Apocalipsis 3:2 - DIOSPA QHELQACHISQ

² Chayrayku rijch'ariy. Qan imakunatarajchus allinta ruwashanki, chaykunata astawan allinta ruwanaykipaj atisqaykita ruway, imajtinchus chaykunapis ña chinkapunanpaj jinaña kashan. Noqa rikuni imatachus ruwasqayki mana Diosniypa munasqanman jinachu kasqanta.

Qheshwa Biblia DC

² Mana puñuspa qhaway. Chay wakin wañupushankuña chaykunata kallpachay; imaraykuchus ruwasqasniykita mana allintachu Diosniypa ñaupaqempi tarini.

DIOSPA QHELQACHISQAN DEUTEROCANONICAL

² Chayrayku rijch'ariy. Qan imakunatarajchus allinta ruwashanki, chaykunata astawan allinta ruwanaykipaj atisqaykita ruway, imajtinchus chaykunapis ña chinkapunanpaj jinaña kashan. Noqa rikuni imatachus ruwasqayki mana Diosniypa munasqanman jinachu kasqanta.

Quechua South Bolivia: Dios Parlapawanchej

² ¡Rijch'aricuy! Waquin ruwaskasniyqui chincanayashan, chayta callpachay. Ruwaskasniyquitaka Diospa ñaupakenpi manamin ruwanayquimanjina ruwaskatachu khawani.

Apocalipsis 3:2 Referans Kwoze

1 Pedro 5:8

Jinallataj allin yuyayniyoj jina, allinta qhawakuspa puriychej, imaraykuchus awqaykichej Kuraj Supayqa phiña león jina qhaparirispa, muyuykachashasunkichej, mayqellantapis oqoykunanpaj.

Apocalipsis 16:15

Chayrayku Jesús nin: Allinta qhawakuychej, imaraykuchus noqaqa suwa jina jamusaj mana yuyasqanku p'unchayta. Kusisqamin kanqanku pikunachus rijch'ashajlla, chantá p'achallisqa suyawajkuna. Ajinaqa paykunata mana q'alallatachu taripasaj, nitaj imamantapis p'enqakonqankuchu, nispa.

1 Pedro 4:7

Tukuy imaj tukukuynin qayllapiña kashan. Chayrayku qankunaqa allin yuyayniyoj jina kawsakuychej, amataj Dioswan parlarikunamanta qonqapuychejchu.

Isaías 35:3

Sayk'usqa kajkunata kay willaykunawan kallpachaychej, llawch'iyasqa moqoyoj kajkunata sumajta sayachiychej.

2 Crónicas 25:2

Amasiasqa Tata Diospaj munayninman jina cheqanta ruwarqa chaypis, mana tukuy sonqowanchu.

Hechos 18:23

Pabloqa uj chhikanta Antioquiapi qheparikorqa, chaymantataj pay rerqa tukuy Galacia jap'iynejta, Frigia jap'iynejta ima. Kantumanta purispataj, Jesusta tukuy qhatikojkunata kallpacharqa.

San Mateo 25:13

Noqataj qankunatapis nillaykichejtaj: Wakichisqapuni kaychej, imaraykuchus mana yachankichejchu ima p'unchaytachus, chayrí ima phanitachus Runaj Churin kutimunanta, nispa.

Deuteronomio 3:28

Qanqa Josueta yachachispa, sumaj sut'ita kamachiy, sonqochay, kallpachaytaj, imaraykuchus paymin israelitakunata pusanqa. Payqa, kunan rikunki, chay jallp'ata paykunaman rak'enqa, nispa.

Apocalipsis 2:4

Chaywanpis, kayta contraykipi nini: Qanqa manaña ñawpajta jinachu munakuwanki.

Ezequiel 34:16

Chinkasqa ovejakunata noqa mask'amusaj, ch'eqerasqatataj tropaman kutirichimusaj. Chakin p'akisqata tableyaykusaj, mayt'uykusajtaj. Tulluyajkunata makimanta mikhuchisaj, kallpasapa wira ovejakunatataj maychus michinata michisaj, nispa.

San Mateo 23:5

Chantá chay kurajkuna imatapis ruwanku, runawan rikuchikunallankupaj. Diospa Qhelqachisqanmanta wakin qhelqasqata mat'inkuman, makinkuman ima watakunku. Jinallataj jatuchaj waych'ayoj p'achakunata churakunku.

Daniel (hebreo) 5:27

TEKEL niyta munan: Balanzapi tupusqa kasqanki, manataj pesoman wakerqankichu, nispa.

Isaías 57:12

Kunan noqa sut'iman orqhosaj ruwasqaykita, imatachus cheqan kasqanta yuyanki, chayta. Chaywanpis chayqa mana yanapasonqachu.

Isaías 56:10

Aylluyta qhawajkunaqa ñawsa kanku, manataj imatapis yachankuchu. Paykunaqa ayñayta mana atej alqokuna jina kanku. Winkuspa puñuywan mana sajsakuy atejkuna kanku, puñuspataj misk'irichikunku.

1 Reyes 15:3

Payqa tatanpa ruwasqan kikin juchallatataj ruwarqa, paypa sonqontaj Tata Dioswan mana cheqanchu karqa, imaynachus ñawpa tatan Davidpata karqa, jina.

1 Reyes 11:4

Salomón machu runaña kashajtin, warminkunaqa waj dioskunaman sonqonta kutiricherqanku. Ajinamanta payqa mana tatan David jinachu tukuy sonqowan Tata Diosta qhatikorqa.

Zacarías 11:16

Noqataj kay suyupi chay jina michejta churasaj. Payqa chinkasqa ovejakunamanta mana watukonqachu, nitaj mask'aj renqachu, nillataj chakin p'akisqa ovejata jampenqachu. Manallataj tullu ovejatapis mikhuchenqachu, manachayqa wira ovejata mikhuykakaponqa, ni chaki sillullantapis puchuchenqachu.

Job 16:5

Noqachus qankuna jina kayman chayqa, kallpachaykichejman, misk'i simiwan parlapayaspataj, nanasqa sonqoykichejta thañirichiykichejman.

Apocalipsis 3:1

Chantá Jesucristo niwarqa: Sardis llajtapi iglesiaj angelninman kay nisqayta qhelqay: Pichus Diospa qanchis jinamanta rejsichikoj Santo Espiritunta, chantá qanchis ch'askakunata ima jap'in, chay nisunki: Noqaqa tukuy ima ruwasqaykita rikuni, yachallanitaj tukuy kasuwaspa purisqaykita yuyasqankuta. Chaywanpis chayqa mana jinachu. Qanqa mana kasuwaspachu purinki.

Apocalipsis 3:3

Chayrayku Diosmanta imatachus yachakusqaykita yuyarikuy, chantá watej kasuy, noqamantaj kutirikamuy. Manachus rijch'arinki chayqa, suwa jina mana yuyasqayki p'unchayta jamusaj.

San Mateo 25:7

Tukuynin sipaskunataj jatariytawan, lamparankuta wakichisqanku.