Apocalipsis 3:18 - DIOSPA QHELQACHISQ

¹⁸ Chayrayku noqamanta ninapi sumaj ch'uwachasqa qorita rantikunaykita yuyaychayki, cheqapuni qhapaj kanaykipaj. Chantá yuyaychayki p'achallikunaykipaj yuraj p'achata rantikunaykita, ama q'alalla kasqaykirayku p'enqakunaykipaj. Yuyaychallaykitaj rantikunaykita ñawiykipaj jampita, sut'ita rikuyta atinaykipaj.

Qheshwa Biblia DC

¹⁸ Qanta umachayki noqamanta rantikunaykita ninapi ch'uwachasqa qorita, qhapaj kanaykipaj; rantikunaykitataj yuraj p'achata p'achallikunaykipaj, ama q'ala kasqaykej p'enqaynin rikukunampaj rantikunaykitataj; ñawisniykipaj ñawi jampinata, rikunaykipaj.

DIOSPA QHELQACHISQAN DEUTEROCANONICAL

¹⁸ Chayrayku noqamanta ninapi sumaj ch'uwachasqa qorita rantikunaykita yuyaychayki, cheqapuni qhapaj kanaykipaj. Chantá yuyaychayki p'achallikunaykipaj yuraj p'achata rantikunaykita, ama q'alalla kasqaykirayku p'enqakunaykipaj. Yuyaychallaykitaj rantikunaykita ñawiykipaj jampita, sut'ita rikuyta atinaykipaj.

Quechua South Bolivia: Dios Parlapawanchej

¹⁸ Sumajta yuyaychayqui: Diospi jap'icunayquipaj nokamanta mañacuway. Paypi jap'icuyka sumaj puru korijinamin. Chaywan cierto khapaj canqui. Diospa ñaupakenpi ama k'alalla p'enkay riqhurinayquipaj chekan ruwaywan p'achallicuy. Diospa niskanta reparanayquipajpis nokamanta mañacuway. Ajinapi manaña ciegochu canqui.

Apocalipsis 3:18 Referans Kwoze

Apocalipsis 16:15

Chayrayku Jesús nin: Allinta qhawakuychej, imaraykuchus noqaqa suwa jina jamusaj mana yuyasqanku p'unchayta. Kusisqamin kanqanku pikunachus rijch'ashajlla, chantá p'achallisqa suyawajkuna. Ajinaqa paykunata mana q'alallatachu taripasaj, nitaj imamantapis p'enqakonqankuchu, nispa.

1 Pedro 1:7

Chay ñak'ariykunaqa Diospi atinikusqaykichej cheqachus manachus kasqanta sut'inchanqa. Chaypacha Diospi atinikusqaykichej cheqapuni kajtin, qankuna Jesucristoj kutimunan p'unchayta jatunchasqa, chantá allinpaj qhawasqa kankichej. Diospi atinikusqaykichejqa qorimanta nisqaqa aswan valorniyoj, imaraykuchus qoreqa ninawan ch'uwachasqa kaspapis, tukukuyniyoj. Diospi atinikusqaykichejrí mana.

Isaías 55:1

Tukuy ch'akichikojkuna, jamuychej yakuta ujyaj. Mana qolqeyojkuna, jamuychej. Mana qolqellawan trigota rantikuspa, mikhuychej. Jamuychej, mana pagaspalla vinota lechetapis ujyaychej.

Apocalipsis 19:8

Chay sipasman Dios atiyta qorqa yuraj lliphipej sumaj awasqa linomanta p'achawan p'achallikunanpaj. Linomanta sumaj awasqa telaqa ninakun Diospa ajllakusqankunaj cheqan ruwasqankuwan, nispa.

Malaquías 3:3

Tata Dios tiyarikuspa, Leví jatun aylluta ch'uwachanqa, imaynatachus yachajkuna ninapi qolqe metalta, qorita ima ch'uwachanku, jinata. Chaymantataj paykunaqa Tata Diospa munasqanman jina ofrendata apamonqanku.

Apocalipsis 7:13

Chaymanta kuraj kaj runakunamanta ujnin tapuwarqa: Chay yuraj p'achawan p'achallisqa kajkuna, pikunataj kankuri? Maymantataj jamunkuri? nispa.

San Mateo 13:44

Chay jawa Diospa janaj pacha kamachiynenqa tapadoman rijch'akullantaj. Uj runaqa wajpa jallp'anpi tapadota tariytawan, pachallanmantaj watejmanta p'ampaykusqa. Kusisqa rispataj, tukuy kapuyninta vendemusqa chay jallp'ata rantikapunanpaj.

Daniel (hebreo) 12:2

Wañusqakunamanta ashkha kawsarimonqanku, ujkunaqa wiñayta kawsanankupaj, wakinkunataj wiñay p'enqaypi, phutiypitaj kanankupaj.

Salmos 32:8

Tata Dios nin: Ñaweyqa qan qhawarisqalla kashan. Yuyaychasqayki, yachachisqaykitaj imaynatachus purinaykita.

Santiago 2:5

Munasqa wawqe panaykuna, allinta uyariwaychej: Manachu Diosqa pikunachus kay pachapi wajcha kajkunata ajllakun, Diospi atinikuypi qhapaj kanankupaj? Manachu paykuna kamachiyninpi chayaqeyoj kanqanku, Dios payta munakojkunaman chayaqeta qonanta nisqanman jina?

Miqueas 1:11

Safirpi tiyakojkuna, llajtaykichejmanta q'arallata, p'enqaytataj waj suyuman apasonqachej. Zananpi tiyakojkuna manchachikuspa, mana llajtankumanta llojsenqankuchu, Betesel llajtapi tiyakojkunataj wañojkunamanta waqashanku. Chayrayku qankunata mana pipis yanapasonqachejchu.

Salmos 73:24

Qanqa yuyaychawasqaykiwan cheqan ñanta pusawarqanki, chaymantataj mayta jatunchaspa jap'ikapuwanki.

Apocalipsis 3:17

Qanqa nishanki: Noqaqa qhapaj kani, tukuy imayoj, manataj imamantapis pisinichu, nispa. Jinapis mana reparakunkichu khuyana kasqaykita, mana imayoj, wajcha, ñawsa, q'alallataj.

Apocalipsis 2:9

Noqa ñak'arichisqa kasqaykita rikuni, wajcha kasqaykitapis. Chaywanpis qhapaj kanki. Yachallanitaj judío kasqankuta nejkuna qanpaj sajrata rimasqankuta. Paykuna mana Diospa ayllunmantachu kanku, aswanpis Kuraj Supaypa t'aqanmanta.

2 Corintios 8:9

Ña qankuna rejsinkichejña Tukuyta Kamachej Jesucristoj k'acha yanapayninta. Pay may qhapaj karqa chaypis, qankunata munakuspa wajchaman tukorqa, chay wajcha kayninnejta qankuna qhapajyachisqa kanaykichejpaj.

Isaías 47:3

Q'ara ukhuyki rikukonqa, p'enqayniykipis sut'ipacha kanqa. Mana khuyarikuspa, qanmanta vengakusaj, manataj pipis jark'ayta atiwanqachu.

Proverbios 23:23

Cheqa kajta rantikuy, amataj vendeychu. Jinallataj yachaytapis, unanchaytapis, yuyayniyoj kaytapis amallataj vendeychu.

2 Corintios 5:3

Chaypachaqa mana almallachu kasunchej, manachayqa almanchejqa ukhuyoj kanqa.

San Lucas 12:21

Ajinallataj kanqa, pichus payllapaj kay pachapi tukuy imata tantaspa, Diospa ñawpaqenpi mana imayoj rikhurin, chay runapaj, nispa.

Nahúm 3:5

Tukuy Atiyniyoj Tata Dios nin: Noqa contraykipi kashani. P'achaykita uyaykikama oqharisaj, waj suyukuna q'ala kayniykita rikunankupaj, waj kamachejkunapis p'enqayniykita rikunankupaj.

San Mateo 25:9

Yuyayniyojkunatajrí kutichisqanku: Mana qoriykumanchu, imaraykuchus noqaykupaj, qankunapajpis pisiyanman. Aswanpis qhatojkunamanta aceiteta rantikamuychej ari, nispa.

Jeremías 13:26

Noqapis qanta q'alallata sayachisqayki, p'enqayniykita tukuy rikunankupaj.

Eclesiastés 8:2

Kuraj kamachejniykita kasuy, imaraykuchus Diospa sutinrayku kasunaykita tilorqanki.

Proverbios 19:20

Yuyaychasqata uyariy, k'amisqatapis jap'ikuy, chay jinapi yachayniyojman tukunki.

Proverbios 1:30

Yuyaychasqayta mana jap'ikuyta munankichejchu, k'amisqaytapis pisipaj qhawankichej.

Proverbios 1:25

Aswanraj, imatachus yuyaychasqayta qhesacharqankichej, k'amisqaytapis mana jap'ikorqankichejchu.

Salmos 107:11

Ajina karqanku, Tata Diospa kamachisqanta mana kasukusqankurayku, Patapi kaj Diospa wakichisqanta qhesachasqankuraykutaj.

Salmos 16:7

Tata Diosta yupaychasaj, imajtinchus paymin sumajta yuyaychawan. Sonqoy ukhupi ch'isin pay pantasqaymanta reparachiwan.

1 Timoteo 6:18

Chantá paykunata kamachillaytaj allin kajta ruwanankuta, allin kajta ruwanapitaj qhapaj kanankuta. Jinallataj jatun sonqoyoj kachunku, tiyapuyninkumanta mana mich'akuspa wajkunata yanaparinankupaj.

Apocalipsis 4:4

Rikullarqanitaj chay kamachina tiyanaj muyuyninpi iskay chunka tawayoj kamachina tiyanakunata. Chaykunapitaj iskay chunka tawayoj kuraj runakuna tiyasharqanku. Paykuna yuraj p'achayoj, chantá umankupi qori pilluyoj karqanku.