Apocalipsis 22:15 - DIOSPA QHELQACHISQ

¹⁵ Jinapis jawapi qhepakonqanku millayta ruwajkuna, layqakuna, khuchichakojkuna, runa wañuchejkuna, lantita yupaychajkuna, jinallataj llullakuyta munakojkuna, chantá mana cheqanta ruwayta munakojkuna ima.

Qheshwa Biblia DC

¹⁵ Jawapitaj qhepakonqanku alqos, layqas, qhenchas, runa wañuchis, lantista yupaychajkuna, jinallatataj llullakuyta munakojpis, llullata ruwaj ima.

DIOSPA QHELQACHISQAN DEUTEROCANONICAL

¹⁵ Jinapis jawapi qhepakonqanku millayta ruwajkuna, layqakuna, khuchichakojkuna, runa wañuchejkuna, lantita yupaychajkuna, jinallataj llullakuyta munakojkuna, chantá mana cheqanta ruwayta munakojkuna ima.

Quechua South Bolivia: Dios Parlapawanchej

¹⁵ Astawanrí alkojina cajcunaka, laykacuna, khenchacuna, runata wañuchejcuna, ruwaska dioscunata yupaychajcuna, tucuy llulla cajta munacoj ruwajtaj, llajta jawapi cankancu, —nispa.

Apocalipsis 22:15 Referans Kwoze

Apocalipsis 21:8

Manchalikunarí, Diospi mana atinikuyta munajkuna, millay kajkuna, runa wañuchejkuna, khuchichakojkuna, layqakuna, lanti yupaychajkuna, chantá tukuy llullakojkuna ima azufrewan lawrashaj nina qochaman wijch'uykusqa kanqanku. Chaymá iskay kaj wañoyqa.

Filipenses 3:2

Qhawakuychej alqo jina kaj runakunamanta. Paykuna millayta ruwajkuna kanku, jinallataj: Circuncidakunapuni tiyan, nispa yachachinku.

Apocalipsis 21:27

Chaymanqa mana ni ima ch'ichi kajpis yaykonqachu, nitaj millayta ruwajkuna, ni llullakojkunapis. Manachayqa Corderoj kawsay p'anqanpi listasqa kajkunalla yaykonqanku.

Colosenses 3:6

Chaykunata ruwaspa juchallisqankurayku Diospa k'araj phiñakuynin mana kasukojkunaj patankuman urmamonqa.

Apocalipsis 18:23

Manallataj qanpi lamparaj k'anchasqan rikukonqachu, nillataj casarakojkunaj kusikusqankupis uyarikonqañachu, imaraykuchus qhatojniykikunaqa ancha atiyniyoj karqanku, qantaj layqeriyoykiwan tukuy runata q'otiyaspa pantacherqanki.

Malaquías 3:5

Tukuy Atiyniyoj Tata Dios nin: Noqa qankunata juzgaj jamusaj. Chaypachataj noqamin testigo jina sayasaj kay jina kajkunaj contrankupi: Layqakuna, wasanchajkuna, llullakuspa tilojkuna, jornal pagota mana qopojkuna, pikunachus warmisapatawan ni piniyoj wajchakunatawan ñak'arichejkuna, waj llajtayojta ñak'arichejkuna, pikunachus mana jatun respetowan noqata qhawawanku ima, chaykunaj contrankupi sayaykusaj.

Hechos 8:11

Jinataj tukuyninku Simonpa nisqanta kasoj kanku, imaraykuchus unaytaña layqeriyonwan paykunata q'otiyaykusqa.

Jeremías 5:31

Diospa nisqanta sut'inchajkuna llulla kajllata sut'inchanku, sacerdotekunataj munasqankuman jinalla kamachinku. Aylluyrí chaytapuni munanku. Chaywanpis imanankichejtaj chay tukukuy p'unchay chayamojtinri? nispa.

Isaías 57:3

Chantá Tata Dios nillantaj: Qankuna layqa warmej wawankunarí, kayman jamuychej. Qankuna, pichus warminta wasanchaj qharimanta, phisu warmimantawan mirajkuna, jamuychej.

San Mateo 8:12

Pikunachus Diospa janaj pacha kamachiyninpi kananku karqa chaykunarí, jawa laqhaman wijch'usqa kanqanku, maypichus manchay waqay, kiru k'arukuytaj kanqa, chayman, nispa.

Isaías 47:12

Babilonia, kunanqa yatiriykikunawan, layqaykikunawan ima purillaypuni, pikunamanchus wawa kasqaykimantapacha k'askarqanki, chaykunawan. Ichapis allin risonqa, chaykunawantaj runakunata manchachiwaj.

Isaías 47:9

Chaywanpis kay iskaynin llakiykuna ujllata, uj p'unchayllapi qhatirisonqa: Ujllapi mana wawayoj, mana qosayojtaj rikhurinki. Chay jina yatiriyoj, layqayoj kashajtiykipis, chay llakiykunaqa kaymanta jinalla chayamusonqapuni.

1 Reyes 22:8

Chantá Ajab kuticherqa: Arí, uj kanraj, paynejta Tata Diosta tapurinapaj, Imlaj churin Micaías sutiyoj. Chaywanpis payta noqa chejnini, manapuni jayk'aj allin kajta sut'inchawasqanrayku, nispa. Josafattaj nerqa: Ama jinata parlaychu, nispa.

San Juan 8:46

Mayqenniykichejtaj juchayoj kasqayta sut'inchawankichejmanri? Ni pi. Jina kajtin, cheqatachus parlani chayqa, imaraykutaj nisqayta mana jap'ikunkichejchuri?

Deuteronomio 23:18

18 (19) Tata Diospa templonman imatachus nisqaykita junt'anaykipaj ama apankichu, khuchiriyoman qokuspa, chayrí qharipura t'inkinakuspa ganasqayki qolqeta. Chay jina ruwanata Tata Dios mana rikuyllatapis munanchu.

Proverbios 7:27

Chay warmej wasinman yaykojkunaqa cheqanta jallp'aj sonqonman yaykupunku.

Proverbios 12:22

Tata Diosqa llullakojkunata chejnikun, cheqanta parlajkunatarí may kusisqa qhawan.

San Mateo 7:6

Diospaj t'aqasqa kajtaqa ama alqokunaman qaraykuychejchu. Pajtataj kutirimuspa qhanisunkichejman. Nillataj khuchikunamanpis perla walqaykichejkunata wijch'uychejchu, imaraykuchus khuchikunaqa walqakunata sarurallankuman.

1 Timoteo 1:10

Jinallataj Diospa kamachisqan churasqa karqa: Khuchichakuspa purejkunapaj, qharipura khuchichakojkunapaj, runata suwajkunapaj, llullakojkunapaj, Diospa sutinta qhasita oqharejkunapaj, jinallataj cheqan yachachiypa contranpi sayaykojkunapaj ima.