Apocalipsis 2:23 - DIOSPA QHELQACHISQ

²³ Wawankunatapis noqa wañurachisaj. Ajinamanta tukuy iglesiakuna yachanqanku noqaqa runaj yuyayninta, sonqontawan ima rejsisqayta. Sapa ujniykichejmantaj ruwasqaykichejman jina qopusqaykichej.

Qheshwa Biblia DC

²³ Wawasnintataj mana khuyakuspa wañurachisaj; ajinamanta tukuynin iglesias yachanqanku noqa rejsisqayta runaj yuyayninta, sonqontawan. Qankunamantaj, sapa ujman, ruwasqaykichejman jina qopusqaykichej.

DIOSPA QHELQACHISQAN DEUTEROCANONICAL

²³ Wawankunatapis noqa wañurachisaj. Ajinamanta tukuy iglesiakuna yachanqanku noqaqa runaj yuyayninta, sonqontawan ima rejsisqayta. Sapa ujniykichejmantaj ruwasqaykichejman jina qopusqaykichej.

Quechua South Bolivia: Dios Parlapawanchej

²³ Chay warmej yachachiyninta casojcunata wañuywan tucuchisaj. Ajinapi tucuy ajllacuskasniyka yachankancu, runaj pacaska yuyayninta sonkontapis sut'ita noka khawaj caskayta. Yachankancutaj sapa ujniyquichejman ruwaskayquichejmanjina kosunayquichejta.

Apocalipsis 2:23 Referans Kwoze

San Mateo 16:27

Aswan qhepaman Runaj Churenqa Tatanpa jatun kayninpa lliphipiyninpi jamonqa, angelninkunawan khuska. Chaypachataj pay sapa ujman ruwasqanman jina qoponqa.

Salmos 7:9

9 (10) Cheqanta ruwaj Dios, qan runaj sonqonta rejsinki, runaj sonqon ukhutapis qhawallankitaj. Millayta ruwaspa purejkunata chinkachiy, cheqan sonqoyoj runatarí sinch'ita sayachiy.

Romanos 8:27

Chantá sonqonchejta rejsej Dios yachan imachus Santo Espíritoj yuyaynin kasqanta, imaraykuchus Santo Espiritoqa Diospa munasqanman jina ajllakusqankunapaj mañapun.

Hechos 1:24

Chay wawqe panakunataj kay jinata Diosmanta mañakorqanku: Tukuyta Kamachej Jesús, qanqa tukuypa sonqonta rejsinki, chayrayku rikuchiwayku ari mayqentachus kay iskay runamanta ajllakusqaykita.

1 Pedro 1:17

Sichus Diosta Tataykichejpaj rejsikapunkichej chayqa, waj llajtayoj jina kaypi kawsanaykichejkama payta may jina jatun respetowan qhawaspa kawsaychej. Payqa sapa runata ruwasqanman jina juzgan, ni piman kutikuspa.

Jeremías 11:20

Chantá noqaqa Tata Diosman kay jinata parlarikorqani: Ay, Tukuy Atiyniyoj Tata Dios, qanmin cheqan juez kanki. Qanlla runaj sonqon ukhuta allinta qhawaspa, imaynachus kasqanta yachanki. Chantá imaynatachus runakunata millay ruwasqankumanta jasut'isqaykita rikuchiway, imaraykuchus qanllapi atinikuni.

Jeremías 17:10

Noqa Tata Diosmin runaj sonqonta watuni, yuyaynintataj allinta qhawani. Chantá sapa ujman imaynatachus purisqanman jina, ruwasqanman jinataj pagapuni, nispa.

Jeremías 20:12

Tukuy Atiyniyoj Tata Dios, Qanmin cheqan runaj sonqonta qhawanki. Qanmin runaj sonqonta, yuyayninta ima watunki. Noqamanpis imaynatachus paykunata jasut'ispa pagachikusqaykita rikuchiway, imaraykuchus qanllaman llakiyniyta willakuni waqaychasqa kanaypaj.

Salmos 62:12

12 (13) Tukuyta Kamachej Diosníy, munakuyniykeqa mana tukukuyniyoj. Jinallataj qanmin sapa ujman ruwasqankuman jina qopunki.

Salmos 44:21

21 (22) qanqa chayta yachawajpuni karqa, imaraykuchus qanqa sonqoyku ukhupi imatachus yuyasqaykuta yachankipuni.

2 Crónicas 6:30

qan janaj pachamantapacha paykunata uyarinki. Chay maypichus tiyakunki, chaymantapacha paykunaj juchankuta pampachanki, sapa ujninkumantaj ruwasqankuman jina qopunki. Qanllamin runaj yuyayninta, sonqontapis rejsinki, yachankitaj.

1 Samuel 16:7

Tata Diostajrí nerqa: Ama allin rijch'ayninta qhawaychu, nitaj sayaynintapis. Mana noqaqa payta ajllakunichu. Noqaqa mana runa jinachu qhawani. Runaqa ñawinpa rikusqallanta qhawan, noqarí sonqota qhawani, nispa.

Apocalipsis 20:12

Chantá rikullarqanitaj Diospa ñawpaqenpi sayashajta wañusqakunata, pikunachus mana kasu ruwana, jinataj maypaj qhawasqa karqanku, chaykunata. Chantá angelkuna p'anqakunata kicharerqanku, chay p'anqakunamanta ujnintaj kawsay p'anqa karqa. Chay wañusqakunataj juzgasqa karqanku, kawsashaspa imatachus ruwasqankumanta, p'anqakunapi qhelqasqa kasqanman jina.

Hebreos 4:13

Diospa tukuy ruwasqanqa mana paymanta pakakuyta atinchu. Manachayqa tukuy imapis paypa ñawpaqenpi sut'ipacha, pimanchus cuentata qonanchej kanqa, chaypa ñawpaqenpi.

2 Corintios 5:10

Chayqa ajina, imaraykuchus tukuyninchej Cristoj ñawpaqenpi juzganawanchejpaj rikhurinanchejpuni tiyan. Ajinamanta sapa uj jap'isunchej, kawsashaspa imachus allin kajta, chayrí mana allin kajtapis ruwasqanchejman jina.

Salmos 26:2

Sonqoyta allinta qhaway, Tata Dios, yachawaytaj. Imatachus noqa munasqayta yachay, sonqoy ukhupi yuyasqaytapis rejsiy.

1 Crónicas 29:17

Noqa yachani, Diosníy, qanqa runaj sonqota allinta qhawasqaykita, cheqan kajtaj qanta kusichisusqanta. Chayrayku kay tukuyta tukuy sonqo qanman qoyki. Kunanqa kusisqa rikushani, kaypi tantasqa israelitakuna tukuy sonqo qanman qosusqankumanta.

1 Crónicas 28:9

Qanrí, wawáy Salomón, tukuy sonqowan tataykej Diosninta Diosniykipaj rejsikapuy. Chantá sonqomanta munaspa, payta yupaychay, imaraykuchus Tata Diosqa tukuypa sonqonchejta qhawan, imatachus yuyasqanchejtapis yachan. Ajinaqa, sichus payta mask'anki chayqa, payta tarinki. Payta saqerpariwaj chayrí, wiñaypaj qhesachasonqa.

Apocalipsis 2:11

Pichus nisqayta jap'ikuyta munajqa imatachus Santo Espíritu iglesiakunaman nisqanta uyarichun. Pikunachus atipajkunaqa manapuni wiñaypaj Diosmanta karunchasqachu kanqanku.

Apocalipsis 2:7

Pichus nisqayta jap'ikuyta munajqa imatachus Santo Espíritu iglesiakunaman nisqanta uyarichun. Chantá noqa pichus atipajman kawsay sach'amanta mikhuchisaj, mayqenchus Diospa janaj pacha huertanpi kashan, chaymanta.

Romanos 14:12

Ajinaqa sapa ujninchej ruwasqanchejmanta Diosman cuentata qonanchej kanqa.

San Juan 21:17

Ujtawanpis Jesús tapullarqataj: Jonaspa churin Simón, munakuwankichu? nispa. Pedrotaj llakiywan oqharichikorqa, kinsa kutikama: Munakuwankichu? nispa Jesús nisqanmanta. Chantá kuticherqa: Tukuyta Kamachej Jesusníy, qan tukuy imata yachanki. Qanta munakususqaytapis yachallankitaj, nispa. Jesustaj payta nerqa: Jina chayqa, ovejaykunata michipuway.

Deuteronomio 19:20

Ajinata ruwasqaykichejta wajkuna yachaspa, manchachikonqanku, manañataj chay jina millayta ruwayta munanqankuchu.

Deuteronomio 17:13

Chayta runakuna yachaspa, manchachikuyniyoj kanqanku, manataj runaykachaspa imatapis ruwallanqankuchu.

Deuteronomio 13:11

11 (12) Chay jina ruwasqaykita tukuy israelitakuna yachaspa, manchachikonqanku, manañataj ujtawan qankuna ukhupi chay jinata ruwaspa juchallenqankuchu.

Apocalipsis 6:8

Chantá uj q'ellu caballota rikorqani. Chay caballopi lloq'asqa kajpata sutin Wañuy karqa, paypa qhepantataj Ukhu Pacha nisqa risharqa. Paykunamantaj atiyta qorqanku, kay pachamanta khuskanpa khuskannin runakunata wañuchinankupaj espadawan, yarqhaywan, onqoykunawan, chantá k'ita animalkunawan ima.

Deuteronomio 21:21

Chantá chay llajtapi tiyakojkuna rumiwan ch'anqaykuspa, payta wañuchenqanku. Ajinata ruwasqaykichejrayku, qankuna ukhupi chay jina millayta ruwana manaña kanqachu. Israelitakunaqa chayta uyarispa manchachikonqanku, manañataj chay jina millayta ruwayta munanqankuchu.

Gálatas 6:5

imajtinchus sapa ujpis imatachus ruwasqanmanta cuentayoj kanqa.

Sofonías 1:11

Qhapariychej, Mactes chaynejpi tiyakojkuna, imaraykuchus tukuy ranqherokuna wañonqanku. Qolqeta cambiaspa kawsajkunapis tukuyninku chinkachisqa kallanqankutaj.

Salmos 139:1

(1b) Tata Dios, qanmin sonqoyta qhawaspa, pichus kasqayta rejsiwanki.

San Lucas 16:15

Chayrayku Jesús paykunatañataj nerqa: Qankuna runa masiykichejpa ñawpaqenpi cheqan runaman tukunkichej. Chaywanpis Dios sonqoykichejta sumajta rejsin. Ajinaqa imatachus runakuna maypaj qhawanku, chayta Dios millaypaj qhawan, nispa.

Apocalipsis 20:13

Mama qochaqa chaypi wañusqa kajkunata jaywaporqa. Wañuypis, ukhu pachapis chaypi wañusqa kajkunata jaywapullarqataj. Diostaj sapa runata ruwasqanman jina juzgarqa.

Apocalipsis 22:12

Jesús nillantaj: Arí, noqa t'inka aparisqa usqhayta jamushani, sapa ujman maychus ruwasqanman jina qopunaypaj.

1 Crónicas 17:18

Imatawantaj astawan niykiman, Tata Dios, kay kamachiyki Davidta qan allin runapaj noqata qhawawasqaykimantari? Qanqa kay kamachiykita sumajta rejsiwanki.

Job 24:23

Diosqa ni imamanta manchachikuspa kawsanankuta saqellan. Chaywanpis ñawillanpi purichin.

San Juan 4:16

Chantá Jesús nerqa: Rispa, qosaykita wajyamuy, chantá kutimuy, nispa.