Apocalipsis 22:12 - DIOSPA QHELQACHISQ

¹² Jesús nillantaj: Arí, noqa t'inka aparisqa usqhayta jamushani, sapa ujman maychus ruwasqanman jina qopunaypaj.

Qheshwa Biblia DC

¹² Kayqa usqhayta jamushani, t'inka aparisqa sapa ujman maychus ruwasqanman jina qopunaypaj.

DIOSPA QHELQACHISQAN DEUTEROCANONICAL

¹² Jesús nillantaj: Arí, noqa t'inka aparisqa usqhayta jamushani, sapa ujman maychus ruwasqanman jina qopunaypaj.

Quechua South Bolivia: Dios Parlapawanchej

¹² Jesús nin: —¡Uskhayta cutimushani! Cutimuspataj ruwaskanmanjina sapa ujman jap'inan cajta kosaj.

Apocalipsis 22:12 Referans Kwoze

San Mateo 16:27

Aswan qhepaman Runaj Churenqa Tatanpa jatun kayninpa lliphipiyninpi jamonqa, angelninkunawan khuska. Chaypachataj pay sapa ujman ruwasqanman jina qoponqa.

Isaías 62:11

Tata Dios tukuy kay pachapi kajkunaman nin: Sionpa ususinta niychej: Qhawariy, kacharichisojniyki t'inkan aparisqa jamushan, imatachus wakichisqanwan oqharisqa ima, nispa.

Isaías 40:10

Tukuyta Kamachej Tata Dios jatun atiyninwan jamuspa, atiyniyoj makinwan tukuy imata k'umuykuchin. Payqa ayllunta kacharichiytawan, paykunata pusamushan.

1 Corintios 3:14

Cimiento patapi pejpa ruwasqanchus mana ruphanqa chayqa, chayman jina pay t'inkanta jap'enqa.

1 Corintios 3:8

Sumaj willayta willajwan, chantá pichus yachachejwanqa ujlla kanku. Jinataj sapa ujninku ruwasqankuman jina t'inkankuta jap'enqanku.

Apocalipsis 22:7

Jesús nin: Noqa usqhayta jamushani. Kusisqamin kanqa pichus kay p'anqapi imachus sut'inchasqa kajta kasojqa, nispa.

Romanos 14:12

Ajinaqa sapa ujninchej ruwasqanchejmanta Diosman cuentata qonanchej kanqa.

Apocalipsis 11:18

Chayrayku tukuy suyumanta runakuna phiñarikorqanku. Chaywanpis qanpa phiñakunayki p'unchay chayamunña. Wañusqakunata juzganayki p'unchaypis chayamullantaj. Jinallataj p'unchay chayamun qan, pikunachus qanmanta sut'inchajkunaman, qanpaj ajllakusqaykikunaman, sutiykita jatunchajkunaman ima ruwasqankuman jina t'inkata qopunaykipaj, mana kasu ruwana kachunku, chayrí maypaj qhawasqa kachunku. Chantá kay pachata phirejkunatapis tukuchinaykipaj p'unchay chayamullantaj, nispa.

Apocalipsis 20:12

Chantá rikullarqanitaj Diospa ñawpaqenpi sayashajta wañusqakunata, pikunachus mana kasu ruwana, jinataj maypaj qhawasqa karqanku, chaykunata. Chantá angelkuna p'anqakunata kicharerqanku, chay p'anqakunamanta ujnintaj kawsay p'anqa karqa. Chay wañusqakunataj juzgasqa karqanku, kawsashaspa imatachus ruwasqankumanta, p'anqakunapi qhelqasqa kasqanman jina.

Apocalipsis 22:20

Chay tukuy imata willajqa nin: Noqaqa usqhayta jamushanipuni, nispa. Ajina kachun. Arí, Tukuyta Kamachej Jesús, jamuy.

Sofonías 1:14

Tata Diospa jatun p'unchaynin qayllamushanña. Qayllapiña kashan, usqhayllatataj jamushan. Tata Diospa p'unchaynenqa waqana p'unchay kanqa. Chay p'unchaypi aswan wapu kajkunapis mancharispa qhaparenqanku.

Job 34:11

Payqa sapa runaman ruwasqanman jina pagapun, sapa ujmantaj purisqanman jina qopun.

Salmos 28:4

Qantajrí millayta ruwasqankuman jina paykunata jasut'iy, millay kajta ruwasqankuman jinataj ñak'arichiy.

Jeremías 17:10

Noqa Tata Diosmin runaj sonqonta watuni, yuyaynintataj allinta qhawani. Chantá sapa ujman imaynatachus purisqanman jina, ruwasqanman jinataj pagapuni, nispa.

Apocalipsis 2:23

Wawankunatapis noqa wañurachisaj. Ajinamanta tukuy iglesiakuna yachanqanku noqaqa runaj yuyayninta, sonqontawan ima rejsisqayta. Sapa ujniykichejmantaj ruwasqaykichejman jina qopusqaykichej.

Apocalipsis 3:11

Noqaqa usqhayta kutimusaj. Chayrayku qanqa, imachus tiyapusunkiraj, chaymanta ch'ipakuy, ama pipis pilluykita qhechusunanpaj.