Apocalipsis 3:15 - DIOSPA QHELQACHISQ

¹⁵ Noqaqa tukuy ima ruwasqaykita rikuni. Jinallataj yachani qanqa mana tukuy sonqochu kasuwasqaykita, manachayqa tumpallata. Allin kanman tukuy sonqo kasunawayki, chayrí mana kasunawayki.

Qheshwa Biblia DC

¹⁵ Ruwasqasniykita rejsini, mana chirichu, nitaj q'oñichu kasqaykitawan. Allin kanman chiri, chayrí rupha kanayki.

DIOSPA QHELQACHISQAN DEUTEROCANONICAL

¹⁵ Noqaqa tukuy ima ruwasqaykita rikuni. Jinallataj yachani qanqa mana tukuy sonqochu kasuwasqaykita, manachayqa tumpallata. Allin kanman tukuy sonqo kasunawayki, chayrí mana kasunawayki.

Quechua South Bolivia: Dios Parlapawanchej

¹⁵ Yachani causayniyquita. Nitaj chiri nitaj k'oñi canqui. ¡Chirillapis chayrí k'oñillapis cawaj!

Apocalipsis 3:15 Referans Kwoze

Romanos 12:11

Ama qhella kaychejchu, manachayqa k'uchi kaychej. Diospaj imatapis ruwaspaqa, tukuy sonqo ruwaychej.

San Mateo 6:24

Mana pipis iskay patronkunaj kamachiyninpi ujllapi kayta atinchu, imaraykuchus ujninta chejnenqa, ujnintataj munakonqa. Chayrí, ujnin patronman k'askakonqa, ujnintataj qhesachanqa. Manallataj qankunapis ujllapi qolqetawan, Diostawan aswanpaj qhawayta atinkichejchu.

Santiago 1:8

Jinallataj chay jina iskay sonqoyoj runaqa ni ima ruwasqanpi sumajta sayayta atinchu.

1 Reyes 18:21

Chantá Eliasqa tukuy runaman chimpaykuspa, nerqa: Mayk'ajkamataj iskayrayaspa kankichejri? Sichus Tata Diosqa cheqa kaj Dios kanman chayqa, payta qhatiychej. Baal cheqa kaj dios kajtinrí, paypa ruwananpi kaychej, nispa. Runakunatajrí mana imatapis kuticherqankuchu.

Apocalipsis 2:4

Chaywanpis, kayta contraykipi nini: Qanqa manaña ñawpajta jinachu munakuwanki.

San Mateo 24:12

Jinallataj millayta ruwana mayta ashkhayajtin, runakunaqa manaña wajkunata munakonqankuchu.

Proverbios 23:26

Wawáy, tukuy sonqoykiwan uyariway. Imaynatachus kawsasqayta qhawaspa qhatiy.

1 Pedro 1:22

Kunantaj qankuna cheqa kajta kasusqaykichejrayku llimphuchasqaña kankichej, wawqe panaykichejta tukuy sonqowan munakunaykichejpaj. Chayrayku tukuy sonqo astawan astawan munakuychej.

Filipenses 1:9

Chayrayku Diosmanta mañakuni, munakuyniykichej astawan astawan kananta, jinallataj yachaypi, tukuy imata reparanapi ima wiñanaykichejta.

2 Corintios 12:20

Noqa manchachikushani, qankunata watukoj jamuspaqa, ichá mana munasqayman jinachu qankunata taripanaymanta, nitaj qankunapis munasqaykichejman jinachu taripawanawaykichejmanta. Chantá manchachikullanitaj qankuna ukhupi churanakuykuna kananta, qhawanakuykuna, phiñanakuykuna, t'aqanakuykuna ima. Jinallataj kanman qhasimanta tumpanakuykuna, cuento apaykachaykuna, jatunchakuykuna, ch'ajwata sayarichiy ima.

San Mateo 10:37

Pichus tatanta, chayrí mamanta noqamanta astawan munakojqa mana noqajta kananpaj jinachu. Ajinallatataj, sichus pipis churinta, chayrí ususinta noqamanta astawan munakun chayqa, nillataj payqa noqajta kananpaj jinachu.

Deuteronomio 5:29

Mayta munayman ajinallatapuni yuyanankuta, noqatataj yupaychanawankuta, kamachisqaytapis sapa p'unchay kasunankuta. Ajinata ruwaspa, paykuna jinataj wawankupis wiñaypaj kusiy kawsayta rikonqanku.

Apocalipsis 3:1

Chantá Jesucristo niwarqa: Sardis llajtapi iglesiaj angelninman kay nisqayta qhelqay: Pichus Diospa qanchis jinamanta rejsichikoj Santo Espiritunta, chantá qanchis ch'askakunata ima jap'in, chay nisunki: Noqaqa tukuy ima ruwasqaykita rikuni, yachallanitaj tukuy kasuwaspa purisqaykita yuyasqankuta. Chaywanpis chayqa mana jinachu. Qanqa mana kasuwaspachu purinki.

Apocalipsis 2:2

Noqa tukuy ima ruwasqaykita yachani, sinch'i ruwasqaykita, chantá mana sayk'uspa sayasqaykita ima. Yachallanitaj millayta ruwaspa kawsajkunatapis mana rikuyta atisqaykita. Jesuspa kuraj kachan kani, nispa nejkunatapis qan allinta watuspa, llulla kasqankuta sut'iman orqhosqaykitapis yachallanitaj.

2 Tesalonicenses 1:3

Munasqa wawqe panakuna, qankunamanta Diosta pachis ninayku tiyan. Ajina kanan kashan, imaraykuchus Diospi astawan astawan atinikushankichej, jinallataj qankunapura astawan astawan munakushankichej.

Oseas 10:2

Israelqa iskay sonqolla kashan, kunantaj juchanmanta jasut'isqa kanqa. Altarninkunatapis Tata Dios thuñenqa, yupaychana rumi sayantankunatapis phirenqa.

1 Corintios 16:22

Pichus Tukuyta Kamachej Jesucristota mana munakojqa maldicisqa kachun. Jamuy ari, Tukuyta Kamachej Jesusniyku.

Oseas 7:8

Efrainqa waj llajtayojkunawan chhapuykukun. Paykunaqa uj ladollanmanta chayasqa t'anta jinamin.

Apocalipsis 3:16

Qan tumpallata kasuwasqaykirayku, noqaqa qhesachasqata qhesachasqayki.