Apocalipsis 22:9 - DIOSPA QHELQACHISQ

⁹ Paytajrí niwarqa: Ama noqata yupaychawaychu. Noqaqa kamachi masiyki kani, Diosmanta sut'inchaj wawqeykikuna jina, kay p'anqaj nisqanta kasojkunajta ima. Qanqa Diosllata yupaychay, nispa.

Qheshwa Biblia DC

⁹ Paytaj niwarqa: Qhawakuy, ama chayta ruwaychu. Noqaqa kamachi masiyki kani, hermanosniyki profetaspata, kay libroj palabrasninta waqaychajkunajta ima. Diosllata yupaychay.

DIOSPA QHELQACHISQAN DEUTEROCANONICAL

⁹ Paytajrí niwarqa: Ama noqata yupaychawaychu. Noqaqa kamachi masiyki kani, Diosmanta sut'inchaj wawqeykikuna jina, kay p'anqaj nisqanta kasojkunajta ima. Qanqa Diosllata yupaychay, nispa.

Quechua South Bolivia: Dios Parlapawanchej

⁹ Payrí niwarka: —¡Amapuni yupaychawaychu! Camachimasillayqui cani. Willaj hermanosniyquimanta, cay libropi kelkaskasta casojcunamanta cani. ¡Diosllata yupaychay! —nispa.

Apocalipsis 22:9 Referans Kwoze

Apocalipsis 19:10

Chayta ángel nejtin, noqaqa payta yupaychanaypaj chakin chaynejman pampakama k'umuykorqani. Paytajrí niwarqa: Ama chayta ruwaychu. Noqaqa qan jina, chantá Jesuspa nisqanta jap'ikoj wawqe panaykikuna jina Diospa kamachillantaj kani. Qanqa Diosllata yupaychay, imaraykuchus Diosmanta sut'inchajkunaj nisqankoqa, Jesusmanta willanallapajpuni runaj sonqonta aysan, nispa.

Apocalipsis 14:7

Chantá jatunmanta parlaspa, nerqa: Diosta manchachikuychej, sutintataj jatunchaychej, imaraykuchus juzganan p'unchay chayamunña. Pichus janaj pachata, kay pachata, mama qochata, yaku juturikunata ima ruwajta yupaychaychej ari, nispa.

1 Juan 5:20

Yachallanchejtaj Diospa Churin jamuspa yuyayta, yachayta ima qowasqanchejta, cheqa kaj Diosman kutirikunanchejpaj. Kunantaj cheqa kaj Dioswan ujchasqa kawsashanchej, imajtinchus Churin Jesucristowan ujchasqa kawsashanchej. Paymin uj k'ata Diosqa, payllataj wiñay kawsayta qon.

Apocalipsis 4:10

Ajinata chay kawsajkuna ruwashajtinku, chay iskay chunka tawayoj kuraj runakunaqa kamachina tiyanapi tiyasqa kajpa ñawpaqenpi qonqoriykukuspa, wiñay wiñaypaj Kawsajta yupaychallankutaj. Chantá pillunkukunata kamachina tiyanaj ñawpaqenman churaspa, ninku:

Éxodo 34:14

Amapuni ni mayqen diosman qonqorikunkichejchu, imajtinchus Tata Diosqa manchay celoso, sutenqa: “Celoso Dios”.

Apocalipsis 22:10

Nillawarqataj: Ama kay p'anqapi sut'inchana willayta pakaychu, imaraykuchus junt'akunan p'unchay qayllaña kashan.

Apocalipsis 15:4

Tukuyta Kamachej Dios, pitaj mana qanta manchachikusunkimanchuri? Pitaj sutiykita mana jatunchanmanchuri? Qanllamin may llimphu kanki. Tukuy runakuna ñawpaqeykiman jamuspa yupaychasonqanku, imaraykuchus justiciata ruwasqaykeqa sut'inchasqaña, nispa.

Apocalipsis 9:20

Chaywanpis, pikunachus chay manchay ñak'ariykunawan mana wañorqankuchu, chaykuna millayta ruwasqankumanta Diosman mana kutirikorqankuchu. Manachayqa paykuna supaykunata yupaychallarqankupuni, jinallataj qorimanta, qolqe metalmanta, broncemanta, rumimanta, k'ullumanta ruwasqa lantikunata ima. Chay lantikuna mana qhawayta atinkuchu, nitaj uyariyta, nillataj puriytapis.

Salmos 45:11

11 (12) K'achita kasqayki kuraj kamachejpa sonqonta suwan. Payqa wiraqochiyki, chayrayku payta kasunayki tiyan.

Deuteronomio 4:19

Janajpi kaj intita, killata, ch'askakunata, imachus janajpi tiyan, chay tukuyta rikuspa, pajtataj chaykunaman qonqorikuspa, yupaychawajchej. Tata Diosniykichejqa tukuy chaykunata kay pachapi runakunapaj ruwarqa.

Apocalipsis 22:18

Tukuy pikunachus kay p'anqapi qhelqasqa kajta uyarejkunaman, noqa Juan kayta sut'ita nini: Sichus pipis kay p'anqapi imachus qhelqasqa kajman yapaykunman chayqa, kay p'anqapi ima ñak'ariykunachus qhelqasqa kashan, chaykunata Dios payman apachimonqa.

San Lucas 4:7

Sichus qan ñawpaqeypi qonqoriykukuspa yupaychawanki chayqa, noqa kay tukuyta qosqayki, nispa.

2 Reyes 17:36

Manachayqa noqa Diosnillaykichejta yupaychawaychej, uywa ñak'asqa q'olachisqatapis jaywawaychej, imaraykuchus noqamin Egiptomanta tukuy atiyniywan orqhomorqaykichej.

San Mateo 4:9

Jesustataj nerqa: Noqa kay tukuy imata qosqayki, sichus qan qonqoriykukuspa, yupaychawanki chayqa, nispa.

Apocalipsis 1:1

Kayqa Jesucristoj sut'inchasqan, mayqentachus Dios payman qorqa kamachinkunaman rejsichinanpaj imachus askamalla kananmanta, chay. Jesusqa angelninnejta chaykunata kamachin Juanman rejsicherqa.

Apocalipsis 1:11

Chantá kay jinata niwarqa: Imatachus rikusqaykita uj p'anqaman qhelqaykuy, chaytataj Asiapi kaj kay qanchis llajtakunapi iglesiaman apachiy: Efesoman, Esmirnaman, Pergamoman, Tiatiraman, Sardisman, Filadelfiaman, Laodiceaman ima, nispa.

Apocalipsis 22:7

Jesús nin: Noqa usqhayta jamushani. Kusisqamin kanqa pichus kay p'anqapi imachus sut'inchasqa kajta kasojqa, nispa.