Apocalipsis 6:2 - DIOSPA QHELQACHISQ

² Chantá chaypi uj yuraj caballota rikorqani. Chay caballopi lloq'asqa kajtaj flechanapaj uj arcota jap'isharqa. Paymantaj uj pilluta churarqanku. Jinataj caballopi lloq'asqa maqanakuspa atipananpaj llojserqa, atipanallanpajpunitaj.

Qheshwa Biblia DC

² Rikorqanitaj: Chaypi karqa uj yuraj caballo. Patampitaj lloq'asqaqa uj arcota flechanampaj jap'isharqa. Paymantaj uj pilluta qorqanku. Atipaspa llojserqa, atipanallampajtaj.

DIOSPA QHELQACHISQAN DEUTEROCANONICAL

² Chantá chaypi uj yuraj caballota rikorqani. Chay caballopi lloq'asqa kajtaj flechanapaj uj arcota jap'isharqa. Paymantaj uj pilluta churarqanku. Jinataj caballopi lloq'asqa maqanakuspa atipananpaj llojserqa, atipanallanpajpunitaj.

Quechua South Bolivia: Dios Parlapawanchej

² Ricorkanitaj uj yuraj caballota. Chay caballopi llok'aska cajtaj maquinpi uj flechana arcoyoj carka. Atipaskanmanta uj pillu umanpaj payman koska carka. Atipaspataj llojserka astawan atipananpaj.

Apocalipsis 6:2 Referans Kwoze

Zacarías 1:8

Uj ch'isi mosqoypi jina rikorqani uj runata puka caballopi lloq'asqata, vallepi arrayán sach'akuna chawpipi sayashajta. Rikullarqanitaj qhepannejpi puka caballokunata, oqe caballokunata, chantá yuraj caballokunata ima.

Apocalipsis 3:21

Tukuy atipajkunaqa kamachinay tiyanapi noqawan tiyanqanku, imaynatachus noqapis atipaspa Tataywan khuska kamachinan tiyanapi tiyaykukorqani, ajinata.

Apocalipsis 14:14

Chantá qhawashajtillay, uj yuraj phuyu rikhurerqa, chay phuyu patapitaj Runaj Churinman rijch'akoj tiyasqa kasharqa. Payqa umanpi qori pilluyoj karqa, makinpitaj sumaj filochasqa hozeta jap'isharqa.

Apocalipsis 11:15

Maypachachus qanchis kaj ángel trompetanta waqacherqa chaypacha, janaj pachapi jatunmanta parlasqanku uyarikorqa: Diosninchej, chantá kachamusqan Cristo ima kay pachapi kamachishankuña. Paykunataj wiñay wiñaypaj kamachenqanku, nispa.

Isaías 25:8

Tukuyta Kamachej Tata Diosqa wañuyta wiñaypaj chinkachenqa, tukuypa waqaynintataj pichanqa. Ayllunpa mana allinpaj qhawasqa kayninkutapis tukuy kay pachamanta chinkachillanqataj. Ajinata Tata Diosqa nin.

Salmos 110:2

Sionmantapacha Tata Dios kamachinayki varata qosunki, awqaykikunata kamachinaykipaj.

Apocalipsis 17:14

Chantá paykuna Corderoj contranpi maqanakonqanku. Corderotajrí paykunata atipaykonqa, imaraykuchus payqa tukuy kamachejkunaj Kuraj Kamachejninku, tukuy wiraqochikunaj Kamachejninkutaj. Pikunatachus Dios wajyaspa ajllakorqa, jinataj payta kasunku chaykuna paywan khuska kanqanku.

Apocalipsis 15:2

Rikullarqanitaj cristalmanta jina uj mama qochata ninawan chajrusqata. Chay cristal mama qochapitaj sayasharqanku, pikunachus ñawpa sierpeta, lantintawan mana yupaycharqankuchu, nitaj marcanwan marcachikorqanku, chaykuna. Tukuyninkutaj Diospa qosqan arpata jap'isharqanku.

Apocalipsis 11:18

Chayrayku tukuy suyumanta runakuna phiñarikorqanku. Chaywanpis qanpa phiñakunayki p'unchay chayamunña. Wañusqakunata juzganayki p'unchaypis chayamullantaj. Jinallataj p'unchay chayamun qan, pikunachus qanmanta sut'inchajkunaman, qanpaj ajllakusqaykikunaman, sutiykita jatunchajkunaman ima ruwasqankuman jina t'inkata qopunaykipaj, mana kasu ruwana kachunku, chayrí maypaj qhawasqa kachunku. Chantá kay pachata phirejkunatapis tukuchinaykipaj p'unchay chayamullantaj, nispa.

1 Corintios 15:25

Cristo kamachinanpuni tiyan tukuynin awqankuna chakin uraman churasqa kanankukama.

Salmos 98:1

(1b) Tata Diosman uj mosoj takiyta takiychej, manchayta t'ukunata pay ruwasqanrayku. Payqa sinch'i kallpanwan, sinch'i atiyninwan ima tukuy awqankunata atipan.

Apocalipsis 19:14

Chantá janaj pachamanta soldadokunaqa paypa qhepanta yuraj caballokunapi risharqanku, linomanta sumaj awasqa yuraj llimphu p'achawan p'achallisqa.

San Mateo 28:18

Chantá Jesús qayllaykuspa, paykunata nerqa: Tata Diosneyqa kamachinapaj tukuy atiyta qowan janaj pachapi, kay pachapipis.

Salmos 76:7

7 (8)Qanqa manchayta manchachikunamin kanki. Sinch'i phiñasqa kashajtiyki, pitaj ñawpaqeykipi sayayta atinmanri?

Apocalipsis 9:7

Chay phinki phinkikuna maqanakupaj wakichisqa caballokunaman rijch'akorqanku. Chaykunaj umankupitaj qori pillu jina churasqa karqa, uyankutaj runa uya jina.