Apocalipsis 2:24 - DIOSPA QHELQACHISQ

²⁴ Chaywanpis Tiatira llajtapi iglesiamanta wakinman kayta niykichej: Qankunaqa Jezabelpa yachachisqanta mana jap'ikorqankichejchu. Manallataj jap'ikunkichejchu ukhu yachachiykuna nisqata, mayqenchus Kuraj Supaypa yachachisqan kashan, chayta. Chayrayku manaña waj imakunatawan ruwanaykichejta mañasqaykichejchu.

Qheshwa Biblia DC

²⁴ Tiatirapi kajkunamantaqa wakin mana chay millay yachaykunata qhaterqankichejchu. Mana yachakorqankichejchu imatachus chaykuna Satanaspa pakasqa imasninta ninku chayta. Noqaqa niykichej: Mana waj q'epita pataykichejman churaykusajchu, nispa.

DIOSPA QHELQACHISQAN DEUTEROCANONICAL

²⁴ Chaywanpis Tiatira llajtapi iglesiamanta wakinman kayta niykichej: Qankunaqa Jezabelpa yachachisqanta mana jap'ikorqankichejchu. Manallataj jap'ikunkichejchu ukhu yachachiykuna nisqata, mayqenchus Kuraj Supaypa yachachisqan kashan, chayta. Chayrayku manaña waj imakunatawan ruwanaykichejta mañasqaykichejchu.

Quechua South Bolivia: Dios Parlapawanchej

²⁴ Tiatira hermanos uqhupi kancunamanta waquinrí chay sajra yachachiyninta mana jap'ishanquichejchu. Supay Satanaspa pacaska imasnintapis mana yacharkanquichejchu. Kancunamantaj mana waj ruwanaswan llasachiskayquichejchu.

Apocalipsis 2:24 Referans Kwoze

Apocalipsis 12:9

Ajinata chay jatun sierpe jawaman wijch'usqa karqa. Chay sierpeqa unay ñawpa katari, pichus Kuraj Supay, Satanastaj sutichasqa kashan, chay. Payqa llullakuspa, kay pachapi tukuy runata loq'eyan. Chantá sierpeta, angelninkunatawan ima kay pachaman wijch'umorqanku.

2 Corintios 11:3

Jinapis kharkani qankunaqa Cristomanta ch'uwa sonqo kaywan yuyasqaykichejmanta pantachisqa kanaykichejta, imaynatachus kataripis Evata q'otiyarqa, ajinata.

2 Corintios 2:11

Ajinata ruwani Kuraj Supay ama atipanawanchejpaj, imaraykuchus yachanchejña paypa sonqonpi mana allin kajta ruwayta munanallapuni kasqanta.

Hechos 15:28

Santo Espirituman, noqaykumanpis kayqa allin rijch'awayku: Noqaykoqa Moisespa kamachisqantaqa mana llasa q'epita jina qankunaman q'epirichiyta munaykuchu. Manachayqa kayllata junt'anaykichejta munayku:

Apocalipsis 13:14

Jinallataj jallp'amanta rikhurimoj sierpeqa ñawpa kaj sierpe atiyta qosqanwan t'ukuna imakunata ruwarqa, chaykunawantaj kay pachapi tukuy runata q'otiyarqa. Chantá jallp'amanta rikhurimoj sierpe kamachillarqataj, chay ñawpaj kaj sierpej lantinta ruwanankuta, mayqenpa ujnin umanchus k'irisqa kashajtin thañiporqa, chaypata.

1 Corintios 2:10

Chaywanpis chaykunata Dios Espiritunnejta noqanchejman rejsichiwarqanchej, imaraykuchus paypa Espíritun tukuy imata allinta watun. Diospa taripay mana atina ukhu yachaynintapis watullanpuni.

Hechos 16:14

Ujnin kaj warmi Lidia sutiyoj karqa Tiatira llajtamanta, paytaj may sumaj puka kulli telata qhatoj. Diosta yupaychajllataj karqa. Jinapi Tukuyta Kamachej Jesusqa Lidiaj sonqonman parlapayarqa, paytaj Pabloj nisqanta tukuy sonqo jap'ikorqa.

Santiago 3:15

Chay jina yachayqa mana Diosmantachu. Aswanpis chayqa Diosman mana kutirikojkunaj yuyasqankuman jina, chantá runaj yuyasqanman jina, Supaymanta ima.

Apocalipsis 1:11

Chantá kay jinata niwarqa: Imatachus rikusqaykita uj p'anqaman qhelqaykuy, chaytataj Asiapi kaj kay qanchis llajtakunapi iglesiaman apachiy: Efesoman, Esmirnaman, Pergamoman, Tiatiraman, Sardisman, Filadelfiaman, Laodiceaman ima, nispa.

Apocalipsis 2:9

Noqa ñak'arichisqa kasqaykita rikuni, wajcha kasqaykitapis. Chaywanpis qhapaj kanki. Yachallanitaj judío kasqankuta nejkuna qanpaj sajrata rimasqankuta. Paykuna mana Diospa ayllunmantachu kanku, aswanpis Kuraj Supaypa t'aqanmanta.

Apocalipsis 2:13

Noqa maypichus tiyakusqaykita yachani. Qanqa, maypichus Kuraj Supaypa kamachinan tiyana kashan, chaypi tiyakunki. Chaywanpis mana wasanchawarqankichu, nitaj noqapi atinikusqaykipi llawch'iyarqankichu. Pérgamo llajtapi willajniy Antipasta wañucherqanku, pichus tukuy sonqo noqata kasuwaspallapuni kawsarqa, chayta. Qanrí payta wañuchishajtinkupis, manapuni noqata wasanchawarqankichu.

Apocalipsis 2:18

Tiatira llajtapi iglesiaj angelninman kay nisqayta qhelqay: Diospa Churin, pejpatachus ñawin nina lawray jina kanku, chakinpis llosq'ochasqa bronceman rijch'akun, chay kay jinata nisunki: