta, fierromanta, k'ullumanta, rumimanta ruwasqa dioskunata yupaycharqanki. Chay dioskunaqa mana rikunkuchu, manataj uyarinkuchu, nitaj imatapis yachankuchu. Diostatajrí mana jayk'ajpis yupaycharqankichu, pejpa makinpichus kawsayniyki, tukuy ruwasqayki ima kashan, chay Diosta.

Deuteronomio 31:29

Noqa yachani wañupusqaymanta qhepaman qankunaqa manaña Diosta kasunaykichejta, yachachisqaytapis mana kasuta ruwanaykichejta. Yachallanitaj qhepamanqa sinch'i llakiykuna qhatirisunaykichejta, Tata Diospa ñawpaqenpi mana allin kajta ruwasqaykichejrayku, millayta ruwaspataj, payta phiñachisqaykichejrayku, nispa.

Apocalipsis 9:21

Chay runakuna manallataj saqerqankuchu runa wañuchiyta, layqanakuta, khuchichakuyta, suwanata ima, Diosman kutirikunankupaj.

1 Timoteo 4:1

Santo Espiritoqa sut'ita nin qhepanejman wakinkunaqa cheqan ñanmanta pantaykuspa Diosta qhatiyta saqepunankuta. Paykuna pantachej espiritukunata kasonqanku, supaykunaj yachachisqankutataj jap'ikonqanku.

Hechos 19:26

Chaywanpis qankuna rikushankichej, uyarishankichejtaj, imaynatachus Pablo tukuyman yuyayta qosqanta: Runaj makinwan ruwasqaqa mana dioskunachu kanku, nispa. Paytaj ashkha runaj sonqonta tijrachishan, mana Éfeso llajtallapichu, manachayqa tukuy Asiantinpi.

Hechos 7:41

Ajinamanta israelitakuna waka uña lantita ruwakorqanku. Jinapitaj uywakunata ñak'aspa, waka uña ruwasqankuman q'olachispa jaywarqanku, chay ruwasqanku lantej sutinpitaj raymita ruwaspa, kusikorqanku.

Jeremías 1:16

Chay jasut'i judiokunapaj kananta kamachisaj, noqata wasanchaspa saqerpariwasqankumanta. Paykunaqa inciensota q'oshñichispa, makinkuwan ruwakusqanku mana rejsisqa dioskunata yupaycharqanku.

2 Corintios 12:21

Manchachikullanitaj, qankunaman watukoj kutimojteyqa, Tata Dios qankunaj ñawpaqeykichejpi p'enqaypi rikhurichinawanmanta. Ichapis waqanay kanqa, pikunachus unayña juchallinku, manataj Diosman kutirikunkuchu, chaykunamanta. Paykuna mana Diosman kutirikunkuchu ch'ichi kawsayninkumanta, khuchichakuspa qhenchachakusqankumanta, munasqankuta ruwaspa kawsasqankumanta ima.

Jeremías 51:17

Tukuy runakunaqa mana yuyayniyoj, wampu kanku. Lantikunata ruwajkunaqa ruwasqankumanta p'enqakunku. Chay lantikunaqa runaj ruwasqallan, mana kawsayniyojchu kanku.

Hechos 17:29

Chayrayku Diospa mirayninchus kanchej chayqa, mana yuyasunmanchu Diosqa qorimanta, qolqe metalmanta, chayrí rumimanta ruwasqa lantiman rijch'akusqanta. Chaykunaqa runaj yuyasqanman jinalla ruwasqa kanku.

San Mateo 21:32

Chayta niykichej, imaraykuchus Bautizaj Juan cheqan kajta yachachej jamojtin, qankunaqa paypa nisqanta mana jap'ikorqankichejchu. Impuestota cobrajkuna, phisu warmikuna imatajrí nisqanta jap'ikorqanku. Qankunataj chay tukuyta rikushaspapis, manapuni Juanpa nisqanta jap'ikorqankichejchu, Diosman kutirikunaykichejpaj.

Jeremías 44:8

Imaraykutaj millayta ruwasqaykichejwan phiñachiwankichej, Egiptopi kay waj dioskunaman inciensota q'oshñichispari? Chayta ruwaspaqa, qankunapis chinkachisqa kanallaykichejpajtaj mask'akushankichej. Chay kajtin, tukuypa rikunanta maldicisqa kankichej, tukuy suyu ukhupitaj k'umuykachachisqa kankichej.

Jeremías 25:6

Ama waj dioskunaj qhepankuta riychejchu, paykunaj munayninkuta ruwanaykichejpaj, yupaychanaykichejpajtaj. Imatachus ruwasqaykichejwan ama phiñachiwaychejchu. Noqataj mana imatapis contraykichejpi ruwasajchu, nispa.

Jeremías 5:3

Noqataj kuticherqani: Tata Dios, qan cheqanta ruwaj runata mask'ashanki. Qanqa paykunata jasut'erqanki, jinapis paykunata mana nanaykorqachu. Paykunata t'unaykorqanki, manataj cheqan ñanman kutiriyta munarqankuchu. Ancha k'ullu kanku, rumimantapis aswan chuki, manapunitaj allin ñanman kutirikuyta munarqankuchu.

Salmos 106:37

Jinapi churinkuta, ususinkutawan ima uywa ñak'asqata jina supaykunaman jaywarqanku.

2 Crónicas 34:25

Paykunaqa waj dioskunaman inciensota q'oshñichispa saqerpariwanku, jinamantataj tukuy ruwasqankuwan phiñachiwarqanku. Chayrayku kay cheqaj contranpi phiñakuyniy k'ajarin manataj thasnukonqachu, nispa.

2 Reyes 22:17

Paykunaqa noqata qhesachawaspa waj dioskunaman inciensota q'oshñicherqanku. Tukuy imaymanata ruwaspataj noqata phiñachiwarqanku. Phiñakuyneyqa kaypi tiyakojkunaj contranpi k'ajarenqa, manataj thasnusqachu kanqa.

Deuteronomio 32:17

Diosman uywata ñak'aspa jaywanankutaqa, supaykunallaman jaywarqanku. Mana jayk'aj rejsisqanku dioskunaman, chaypachalla ruwasqa dioskunaman, tatankoj ni jayk'aj yupaychasqanku lantikunaman jaywarqanku.

Apocalipsis 16:8

Chaymantataj tawa kaj angelñataj vasonmanta intiman jich'aykorqa. Ajinata ruwaspataj, intiman atiyta qorqa, sinch'ita k'ajarispa runakunata ruphaykunanpaj.

Isaías 41:7

K'achanchanata ruwayta yachajqa qorita unuyachejta yanapan, martillowan llusk'achajpis yunquepi wajtajta yanapallantaj: Kay t'inkichisqanchejqa allillan, nispa. Chaymantataj lantita sumajta clavowan jap'iykuchinku, ama kuyunanpaj.

Isaías 2:8

Chantá lantikunawan junt'allataj kashan. Kikin makinkuwan ruwasqanku diosninkukunata yupaychanku.

2 Crónicas 28:22

Chay jina llakiywan ñit'isqa kashaspapis, Ajazqa Tata Diosta wasancharqa, contranpitaj juchallillarqapuni.

Levítico 17:7

Ajina kanqa amaña chivoman rijch'asqa lantikunaman uywata ñak'aspa jaywanankupaj. Chaykunata yupaychaspa, israelitakunaqa sajra purikoj warmi jina ch'ichichakorqanku. Kay kamachisqaqa qankunapaj, jinataj mirayniykichejpajpis wiñaypaj kanqa.

Deuteronomio 4:28

Chay suyukunapi qankunaqa runaj makinwan ruwasqa dioskunata yupaychankichej. K'ullumanta, rumimanta ruwasqa lantikunata, mana rikojkunata, mana uyarejkunata, mana mikhojkunata, nitaj muskhiyta atej lantikunata yupaychankichej.

Daniel (hebreo) 5:4

Ajinata vinota ujyashaspataj, paykuna machasqamanta lantinkukunata jatunchasharqanku, mayqenkunachus qorimanta, qolqe metalmanta, broncemanta, fierromanta, k'ullumanta, rumimanta ima ruwasqa karqanku, chaykunata.

Miqueas 5:13

13 (12) Noqaqa lantiykikunata phirillasajtaj, ch'eqosqa yupaychana rumiykitapis. Ajinamanta manaña jayk'ajpis makiykej ruwasqan dioskunaman k'umuykuspa yupaychankichu.

Apocalipsis 9:19

Caballokunaj atiynenqa siminkupi, chupankupiwan karqa. Chupankoqa katarej umanman rijch'akorqa, chaywantaj runakunata wach'erqanku.

Apocalipsis 15:1

Chaymanta noqa janajpi ujtawan runaj mana jayk'aj rikusqan t'ukunata rikullarqanitaj. Qanchis angelkuna qanchis qhepa kaj wañuchej onqoykunata jap'isharqanku, imaraykuchus chay onqoykunawan Diospa phiñakuynin thasnusqa kanan karqa.