Apocalipsis 6:8 - DIOSPA QHELQACHISQ

⁸ Chantá uj q'ellu caballota rikorqani. Chay caballopi lloq'asqa kajpata sutin Wañuy karqa, paypa qhepantataj Ukhu Pacha nisqa risharqa. Paykunamantaj atiyta qorqanku, kay pachamanta khuskanpa khuskannin runakunata wañuchinankupaj espadawan, yarqhaywan, onqoykunawan, chantá k'ita animalkunawan ima.

Qheshwa Biblia DC

⁸ Rikullarqanitaj uj q'ellu caballota. Patampi lloq'asqa kajpatataj sutenqa wañuy karqa. Wañuy nisqataj payta qhatisharqa. Payman tukuynin jallp'amanta tawan kaj suyuta qorqanku wañuchinampaj espadawan, yarqhaywan, onqoykunawan, jallp'api monte animaleswan ima.

DIOSPA QHELQACHISQAN DEUTEROCANONICAL

⁸ Chantá uj q'ellu caballota rikorqani. Chay caballopi lloq'asqa kajpata sutin Wañuy karqa, paypa qhepantataj Ukhu Pacha nisqa risharqa. Paykunamantaj atiyta qorqanku, kay pachamanta khuskanpa khuskannin runakunata wañuchinankupaj espadawan, yarqhaywan, onqoykunawan, chantá k'ita animalkunawan ima.

Quechua South Bolivia: Dios Parlapawanchej

⁸ Ricorkanitaj uj k'ellu caballota. Chay caballopi llok'aska cajtaj Wañuy sutiyoj carka. Infierno sutichaska cajtaj paypa khepanta jamorka. Paycunaman atiy koska carka cay pacha runasmanta tawa caj parteta wañurachinancupaj. Guerraswan, yarkhaywan, onkoywan, cay pacha fiero animaleswanpis wañurachenkancu.

Apocalipsis 6:8 Referans Kwoze

Oseas 13:14

Ukhu pachaj atiyninmantapis libranaychu kanqa? Preciota pagaspa, wañuymantapis kacharichinaychu kanqa? Ya, wañuy, atiyniyki maypitaj kashanri? Qanpatapis, ukhu pacha, maypitaj atiyniyki kashan? Manaña kay runakunamanta khuyakusajchu.

Apocalipsis 1:18

chantá pichus kawsaj. Wañusqa karqani, kunantajrí wiñay wiñaypaj kawsashani. Noqallataj runakunata wañusqamanta kawsarichinaypaj atiyniyoj kani, jinallataj ukhu pachaj llaventawan jap'ishani.

Zacarías 6:3

Kinsa kaj carretata yuraj caballokuna aysasharqanku, tawa kajtataj yuraj q'ellu caballokuna.

Ezequiel 5:12

Qankunamanta kinsaman t'aqasqamanta ujnin t'aqaqa onqoywan chantá yarqhaywan ima callekunapi wañuranqanku. Ujnin t'aqataj muyuyniykichejpi awqaykichej espadawan wañurachenqanku, ujnin t'aqatataj tukuynejman ch'eqerachisaj, paykunaj qhepantataj espadawan qhatiykusaj.

Jeremías 16:4

Paykunaqa millay onqoykunawan wañonqanku, manataj pipis paykunamanta waqanqachu, nitaj p'ampajkuna kanqachu. Pampapi wanu jina wijch'usqa qhepakonqanku. Maqanaku, yarqhay ima paykunata tukuchenqa, ayankutataj suwintukuna, k'ita animalkunawan mikhonqanku, nispa.

Apocalipsis 9:18

Runakunataj kinsaman t'aqasqamanta ujnin kaj t'aqa kay ñak'ariykunawan wañuchisqa karqanku: Caballokunaj siminkumanta llojsimoj ninawan, q'oshñiwan, chantá azufrewan ima.

Isaías 25:8

Tukuyta Kamachej Tata Diosqa wañuyta wiñaypaj chinkachenqa, tukuypa waqaynintataj pichanqa. Ayllunpa mana allinpaj qhawasqa kayninkutapis tukuy kay pachamanta chinkachillanqataj. Ajinata Tata Diosqa nin.

Apocalipsis 9:15

Jinataj chay tawa angelkunata phaskaraspa kacharerqa, runakuna kinsaman t'aqasqamanta ujnin kaj t'aqata wañurachinankupaj. Chay angelkunaqa chay phanipaj, chay p'unchaypaj, chay killapaj, chay watapaj runata wañuchinankupaj wakichisqa karqanku.

1 Corintios 15:55

Kunanqa wañuypa atiynin atipanawanchejpaj manaña kanchu, nitaj ima mana allintapis ruwayta atiwanchejchu.

Habacuc 2:5

Mayta runaykachajkunaqa may atiyniyoj kayta munanku, mana samarikuspa mask'anku astawan astawan munaspa, chay atiy tukukuyniyoj kajtinpis. Siminkuta aya p'ampanata jina kicharinku, wañuy jinataj mana sajsakuyta atinkuchu. Chayrayku waj suyukunata jap'inankupaj ujmantaj ujmantaj phinkiykunku.

Jeremías 16:16

Kunanrí ashkha runata kachasaj challwata jina qankunata jap'inankupaj. Chantá k'ita animalta jap'ejkunata kachallasajtaj tukuy orqokunapi, lomakunapi, jinataj chhanka k'ajllukunapipis qankunata jap'inankupaj.

San Mateo 11:23

Jinallataj qankuna Cafarnaún llajtayojkuna, yuyankichejchu janaj pachakama oqharisqa kanaykichejta? Manapuni, astawanqa ukhu pachaman wijch'uykusqa kankichej. Sodomapichus qanpi jina pipis t'ukuna imakunata ruwanman karqa chayqa, chay llajtaqa kunankama kakushanman karqa.

Jeremías 43:11

Chantá pay Egipto suyuta phirita ruwanqa. Pikunachus wañunankupaj churasqa kashanku, chaykuna wañonqanku. Jinallataj pikunachus llajtankumanta waj suyuman apasqa kanankupaj churasqa kashanku, chaykuna apasqapuni kanqanku. Pikunatajchus maqanakupi wañuchisqa kanankupaj churasqa kashanku, chaykunapis maqanakupi wañullanqankutaj.

Proverbios 5:5

Pichus wasanchaj warmiwan purejqa wañonqa, chay warmej thaskisqantaj jallp'aj sonqonman cheqanta pusan.

Apocalipsis 12:4

Chupanqa janajpi ch'askakuna kinsaman t'aqasqamanta ujnin kaj t'aqata qharastaspa, kay pachaman wijch'uykamorqa. Chantá sierpeqa onqokushaj warmej ñawpaqenpi sayaykorqa, paqarichikojtinkama wawanta oqoykunanpaj.

Jeremías 14:12

Ayunaspa mañakuwajtinkupis, mana uyarisajchu. Uywa ñak'asqa q'olachinata apamuwajtinkupis, jinataj poqoykunamanta jaywanata ima, manapuni tukuy sonqochu jap'ikusaj. Manachayqa paykunata maqanakupi tukuchisaj, yarqhaywan, onqoywan ima, nispa.

Jeremías 24:10

Paykunaman maqanakuta, yarqhayta, onqoytapis apachimusaj, kay suyumanta tukuy chinkanankukama, mayqen suyutachus paykunaman, chantá ñawpa tatankumanpis qorqani, kaymanta, nispa.

Jeremías 29:17

Paykunaman maqanakuyta, yarqhayta, onqoyta ima kachaykusaj. Paykunata q'etayasqa higo jina mana mikhunapaj jina kanankuta ruwasaj.

Ezequiel 29:5

Chantataj challwaykikunatawan khuskata ch'innejman wijch'usqayki. Qanqa pampapi choqarayanki, manataj pipis p'ampaykusunanpaj oqharisonqachu. Campopi kaj k'ita animalkunaman, phawajkunaman ima mikhuykusunankupaj jaywaykusqayki.

San Mateo 24:7

Uj suyoqa waj suyoj contranta oqharikonqa, uj kamachejtaj waj kamachejpa contranta. Jinallataj tukuynejpi jallp'a ikhakuykuna kanqa, yarqhay ima.