Apocalipsis 9:2 - DIOSPA QHELQACHISQ

² Chantá chay ch'aska ukhu pachata kicharejtin, chaymanta q'oshñi llojsimorqa, imaynatachus jatun hornomanta q'oshñi llojsin jinata. Chay q'oshñitaj intita, kay pachata ima laqhayaykucherqa.

Qheshwa Biblia DC

² Ukhu pacha pujyutataj kicharerqa, pujyoj q'osñintaj wicharimorqa uj jatun hornoj q'osñin jina. Intitaj, wayrapis laqhayaykorqa chay pujyoj q'osñinrayku.

DIOSPA QHELQACHISQAN DEUTEROCANONICAL

² Chantá chay ch'aska ukhu pachata kicharejtin, chaymanta q'oshñi llojsimorqa, imaynatachus jatun hornomanta q'oshñi llojsin jinata. Chay q'oshñitaj intita, kay pachata ima laqhayaykucherqa.

Quechua South Bolivia: Dios Parlapawanchej

² Uqhu pacha nina kochataka quicharerkataj. Puncunmantataj k'oshñi wicharimorka uj jatun hornoj k'oshñiskanjina. Llojsimoj k'oshñeka intitawan wayratawan lakhayaycucherka.

Apocalipsis 9:2 Referans Kwoze

Joel 2:10

Jallp'a kharkatitin paykunaj ñawpaqenkupi. Janajpis chujchurin. Intipis, killapis laqhayaykunku, ch'askakunataj ayphuyaykunku.

Génesis 19:28

Chaynejmantataj Sodomata, Gomorrata, chantá tukuynin valleta ima qhawarispa, rikorqa uj hornomanta jina pampamanta manchayta q'oshñishajta.

Joel 2:2

Chay p'unchayqa tutayaj, laqhayaj kanqa, yanayarishaj phuyuwan laqhayachisqa p'unchay kanqa. May atiyniyoj ashkha soldado jina orqo patamanta mast'alla junt'aykamunku, imaynatachus sut'iyayta inti k'anchay orqota wasaykamun, ajinata. Chayman rijch'akojqa mana jayk'ajpis karqachu, nitaj jayk'ajpis kanqachu.

Hechos 2:19

Janajpi t'ukuna imakunata ruwasaj, kay pachapitaj runaj mana jayk'aj rikusqanta rikhurichisaj: Yawar kanqa, nina lawray, q'oshñi phuyutaj.

Joel 2:30

30 (3.3) Janajpi t'ukunata ruwasaj, kay pachapitaj yawarta, ninata, phuyu jina q'oshñitawan rikuchisaj.

Isaías 14:31

Filisteapi llajtakuna, aullakuychej, nanaywantaj qhapariychej. Manchariywan kharkatitiychej, imaraykuchus wichaynejmanta soldadokuna manchay yana q'oshñi jina jamusunkichej, manataj ni ujpis paykunamanta qhepakunchu.

Apocalipsis 14:11

Chantá paykunaj ñak'arisqankoj q'oshñintaj wiñay wiñaypaj q'oshñenqa. Chay waj sierpe rikhurimojta, lantintapis yupaychajkuna, chantá marcanta churachikojkuna ima tuta p'unchay ñak'arispa, mana samarenqankuchu.

Éxodo 19:18

Tukuynin Sinaí orqo q'oshñisharqa, imaraykuchus Tata Diosqa nina chawpipi orqoman urayk'amorqa. Q'oshñeqa hornomanta jina llojsisharqa, tukuynin orqotaj manchayta kharkatiterqa.

Génesis 15:17

Laqhayaykuytataj uj horno manchayta q'oshñishaj rikhurerqa, jinallataj lawrashaj nina, chaykunataj uywa ñak'asqaj chawpinta pasasharqa.

Apocalipsis 8:12

Chantá tawa kaj angelñataj trompetata waqacherqa. Chaypachataj inti, killa, chantá ch'askakuna ima kinsaman t'aqasqamanta ujnin kaj t'aqa mana allinman tukorqanku, laqhayaporqankutaj. Chayrayku p'unchaypis, tutapis kinsaman t'aqasqamanta ujnin kaj t'aqa mana k'anchayniyojchu karqa.

Apocalipsis 9:17

Ajinata mosqoypi jina rikorqani caballokunata, chantá caballokunapi lloq'asqa kajkunata: Caballokunapi purejkunaj pecherankoqa nina jina puka karqa, zafiro rumi jina anqa, azufre jina q'ellu ima. Caballokunaj umankutaj leonkunaj uman jina karqa, siminkumantataj ninata, q'oshñita, chantá azufreta ima thoqaj kanku.

Daniel (hebreo) 3:6

Tukuy pikunachá mana pampakama k'umuykuspa lantita yupaychanqankuchu, chaykuna chaypachapacha lawrashaj uj jatun hornoman wijch'uykusqa kanqanku, nispa.

Apocalipsis 9:1

Phishqa kaj angelñataj trompetanta waqachejtin, noqa janajmanta kay pachaman uj ch'askata urmamojta rikorqani. Chay ch'askamantaj ukhu pachaj llaventa qorqanku.

Apocalipsis 9:11

Phinki phinkikunata kamachejqa ukhu pachaj angelnin karqa, sutintaj hebreo parlaypi Abadón, griego parlaypitaj Apolión. Chay niyta munan “chinkachej”, nispa.

Apocalipsis 16:10

Chantá phishqa kaj angelñataj vasonmanta jich'aykorqa, ñawpajta rikhurimorqa, chay sierpej kamachinan tiyanaman. Chayraykutaj chay sierpej kamachiynenqa laqhapi rikhurerqa. Runakunataj nanaywan qallunkuta khanirakorqanku.