Apocalipsis 3:11 - DIOSPA QHELQACHISQ

¹¹ Noqaqa usqhayta kutimusaj. Chayrayku qanqa, imachus tiyapusunkiraj, chaymanta ch'ipakuy, ama pipis pilluykita qhechusunanpaj.

Qheshwa Biblia DC

¹¹ Usqhayta jamusaj. Chay kapususqanta allinta jap'iy, ama pipis pilluykita qhechusunampaj.

DIOSPA QHELQACHISQAN DEUTEROCANONICAL

¹¹ Noqaqa usqhayta kutimusaj. Chayrayku qanqa, imachus tiyapusunkiraj, chaymanta ch'ipakuy, ama pipis pilluykita qhechusunanpaj.

Quechua South Bolivia: Dios Parlapawanchej

¹¹ Uskhayta jamusaj. Chayraycu nisuskayta casullaypuni atipaskayquimanta jap'inayquita ama chincachinayquipaj.

Apocalipsis 3:11 Referans Kwoze

Santiago 1:12

Kusisqamin pichus tukuy imaymana mana allin kaj qhatirejtin sinch'ita sayajqa, imaraykuchus chay mana allin kajta atipasqanmanta payqa wiñay kawsayta pilluta jina jap'enqa. Chayta Diosmin payta munakojkunaman qonanta nerqa.

Apocalipsis 22:12

Jesús nillantaj: Arí, noqa t'inka aparisqa usqhayta jamushani, sapa ujman maychus ruwasqanman jina qopunaypaj.

Apocalipsis 2:10

Chaywanpis imatachus ñak'arinaykimanta ama manchachikuychu, imaraykuchus Kuraj Supay qankunamanta wakinta wisq'achenqa, cheqatapunichus noqapi atinikusqaykichejta yachananpaj. Chaypacha, chunka p'unchayta ñak'arichisqa kankichej. Qanrí wañunaykikama kasuwaspallapuni puriy, noqataj wiñay kawsayta t'inkata jina qosqayki.

Apocalipsis 2:25

Aswanpis noqapi atinikuspallapuni kaychej, noqa kutimunaykama.

2 Timoteo 4:8

Chayrayku kasukuspa kawsasqaymanta noqapaj pillu tiyan. Chaytataj jaqay p'unchaypi Tukuyta Kamachej Dios, pichus cheqan kaj Juez t'inkata jina qowanqa. Manataj noqallamanchu qowanqa, aswanpis kutimunan p'unchayta imata jina tukuy suyajkunamanpis qollanqataj.

2 Timoteo 2:5

Manallataj pujllaypi tinkojpis pilluta t'inkata jina jap'enqachu, manachus kamachisqaman jina pujllanqa chayqa.

Apocalipsis 22:20

Chay tukuy imata willajqa nin: Noqaqa usqhayta jamushanipuni, nispa. Ajina kachun. Arí, Tukuyta Kamachej Jesús, jamuy.

Apocalipsis 1:3

Dios saminchanqa, pichus kay sut'inchaypa nisqanta iglesiaj uyarinanta ñawirenqa, chayta. Jinallataj saminchanqa pikunachus ñawirejta uyarinku, chantá kasunku, chaykunatapis, imaraykuchus kay p'anqapi imachus qhelqasqa kajpa junt'akunan ñapis qayllamushanña.

Apocalipsis 4:10

Ajinata chay kawsajkuna ruwashajtinku, chay iskay chunka tawayoj kuraj runakunaqa kamachina tiyanapi tiyasqa kajpa ñawpaqenpi qonqoriykukuspa, wiñay wiñaypaj Kawsajta yupaychallankutaj. Chantá pillunkukunata kamachina tiyanaj ñawpaqenman churaspa, ninku:

1 Corintios 9:25

T'ijurispa llallinakupaj wakichikojkunaqa tukuy, imachus mana yanapanqachu, chayta mana ruwankuchu. Ajinata paykuna wakichikunku ch'akipoj pillullata jap'inankupaj. Noqanchejrí mana jayk'aj ch'akipoj pilluta jap'inanchejpaj wakichikunchej.

Apocalipsis 3:3

Chayrayku Diosmanta imatachus yachakusqaykita yuyarikuy, chantá watej kasuy, noqamantaj kutirikamuy. Manachus rijch'arinki chayqa, suwa jina mana yuyasqayki p'unchayta jamusaj.

Apocalipsis 4:4

Rikullarqanitaj chay kamachina tiyanaj muyuyninpi iskay chunka tawayoj kamachina tiyanakunata. Chaykunapitaj iskay chunka tawayoj kuraj runakuna tiyasharqanku. Paykuna yuraj p'achayoj, chantá umankupi qori pilluyoj karqanku.

Apocalipsis 2:13

Noqa maypichus tiyakusqaykita yachani. Qanqa, maypichus Kuraj Supaypa kamachinan tiyana kashan, chaypi tiyakunki. Chaywanpis mana wasanchawarqankichu, nitaj noqapi atinikusqaykipi llawch'iyarqankichu. Pérgamo llajtapi willajniy Antipasta wañucherqanku, pichus tukuy sonqo noqata kasuwaspallapuni kawsarqa, chayta. Qanrí payta wañuchishajtinkupis, manapuni noqata wasanchawarqankichu.

Apocalipsis 22:7

Jesús nin: Noqa usqhayta jamushani. Kusisqamin kanqa pichus kay p'anqapi imachus sut'inchasqa kajta kasojqa, nispa.

Sofonías 1:14

Tata Diospa jatun p'unchaynin qayllamushanña. Qayllapiña kashan, usqhayllatataj jamushan. Tata Diospa p'unchaynenqa waqana p'unchay kanqa. Chay p'unchaypi aswan wapu kajkunapis mancharispa qhaparenqanku.

Santiago 5:9

Wawqe panaykuna, ama ujkuna ujkuna qhawanakuspa thutuychejchu, ama Dios juzgasunaykichejpaj. Juezqa jamunanpajña kashan.

Filipenses 4:5

K'acha kasqaykichejta tukuy yachachunku. Cuentaman churaychej: Tukuyta Kamachej Jesuspa kutimunanqa qayllapiña.

Apocalipsis 16:15

Chayrayku Jesús nin: Allinta qhawakuychej, imaraykuchus noqaqa suwa jina jamusaj mana yuyasqanku p'unchayta. Kusisqamin kanqanku pikunachus rijch'ashajlla, chantá p'achallisqa suyawajkuna. Ajinaqa paykunata mana q'alallatachu taripasaj, nitaj imamantapis p'enqakonqankuchu, nispa.