Apocalipsis 7:17 - DIOSPA QHELQACHISQ

¹⁷ Kamachina tiyanapi tiyashaj Corderoqa paykunata michenqa, kawsayta qoj yaku juturinkunamantaj pusanqa. Diostaj paykunaj ñawinkumanta waqasqankuta pichanqa, nispa.

Qheshwa Biblia DC

¹⁷ Trono chaupipi kashaj Corderoqa paykunata michenqa, kausaj yaku pujyusninmantaj pusanqa. Diostaj paykunaj ñawisninkumanta tukuy waqayta pichanqa.

DIOSPA QHELQACHISQAN DEUTEROCANONICAL

¹⁷ Kamachina tiyanapi tiyashaj Corderoqa paykunata michenqa, kawsayta qoj yaku juturinkunamantaj pusanqa. Diostaj paykunaj ñawinkumanta waqasqankuta pichanqa, nispa.

Quechua South Bolivia: Dios Parlapawanchej

¹⁷ Tiyana chaupipi caj Cordero paycunata munacuywan michenka. Maypichá causayta koj yacus phullch'imushancu, chayman paycunata pusanka. Diostaj ñawisnincumanta tucuy wakaynincuta pichanka, —nispa.

Apocalipsis 7:17 Referans Kwoze

San Juan 4:14

Noqaj qosqay yakuta ujyajrí manaña jayk'ajpis ujtawan ch'akichikonqachu. Aswanpis noqaj qosqay yakoqa paypi mana ch'akej pujyu jina kanqa, chay yakutaj payman wiñay kawsayta qonqa, nispa.

San Juan 4:11

Chantá chay warmi nerqa: Wiraqochi, mana imapis yakuta orqhonaykipaj tiyapusunkichu, pujyutaj allin ukhu. Maymantataj chay kawsachej yakuta qowankimanri?

Apocalipsis 22:1

Chay qhepata angelqa kawsaj yakuyoj ch'uwa mayuta rikuchiwarqa, cristal jina lliphipejta, mayqenchus Diospa kamachina tiyananmanta, chantá Corderojmantawan llojsimusharqa, chayta.

Apocalipsis 21:4

Payqa tukuy waqayta ñawinkumanta pichanqa, manañataj wañuy kanqachu, nitaj waqanapis, nitaj ayqonapis, nillataj nanaypis, imaraykuchus imachus ñawpajta karqanku, chaykunaqa manaña kanqachu, nispa.

Salmos 23:5

Qanqa awqaykunaj rikunankuta jatun mikhuyta wakichipuwanki. Aceitewan umayta jawiwanki, saminchawaspataj atipachiwanki.

Apocalipsis 21:6

Nillawarqataj: Noqa Tukuy Imaj Qallariynin, Tukukuynintaj kani. Tukuy ima ruwasqaña. Noqataj ch'akichikojmanqa kawsachej yaku juturimanta yakuta qhasilla ujyachisaj.

San Juan 10:11

Noqa sumaj michej jina kani. Sumaj michejqa ovejankunarayku wañunatapis mana manchachikunchu.

Isaías 25:8

Tukuyta Kamachej Tata Diosqa wañuyta wiñaypaj chinkachenqa, tukuypa waqaynintataj pichanqa. Ayllunpa mana allinpaj qhawasqa kayninkutapis tukuy kay pachamanta chinkachillanqataj. Ajinata Tata Diosqa nin.

San Juan 10:14

Noqarí sumaj michej jina kani. Ovejaykunata rejsini, paykunataj noqata rejsiwanku.

Jeremías 2:13

Aylloyqa iskay imakunata ruwaspa, juchallin: Noqa kawsaj juturi yaku jina kashajtiypis, saqerpariwarqanku. Chaymantataj paykunaqa waj qochata allakorqanku, yakuta mana sayachej qochata.

Ezequiel 34:23

Noqaqa kamachiy Davidta kutirichimusaj, paytataj ovejaykunata michinanpaj churasaj. Pay ovejaykunata sumaj pastopi mikhuchipuwanqa, sumajtataj paykunata michenqa.

Apocalipsis 5:6

Jinapi noqaqa uj Corderota rikorqani, wañuchisqapis kanman karqa jinaman rijch'akojta. Payqa kamachina tiyanaj chawpinpi, chantá tawa kawsajkunaj chawpinkupi, kurajkunaj chawpinkupiwan sayasharqa. Paytaj qanchis wajrayoj, chantá qanchis ñawiyoj ima karqa. Chayqa Diospa qanchis jinamanta rejsichikoj Santo Espíritun, pitachus Dios tukuy kay pachaman kachamusqa, chay.

San Mateo 2:6

Qanrí Belén, Judá jap'iypi kaj, Judapi kaj llajtakuna ukhupi aswan uyarisqa kanki, imaraykuchus qanmanta uj kamachej llojsenqa, paytaj Israel aylluyta michenqa, nispa.

Isaías 12:3

Qankunapis pujyumanta yakuta jina kusiywan Diospa qhespichisqanta ujyaychej.

Salmos 28:9

Tata Dios, aylluykita qhespichiy, qanpata kajkunatataj saminchay. Paykunata ovejata jina michiy, ichurikuspataj, wiñaypaj paykunata apaykachay.

Miqueas 5:4

4 (3) Chay kamachejtaj Israel ayllunta michinanpaj jatarenqa Tata Diospa atiyninwan, jatun kayninwantaj. Jinapi paykuna allinpi kawsanqanku, imaraykuchus Tata Dios jatunchasqapuni kanqa kay pachaj k'uchunkunakama.

Isaías 60:20

Inteqa mana jayk'ajpis yaykuponqachu, nitaj killa wañuypis kanqachu. Noqa Tata Diosmin wiñaypaj k'anchayniyki kasaj, jinataj phutisqa purinayki p'unchaykunapis tukukaponqa.

Isaías 49:9

Jinapi presochasqa kajkunaman ninki: Qankunaqa kacharisqaña kankichej, nispa. Laqhapi kajkunatapis ninki: Llojsimuychej, rikuchikuychejtaj, nispa. Chantá paykuna oveja jina ñan kantupi mikhunata tarenqanku, jinallataj may orqokunapipis mikhuna kallanqapuni.

Isaías 35:10

Ajinata Tata Diospa qhespichisqan kajkuna kutimponqanku, Sionmantaj takirikuspa yaykuponqanku. Jatun kuseyqa pillu jina umankupi kanqa. Chaypacha paykunata jatun kusiy taripanqa, llakiywan, ayqoywantaj paykunapaj tukukaponqa.

Isaías 30:19

Sionmanta runakuna, pikunachus Jerusalén llajtapi tiyakushankichej, qankuna manaña astawan waqankichejchu. Khuyakoj Tata Dios yanapananta mañakusqaykichejta uyarisonqachejpacha.

Isaías 25:6

Chaypachataj Tukuy Atiyniyoj Dios Sión orqopi tukuy suyupaj jatun mikhuyta wakichenqa misk'i mikhuykunawan, sumaj kaj vinowan ima. Chantá sumaj kaj aycha mat'akunata mikhuchenqa, aswan sumaj poqosqa vinotawan ujyachenqa.

Apocalipsis 4:11

Tukuyta Kamachej Diosniyku, qanllamin jatunchanapaj jina kanki, may sumajpaj jina qhawana, tukuy atiyniyojtaj, imaraykuchus qanmin tukuy kaj chhikata ruwarqanki. Qan chaykunata ruwarqanki, kunankamataj munasqaykirayku kashallankupuni, nispa.

1 Pedro 5:2

Qankuna tropata michiychej, pikunatachus Dios qhawanaykichejpaj makiykichejman churarqa, chaykunata. Tukuy sonqomanta paykunata qhawaychej, imaynatachus Dios munasqanman jina, ama tanqasqa jinallachu. Amataj qolqeta mask'aspachu paykunata qhawaychej, manachayqa Tukuyta Kamachej Jesucristoj kamachisqanta ruwayta munasqaykichejrayku.

Hechos 20:28

Chayrayku qankuna Dioswan imaynatachus purisqaykichejta qhawakuychej. Jinallataj tukuy wawqe panakunatapis michillaychejtaj, imaraykuchus Santo Espíritu qankunata churasorqachej paykunata qhawanaykichejpaj, Diospa Iglesianta michinaykichejpaj ima, mayqentachus Jesucristo kikin yawarninwan rantikorqa, chayta.

Miqueas 7:14

Tata Dios, Israel aylluykita waqaychay qanpa tropaykita jina, imaraykuchus montepi chinkasqa oveja jina kashanku. Paykunata sumachaj jallp'akunaman pusariy. Ñawpajta jina, Basanpi chantá Galaadpi pastoman pusay.

Jeremías 31:9

Waqarikuspa, chantá noqamanta mañarikuspa ima kutimponqanku. Noqa paykunata yakuyoj mayoj kantunta pusaykachasaj, cheqan sumaj ñannintataj, ama misk'akunankupaj, imaraykuchus noqamin Israelpa tatan kani, Efraintaj kuraj kaj waway, nispa.

Isaías 40:11

Ayllunta qhawanqa, imaynatachus uj michej ovejankunata michin, ajinata. Corderokunata makinpi marq'arikonqa, uñachakojtataj alliyllawan pusanqa.

Salmos 22:26

26 (27) Wajcha runakuna sajsakunankukama mikhonqanku. Tata Diosta mask'ajkuna payta yupaychanqanku, unaytataj kawsanqanku.

Isaías 30:25

Maypachachus manchay wañuchinaku p'unchay awqaykichejpaj chayamonqa, torrekunataj urmaranqanku chaypacha, jatuchaj orqokunapi, jatuchaj lomakunapi ima yaku mayu jina phajcharimonqa.

Isaías 51:11

Pikunatachus Tata Dios pagota qospa kacharicherqa, chaykuna kutimponqankupuni. May kusiywan takirispa, Sión llajtaman yaykonqanku, chaypitaj wiñaypaj kusisqa tiyakonqanku. Paykunaqa kusisqallapuni kanqanku, nanaywan, waqaywantajrí chinkaponqa.

Isaías 65:19

Chaypacha Jerusalén llajtarayku kusikusaj, aylluytaj noqapaj may jatun kusiy kanqa. Chay llajtapi manaña jayk'ajpis waqajkunata uyarenqankuchu, nitaj llakiywan qhaparejkunatapis.

San Mateo 5:4

Kusikuyniyojmin kanku kunan waqajkunaqa, imaraykuchus Diosmin paykunata sonqochanqa.

San Juan 4:10

Jinaqa Jesús kutichispa, nerqa: Qanqa Dios imatachus qosuyta munasqanta mana yachankichu, nillataj pichus yakuta mañakusojtapis rejsinkichu. Yachawajchus chayqa, noqamanta yakuta mañakuwankiman, noqataj kawsachej yakuta qoykiman, nispa.

Apocalipsis 14:4

Paykunaqa mana jayk'aj warmikunawan puñuykorqankuchu, jinallataj Corderoj qhepanta rej kanku mayllamanpis rejtin. Jinallataj paykunaqa runakuna ukhumanta rantisqa karqanku Diospaj, Corderopaj ima ñawpaj kaj jaywana jina kanankupaj.

Apocalipsis 21:22

Chay llajtapeqa mana ima templotapis rikorqanichu, imaraykuchus llajtaj templonqa Tukuyta Kamachej, Tukuy Atiyniyoj Dios, Corderotaj.

Apocalipsis 21:23

Llajtataqa mana intichu k'anchanan karqa, nitaj killachu, imaraykuchus Diospa jatun kayninpa lliphipiynin k'anchan, chay k'anchajtaj Cordero.