Apocalipsis 5:5 - DIOSPA QHELQACHISQ

⁵ Kuraj runakunamanta ujninrí niwarqa: Ama waqaychu. Judá jatun ayllumanta León, pichus kuraj kamachej Davidpa kamachinan tiyanata chayaqeta jina jap'ej, chaymin atipasqanrayku qanchis sellokunata llik'ispa, kay p'anqata kichariyta atin, nispa.

Qheshwa Biblia DC

⁵ Kuraj runasmanta ujnintaj niwarqa: Ama waqaychu. Judaj ayllunmanta Leonqa, Davidpa saphin, atiparqa kicharinampaj librota, qanchis sellosnintawan.

DIOSPA QHELQACHISQAN DEUTEROCANONICAL

⁵ Kuraj runakunamanta ujninrí niwarqa: Ama waqaychu. Judá jatun ayllumanta León, pichus kuraj kamachej Davidpa kamachinan tiyanata chayaqeta jina jap'ej, chaymin atipasqanrayku qanchis sellokunata llik'ispa, kay p'anqata kichariyta atin, nispa.

Quechua South Bolivia: Dios Parlapawanchej

⁵ Chay curajcunamanta ujninrí niwarka: —Ama wakaychu. ¡Khaway! Judá aylloj atiyniyojnin Leon sutichaska caj, Davidpa Saphin caj atiparka. Chayraycu paylla atin chay kelka c'uyuta kanchis sellosnintapis quichariyta, —nispa.

Apocalipsis 5:5 Referans Kwoze

Isaías 11:1

Davidpa tatan Yeseqa uj k'ullu jina, chay k'ullumantataj ijimonqa, chay saphinmanta ijimojtaj poqonqa.

Apocalipsis 22:16

Noqa Jesusqa chaykunata iglesiakunaman willananpaj angelniyta kachamorqani. Noqa Davidpa mirayninmanta kaj kani, sut'iyamuyta lliphipej ch'askataj.

Hebreos 7:14

Yachanchej jina, Tukuyta Kamachej Jesucristonchej Judá jatun ayllumanta karqa. Moisestajrí Judá jatun ayllumanta parlaspa, sacerdote kanankumanta mana imatapis nerqachu.

Romanos 15:12

Diosmanta sut'inchaj Isaiaspis nillantaj: Yesejpa mirayninmanta uj kuraj kamachej sayarenqa. Payqa mana judío kajkunata kamachinanpaj sayarenqa, paykunataj paypi atinikuspa allin kajta suyakonqanku, nispa.

Romanos 1:3

Chay sumaj willaytaj Churin Jesucristomanta. Jesusqa kay pachapi runa jina paqarispa kuraj kamachej Davidpa mirayninmanta karqa.

Isaías 11:10

Chaypacha Yesejpa saphinmanta ijimojqa tukuy suyupaj wiphala jina uj señal kanqa. Tukuy runakuna payta mask'anqanku, tiyakunantaj jatun kayninwan lliphipirenqa.

Apocalipsis 6:1

Chay qhepata qhawashajtillay, Corderoqa ñawpaj kaj sellota llik'erqa. Chantá noqa tawa kawsajkunamanta ujninta nejta uyarerqani, qhon qhonpis kanman jina jatunmanta parlajta: Chimpamuy, nispa.

Apocalipsis 4:4

Rikullarqanitaj chay kamachina tiyanaj muyuyninpi iskay chunka tawayoj kamachina tiyanakunata. Chaykunapitaj iskay chunka tawayoj kuraj runakuna tiyasharqanku. Paykuna yuraj p'achayoj, chantá umankupi qori pilluyoj karqanku.

Jeremías 31:16

Tata Dios nillantaj: Raquel, amaña astawan waqaychu. Waqayniykita pichakuy, wawaykikunarayku ruwasqaykimantaqa t'inkayki kanqapuni. Wawaykikunaqa awqankoj suyunmanta kutimponqanku. Noqa Tata Diosmin chayta nini.

Apocalipsis 7:13

Chaymanta kuraj kaj runakunamanta ujnin tapuwarqa: Chay yuraj p'achawan p'achallisqa kajkuna, pikunataj kankuri? Maymantataj jamunkuri? nispa.

Apocalipsis 4:10

Ajinata chay kawsajkuna ruwashajtinku, chay iskay chunka tawayoj kuraj runakunaqa kamachina tiyanapi tiyasqa kajpa ñawpaqenpi qonqoriykukuspa, wiñay wiñaypaj Kawsajta yupaychallankutaj. Chantá pillunkukunata kamachina tiyanaj ñawpaqenman churaspa, ninku:

Apocalipsis 1:1

Kayqa Jesucristoj sut'inchasqan, mayqentachus Dios payman qorqa kamachinkunaman rejsichinanpaj imachus askamalla kananmanta, chay. Jesusqa angelninnejta chaykunata kamachin Juanman rejsicherqa.

San Juan 20:13

Angelkunataj payta taporqanku: Warmisita, imaraykutaj waqashankiri? nispa. Chantá María kuticherqa: Tukuyta Kamachej Jesusniypa ayanta apakapusqanku, manataj yachanichu maymanchus churasqankuta, nispa.

San Lucas 7:13

Jinapi Tukuyta Kamachej Jesús warmisapata sinch'ita waqashajta rikuspa, payta khuyapayarqa. Jesustaj nerqa: Ama waqaychu, nispa.

Números 24:9

Israel león jina awaytarin, china león jina winkurin. Pitaj sayarichej qayllaykunmanri? Israelitakunata saminchajkuna saminchasqallataj kachunku. Maldicejkunataj maldicisqallataj kachunku, nispa.

San Lucas 23:28

Jinapi Jesús chay warmikunata qhawarispa, nerqa: Jerusalenmanta warmikuna, ama noqamanta waqaychejchu, manachayqa qankunamanta waqaychej, wawaykichejkunamantawan.

San Lucas 8:52

Chaypitaj ashkha runakuna sonqo nanayta ch'iriskamanta waqasharqanku. Chantá Jesús paykunata nerqa: Amaña waqaychejchu, ch'iriskaqa manamin wañunchu, puñushallan, nispa.

Daniel (hebreo) 7:16

Chayrayku pikunachus chaynejpi sayarasharqanku, chaykunaman qayllaykuspa, ujnin kajta nerqani: Ama jina kaspa, kay tukuy rikusqayta sut'inchaway, nispa.

Apocalipsis 3:21

Tukuy atipajkunaqa kamachinay tiyanapi noqawan tiyanqanku, imaynatachus noqapis atipaspa Tataywan khuska kamachinan tiyanapi tiyaykukorqani, ajinata.

Apocalipsis 5:4

Chantá noqa maytapuni waqarqani, mana ujllapis chay p'anqata kicharispa ñawirinanpaj kasqanrayku.

1 Reyes 10:20

Chunka iskayniyoj leonkuna sapa ladopi sojtakama kallarqataj. Mana ni mayqen suyupipis chayman rijch'akoj kasqachu.

2 Crónicas 9:18

Chay kamachina tiyanaqa sojta patillakunayoj karqa, kallarqataj qorimanta ruwasqa chaki saruna. Tiyanan iskaynin ladonpitaj maki atirikunayoj karqa, chaywan khuskataj iskay sayashaj leonkuna ruwasqa karqa.

Job 41:15

15 (7) Wasanpis escudowan qhatasqa jina, sumaj suk'asqa rumi jina churasqa.