Apocalipsis 7:12 - DIOSPA QHELQACHISQ

¹² Paykunataj nerqanku: Ajina kachun. Diosninchej wiñay wiñaypaj yupaychasqa, jatunchasqa, maypaj qhawasqataj kachun. Chantá payman tukuy imamanta pachis nina, imaraykuchus payqa tukuy atiyniyoj, tukuy yachayniyoj, may kallpayoj ima. Ajina kachun, nispa.

Qheshwa Biblia DC

¹² Nerqankutaj: Amén. Khuyakuy, yupaychay, yachay, graciasta kutichiy, jatunchay, atiy, kallpachay, Diosninchejman wiñay wiñaypaj kachun. Amén.

DIOSPA QHELQACHISQAN DEUTEROCANONICAL

¹² Paykunataj nerqanku: Ajina kachun. Diosninchej wiñay wiñaypaj yupaychasqa, jatunchasqa, maypaj qhawasqataj kachun. Chantá payman tukuy imamanta pachis nina, imaraykuchus payqa tukuy atiyniyoj, tukuy yachayniyoj, may kallpayoj ima. Ajina kachun, nispa.

Quechua South Bolivia: Dios Parlapawanchej

¹² nispa: —¡Ajina cachun! ¡Yupaychay, jatunpaj khawaska cay, yachay, agradececuy, may sumajpaj khawaska cay, tucuy atiy, callpapis Diosninchejman cachun wiñaypa wiñayninpaj! ¡Ajina cachun!

Apocalipsis 7:12 Referans Kwoze

Judas 1:25

Tukuyta Kamachej Jesucristonchejnejta uj k'ata Qhespichej Dios jatunchasqa kachun, yupaychasqataj. Chantá pay wiñay wiñaynintinpaj jatun atiyniywan tukuy imapi kamachichun. Ajina kachun.

Apocalipsis 19:4

Chaymantá chay iskay chunka tawayoj kuraj runakuna, chantá chay tawa kawsajkuna ima pampakama k'umuykuspa, Diosta yupaycharqanku, pichus kamachina tiyanapi tiyasqa kasharqa, chayta. Nerqankutaj: Ajina kachun, Tata Dios jatunchasqa kachun, nispa.

Colosenses 3:17

Tukuy imata ruwaspa, chayrí parlaspa, Tukuyta Kamachej Jesuspa sutinpi ruwaychej, jinallataj paynejta Tata Diosta pachis niychej.

Salmos 100:4

Pachis nispa, Templonman chimpaychej, yupaychana wasinpa pationmantaj takispa yaykuychej. Diosta pachis nispa, sutinta jatunchaychej.

Jonás 2:9

9 (10) Noqatajrí qanta yupaychaspa, q'olachinapaj uywa ñak'asqata jaywasqayki, imatachus ruwasaj nisusqaytapis junt'asajpuni. Qanllamin, Tata Dios, qhespichiwayta atinki, nispa.

Salmos 147:7

Pachis nispa, Tata Diosman takiychej. Diosninchejman arpata tocarispa takiychej.

Salmos 107:22

Tata Diosman uywata ñak'aspa, pachis nispa jaywachunku, kusiywan takispataj, ruwasqanmanta willachunku.

Salmos 89:52

52 (53) Tata Dios wiñaypaj yupaychasqa kachun. Ajina kachun.

Salmos 72:19

Qhapaj sutenqa wiñaypaj yupaychasqa kachun. Jatun kaynenqa kay pachantinpi junt'a kachun. Ajina kachun.

Salmos 41:13

13 (14) Israelpa Tata Diosnin wiñay wiñaynintinpaj yupaychasqa kachun. Jinapuni kachun.

Jeremías 33:11

Jinallataj casarakojkunaj kusiymanta takisqanku ima uyarikullanqataj. Chantá Tata Diospa Templonman pachis nispa jaywanata apamojkunaj takisqanku uyarikullanqataj. Kay jinata takenqanku: Tukuy Atiyniyoj Tata Diosman pachis niychej, imaraykuchus Tata Diosqa k'achamin, khuyakuynintaj wiñaypaj, nispa. Arí, noqa kay suyuta watejmanta kutichisaj, ñawpajta karqa, ajinallataj kananpaj. Noqa Tata Diosmin chayta nini.

Isaías 51:3

Cheqamanta noqa Tata Dios Sión llajtata sonqochasaj, jinallataj llajtaj laqayankutapis khuyakuywan qhawasaj. Ch'aki ch'in jallp'anta qhallallarichisaj, imaynatachus Edén huertata qhallallaricherqani, ajinata. Chaypi may kusikuy, Diosta jatunchay, tocanawan takiykuna ima kanqa.

Colosenses 2:7

Paypi sach'a jina sumaj ukhu saphiyoj kaychej, jinallataj qankuna sumaj cimientoyoj wasi jina paypi sayachisqa kaychej. Ajinamanta Cristopi atinikusqaykichejpi kallpachasqa kankichej cheqa kajta yachasqaykichejwan. Jinallataj Diosman ashkhata pachis nillankichejpuni.

2 Corintios 4:15

Chayrayku chay tukuy imata ñak'ariyku qankunaj allinniykichejpaj. Ajinaqa Diospa qhasilla k'acha yanapaynin astawan ashkha runaman chayajtin, aswan ashkhallataj Diosman pachis nispa nenqanku, ajinamanta pay may jatunchasqa kananpaj.

Salmos 116:17

Tata Dios, pachis nispa uywa ñak'asqata jaywasqayki, sutiykita oqharispataj, qanmanta mañarikusaj.

Salmos 106:48

Israelpata Tata Diosnin wiñay wiñaypaj jatunchasqa kachun. Tukuytaj nichunku: Ajina kachun, nispa. Tata Dios jatunchasqa kachun.

Salmos 95:2

Pachis nispa, ñawpaqenman qayllanachej, paymantaj salmokunata takipunachej.

San Mateo 6:13

Chantá juchallinaman tanqasqa kashajtiyku, ama kasojta saqewaykuchu, manachayqa jark'awayku Supayta kasunaykumanta. Kayta mañarikuyku, imaraykuchus qanmin Tukuyta Kamachej kanki, tukuy atiyniyojtaj, tukuypaj jatunchasqataj wiñay wiñaynintinpaj. Ajina kachun, nispa.

Jeremías 33:9

Chantá Jerusalén llajta kusikunay llajta kanqa, tukuy suyoj ñawpaqenkupi manchay uyarisqa kanqa. Paykunanejta kay pachapi tukuy suyukunaj ñawpaqenpi yupaychasqa, chantá manchay uyarisqa kasaj. Jinataj sonqo tiyaykuy kawsayta qosqayrayku chantá tukuy imawan junt'achisqayta rikuspa, waj suyukunamanta runakuna kharkatitenqanku, nispa.

Salmos 50:14

Aswanpis noqaman pachis nispa nisqaykita jaywariway, chantá noqa Patapi Kaj Diosman imatachus niwasqaykita junt'ay.

Nehemías 12:46

Unaymantapacha Davidpa, chantá Asafpa p'unchayninmantapacha churasqa karqanku Diosta yupaychaspa takichejkuna, chantá Diosman pachis nispa takichejkuna ima.

Nehemías 12:8

Levitakunaqa kaykuna karqanku: Josué, Binúi, Cadmiel, Serebías, Judá, Matanías ima. Paykunaqa Diospa Templonpi yupaychaspa takichinankupaj churasqa karqanku.

Apocalipsis 1:18

chantá pichus kawsaj. Wañusqa karqani, kunantajrí wiñay wiñaypaj kawsashani. Noqallataj runakunata wañusqamanta kawsarichinaypaj atiyniyoj kani, jinallataj ukhu pachaj llaventawan jap'ishani.

Romanos 11:36

Tukuy ima Diospa ruwasqanmin, paytaj chay tukuyta sayachin, jinataj tukuy imaqa paypajmin. Chayrayku pay wiñay wiñaynintinpaj jatunchasqa kachun. Ajina kachun.

1 Corintios 14:16

Qanchus espiritullaykiwan mana rejsisqa parlaypi Diosta yupaychawaj chayqa, imatachus nishasqaykita mana yachajkuna imaynatataj qanwan khuska Diosta jatunchankumanri? Chayrí, sichus imatachus nishasqaykita mana yachankumanchu chayqa, imaynatataj qanwan khuska Diosta pachis ninkuman?