Apocalipsis 6:16 - DIOSPA QHELQACHISQ

¹⁶ Chantá orqokunata, qaqatapis qhaparikorqanku: Pataykuman urmaykamuspa, pakaykuwayku jaqay kamachina tiyanapi tiyashaj Cordero ama rikunawaykupaj. Jinataj Corderoj k'araj phiñakuyninmanta pakallawaykutaj,

Qheshwa Biblia DC

¹⁶ Orqosman, qaqasmantaj nerqanku: Pataykuman urmaykamuwayku. Pakaykuwaykutaj jaqay trono patapi tiyajpa uyanmanta, Corderoj k'ajaj phiñakuyninmantawan.

DIOSPA QHELQACHISQAN DEUTEROCANONICAL

¹⁶ Chantá orqokunata, qaqatapis qhaparikorqanku: Pataykuman urmaykamuspa, pakaykuwayku jaqay kamachina tiyanapi tiyashaj Cordero ama rikunawaykupaj. Jinataj Corderoj k'araj phiñakuyninmanta pakallawaykutaj,

Quechua South Bolivia: Dios Parlapawanchej

¹⁶ Orkosta kakasta nerkancutaj: —¡P'ampaycuwaycu! ¡Pacaycuwaycu tucuyta Camachej tiyanapi tiyacojmanta Corderoj phiñacuyninmantawan!

Apocalipsis 6:16 Referans Kwoze

San Lucas 23:30

Chaypachallataj runakuna orqokunata nenqanku: Pataykuman urmaykamuwayku, nispa. Lomakunatataj nenqanku: P'ampaykuwayku, nispa.

Oseas 10:8

Bet Avenpi lanti yupaychana cheqakuna thuñisqa kanqanku, maypichus Israelpi tiyakojkuna juchallej kanku, chaykuna. Chay altarninkukuna patapi qhewayllukuna, khishkakuna ima wiñanqanku. Runakunataj orqokunata nenqanku: Pakaykuwayku, nispa, moqokunatataj nenqanku: Pataykuman urmaykamuwayku, nispa.

Apocalipsis 4:2

Chantá chay kikinpacha Santo Espíritoj kamachiyninpi kaspa, noqa janaj pachapi kamachina tiyana churasqata rikorqani. Chay kamachina tiyanapitaj uj runa tiyasqa kasharqa.

Apocalipsis 20:11

Chay qhepata noqa uj jatun yuraj kamachina tiyanata rikorqani, chaypi tiyasqa kashajtawan ima. Paypa ñawpaqenmantataj kay pacha, janajpis chinkasqata chinkarqanku.

San Mateo 26:64

Jesustaj kuticherqa: Arí, qan ninki. Astawanqa niykichej: Kunanmanta ñawpajman Runaj Churinta rikunkichej Tukuy Atiyniyoj Diospa pañanpi tiyashajta, jinallataj phuyu patapi janaj pachamanta jamushajta ima, nispa.

Jeremías 8:3

Chantá chay millay runakunata wañuchisqaymanta kawsashaj qhepakojkunata ch'eqerachisaj, paykunataj wañuytaraj astawan munanqanku chay cheqakunapi kawsanankumanta nisqaqa. Noqa Tukuy Atiyniyoj Tata Diosmin chayta nini.

Apocalipsis 19:15

Paypa siminmanta uj filo espada llojsimorqa, chaywan tukuy suyupi tiyakojkunata atipananpaj. Payllataj fierro varawan kamachenqa, jinallataj Tukuy Atiyniyoj Diosqa uva sarunapi jina k'arajta phiñakuspa paykunata saronqa.

Apocalipsis 10:6

Jinaspataj payqa, pichus janajta, jallp'ata, mama qochata, chaykunapi imachus kajkunatawan ruwarqa, chay wiñay wiñaypaj kawsaj Diospa sutinpi tiluspa, nerqa: Suyana tiempo tukukapunña.

Apocalipsis 6:10

Chantá paykuna jatunmanta qhaparispa, nerqanku: Tukuyta Kamachej Jesús, may llimphu kaj, cheqa kajtaj, jayk'ajkamataj kay pachapi tiyakojkunata mana juzgankichu, nitaj wañuchiwasqaykumanta vengakunkichuri? nispa.

Apocalipsis 4:9

Chay kawsajkunaqa kamachina tiyanapi tiyasqa kajta pachis nispa yupaychanku, pichus wiñay wiñaypaj kawsan, chayta.

Apocalipsis 4:5

Jatun kaj kamachina tiyanamanta lliuj lliujkuna llijusharqa, qhon qhonkunapis t'ojyasharqa. Jinataj qanchis nina jachonkuna kamachina tiyanaj ñawpaqenpi lawrasharqanku. Chayqa Diospa qanchis jinamanta rejsichikoj Santo Espíritun karqa.

Salmos 14:5

Chaywanpis paykuna manchachikuspa, kharkatitenqanku, imaraykuchus Tata Diosqa payta kasukojkunawan kashan.

Isaías 2:10

Israelitakuna, chhanka jusk'uman chinkaykuychej. Tata Diospa manchana jina kayninmanta pakakuychej, jatun kayninpa lliphipiyninmantawan.

Marcos 3:5

Chaymanta Jesusqa phiñakuspa, muyuyninpi kajkunata qhawarerqa, paykunamantataj llakikorqa rumi sonqo kasqankurayku. Chay onqosqa runatataj nerqa: Makiykita jaywariy, nispa. Paytaj makinta jaywarejtinkama, makin qhaliyaporqa.

Apocalipsis 5:1

Chantá noqa chay kamachina tiyanapi tiyasqa kajpa paña makinpi rikorqani uj k'uyusqa p'anqata. Chay k'uyusqa p'anqaqa ukhunpi jawanpi ima qhelqasqa karqa, qanchis sellowantaj sellasqa.

Apocalipsis 9:6

Chay p'unchaypi phinki phinkikunanejta ñak'arichisqa runakuna wañuyta mask'anqanku, manataj wañuyta atenqankuchu. Wañuyta munanqanku chaypis, wañoyqa paykunamanta ayqenqa.