Apocalipsis 6:14 - DIOSPA QHELQACHISQ

¹⁴ Janajpis papel jina k'uyukuspa, chinkariporqa. Tukuy orqokunataj, mama qochapi churukunapis kasqankumanta kuyurichisqa karqanku.

Qheshwa Biblia DC

¹⁴ Cielotaj ithirikaporqa, imaynatachus uj escribisqa papel k'uyuykukun ajinata. Tukuy orqotaj, yaku pata churu jallp'aspis, kasqankumanta kuyurerqanku.

DIOSPA QHELQACHISQAN DEUTEROCANONICAL

¹⁴ Janajpis papel jina k'uyukuspa, chinkariporqa. Tukuy orqokunataj, mama qochapi churukunapis kasqankumanta kuyurichisqa karqanku.

Quechua South Bolivia: Dios Parlapawanchej

¹⁴ Cielo lliq'iska chincachiskataj, uj kelka c'uyujina c'uyuycuska carka. Tucuy orkos tucuy yacuwan muyuycuska jallp'aspis lugarnincumanta cuyuchiskas carkancu.

Apocalipsis 6:14 Referans Kwoze

Isaías 34:4

Janajpi ch'askakunapis phirikuspa chinkaraponqanku, kikin janajpis papel jina mayt'uykakaponqa. Tukuy ch'askakuna urmaramonqanku, uva sach'aj qawisqa laqhenkuna urmaran jinata, chayrí higoj laqhenkuna jina.

Apocalipsis 16:20

Chantá mama qochapi tukuy churukuna ayqerqanku, orqokunataj yakuman chinkaykorqanku.

2 Pedro 3:10

Tukuyta Kamachej Jesucristoj kutimunan chay p'unchayqa suwa jina chayamonqa. Chaypachataj, janajpis manchayta t'ojyaspa chinkarenqa, tukuy kaj chhikataj ninawan q'olaykusqa kanqa. Jinallataj kay pachapis, tukuy imantin kantumanta tukuchisqa kanqa.

Salmos 102:26

26 (27) Tukuy chaykunaqa chinkaponqanku. Qantajrí wiñaypaj sayanki. Tukuynin p'acha jina mawk'ayaponqa. Qantajrí chaykunata p'achata jina lluch'uspa, wajta churanki.

Apocalipsis 20:11

Chay qhepata noqa uj jatun yuraj kamachina tiyanata rikorqani, chaypi tiyasqa kashajtawan ima. Paypa ñawpaqenmantataj kay pacha, janajpis chinkasqata chinkarqanku.

Ezequiel 38:20

Chantá mama qochapi kaj challwakuna, phawaj p'isqokuna, campopi kaj phiña animalkuna, pampata qhatatakuspa purej animalkuna, tukuy kay pachapi kaj runakuna ima ñawpaqeypi kharkatitenqanku. Jatuchaj orqokuna loqherakonqanku, tukuy perqakunataj thuñikuspa, pampaman urmanqanku.

Isaías 54:10

Qanmanta khuyakoj Tata Dios nisunki: Tukuy orqokuna kuyurenqanku, lomakunapis kharkatitenqanku. Khuyakuyniyrí qanmanta manapuni karunchakonqachu. Qanwan allinyakuna trato ruwasqaypis manallataj jayk'ajpis p'akisqachu kanqa, nispa.

Apocalipsis 21:1

Chaymantataj noqaqa mosoj janajta, mosoj kay pachatawan rikorqani, imaraykuchus ñawpaj kaj janaj, chantá ñawpaj kaj kay pachapis tukukaporqanku. Mama qochapis manaña karqañachu.

Habacuc 3:6

Pay sayarejtin, kay pacha kharkatitin. Qhawashajtillan, suyukuna chujchurinku. Ñawpa orqokuna urmaranku, unayniyoj lomakunapis pampachakunku. Diospa ñanninkunarí wiñay wiñaypaj.

Nahúm 1:5

Paypa ñawpaqenpi orqokunapis kharkatitinku, lomakunapis yaku jina unuyarin. Payta rikuspaqa, tukuy jallp'antin kharkatitin. Kay pacha, chaypi tiyakojkunapis kharkatitillankutaj.

Jeremías 51:25

Noqa qanpa contraykipi kashani, atiyniyoj suyu, tukuy kay pachata tukuchej. Ajinata noqa Tata Diosmin nini. Qanpa contraykita makiyta oqharisaj, chhanka patamanta urmachimusunaypaj, ruphachisqa orqoman jinataj tukuchisqayki.

Habacuc 3:10

Orqokunaqa rikususpa, kharkatitinku, parapis patamanta imata jina jich'akamun. Chantá mama qochapis chhika patata oqharikuspa, qhollchoqeyasqanwan manchayta ch'ajwarin.

Jeremías 3:23

Cheqapuni qhasi kasqa orqo pataman lantikunata yupaychaj wicharisqaykoqa, jinallataj orqokunapi qhaparqachasqaykupis. Diosniyku Tata Diosllamin Israel suyuta yanapawasqayku.