Apocalipsis 19:7 - DIOSPA QHELQACHISQ

⁷ Payta jatunchaspa, jatun kusiywan kusikuna, imaraykuchus Corderoj casarakunan p'unchay chayamunña, casarakunanpaj parlakusqan sipaspis wakichikusqaña suyashan.

Qheshwa Biblia DC

⁷ Kusikuna jatun kusiywan sutinta jatunchaspa. Corderoj casamienton chayamunña, warmintaj wakichisqaña.

DIOSPA QHELQACHISQAN DEUTEROCANONICAL

⁷ Payta jatunchaspa, jatun kusiywan kusikuna, imaraykuchus Corderoj casarakunan p'unchay chayamunña, casarakunanpaj parlakusqan sipaspis wakichikusqaña suyashan.

Quechua South Bolivia: Dios Parlapawanchej

⁷ Mayta cusicunachej, payta jatunchanachej, Corderoj casaracuynin chayamuskanraycu. Warminpis waquichicunña casaracunanpaj.

Apocalipsis 19:7 Referans Kwoze

Apocalipsis 21:9

Chantá chay qhepata qanchis angelkunamanta, pikunachus qhepata jamoj manchay ñak'ariykunawan junt'asqa vasokunata jap'isharqanku, chaykunamanta ujnin jamuwarqa. Niwarqataj: Chimpamuy, noqataj rikuchisqayki casarakunanpaj parlasqa sipasta, Corderoj warminta, nispa.

Apocalipsis 21:2

Rikullarqanitaj Diospa wakichisqan llimphu kaj llajta mosoj Jerusalenta. Chay llajtaqa janaj pachamanta urayk'amusharqa casarakoj sipas jina parlakusqan qhariwan casarakunanpaj k'achanchasqata.

2 Corintios 11:2

Qankunamanta celosakusqayqa Tata Diosmanta. Qankunaqa qharej mana chayasqan sipas jina kankichej, noqataj uj qharillawan casaranaykichejpaj parlacherqaykichej, chaytaj Cristo.

San Mateo 22:2

Diospa janaj pacha kamachiynenqa rijch'akun uj kuraj kamachejman, pichus churin casarakushajtin, jatun mikhuyta wayk'uchisqa, chayman.

Apocalipsis 19:9

Chantá ángel nillawarqataj: Kayta qhelqay: Pikunachus Corderoj casaraku rayminman wajyasqa kajkunaqa kusisqa kanqanku, nispa. Nillarqataj: Ajinata Dios nispaqa, mana llullakunchu, nispa.

Efesios 5:32

Kay yachayqa yachay mana atinamin. Noqarí kayta nispa Cristomanta, Iglesiamantawan parlashani.

San Juan 3:29

Noqaqa casarakoj qharejpa kawsaqen jina kani. Casarakupi noviayojqa qharilla jinataj casarakoj qharej kawsaqen paypa parlasqanta uyarispa, paywan khuska kusikun. Ajinata noqapis Jesuspa ruwasqanmanta kusikushani.

Isaías 62:5

Imaynatachus wayna parlakusqan sipaswan casarakun, ajinallatataj Diospis qanta warminpaj oqharikapusonqa. Imaynatachus qhari warmi kusikunku, ajinallatataj Diosniyki qanwan kusikonqa.

Efesios 5:23

Ajinata ruwaychej, imajtinchus qosaqa warminpa umanmin, imaynachus Cristopis Iglesiaj uman, ajina. Iglesiaqa Cristoj ukhunmin, paytaj qhespichejnin.

Isaías 66:10

Jerusalenwan khuska mayta kusirikuychej, payta munakojkuna. Payrayku llakiywan tukuy waqajkuna, tukuy kusisqa kaychej.

San Lucas 12:36

Qankunaqa casarakuymanta patronninkuta suyaj kamachikuna jina kaychej. Paykuna suyanku, patronninku chayamuspa wajyajtinkama, punkuta kicharinankupaj.

Zacarías 9:9

Sión llajta, sinch'ita kusikuy. Jerusalén llajta, kusiymanta takiy. Kuraj kamachejniykeqa cheqan, atiyniyojtaj jamusonqa. Llamp'u sonqo kaspa, payqa burropi lloq'asqa jamusonqa, china burroj uñan, maltun burritopi.

Isaías 52:1

Sión llajta, rijch'ariy, rijch'arikuy, kallpachakuytaj. Diospa ajllakusqan Jerusalén llajta, sumaj k'achitu p'achaykita churakullayña, imaraykuchus millayta ruwajkuna, Tata Diosta mana manchachikojkuna ima punkuykinejta manaña yaykumusonqankuchu.

TAKIYKUNA 3:11

Sión llajtamanta sipaskuna, llojsimuychej kuraj kamachej Salomonta qhawaj. Payqa umanpi k'acha pilluwan kashan. Chay pilluta maman casarakunanpaj ruwaporqa, tukuy kawsayninpi manchayta kusikunan p'unchaypaj.

Filipenses 3:3

Noqanchejmin cheqapuni circuncidasqa kanchej, mana paykunachu, imaraykuchus Santo Espíritoj yanapasqan kaspa, Diostapuni yupaychanchej. Jinallataj Cristojta kasqanchejmanta kusikunchej, manataj runa imatachus ruwasqanpi atinikunchejchu.

Salmos 9:14

14 (15) Ajinamanta Jerusalén llajtaj punkunpi qan yupaychanapaj jina kasqaykita willasaj, qhespichiwasqaykimantataj kusikusaj.

1 Samuel 2:1

Chantá Ana Dioswan parlarikuspa, kay jinata nerqa: Tata Diosníy, tukuy sonqoymanta kusikushani, imaraykuchus qanllamin mosoj kallpata qowanki. Chejnikuwajkunaman kutichikuyta atini. Qan yanapawasqaykirayku kusisqa kashani.

Proverbios 29:2

Cheqan runakuna kamachejtinku, llajtayojkuna mayta kusikunku. Millayta ruwaj runakuna kamachejtinkurí, llajtayojkuna llakikunku.

Salmos 107:42

Chayta rikuspataj, cheqan runakuna kusikunku, millayta ruwajkunarí siminkuta wisq'anku.

Salmos 48:11

11 (12) Chayrayku Sión orqoqa kusikuchun. Judapi tukuy llajtapis jatunmanta kusikuchunku cheqanta ruwasqaykimanta.

Deuteronomio 32:43

Waj suyukuna, Diospa ayllunwan khuska kusikuychej, imaraykuchus Diosqa kamachinkunata wañuchisqankumanta pagachikonqa. Awqankunawan pagachikuspa, payqa suyunpata, ayllunpatawan ima juchankuta pampachanqa, nispa.

Isaías 66:14

Chayta rikuspa, mayta kusikunkichej. Ukhuykichejpi sumajta kallpachasqa kankichej, qhallallarishaj qhora jina. Tata Diospa kamachinkunaqa atiyninta sumajta rejsenqanku, awqankunamantajrí phiñakuyninta rikuchenqa.

San Mateo 1:20

Joseqa Mariata saqerpayayta yuyashajtintaj, Diospa angelnin payman mosqoypi rikhurispa, nerqa: José, Davidpa ayllunmanta kaj, Mariawan casarakullay, amataj p'enqakuychu, imaraykuchus pay wijsallisqa kashan Santo Espíritoj atiyninnejta.

Apocalipsis 11:13

Chantá chay kikinpacha manchay jallp'a ikhakuy kanqa, Jerusalén llajta chunkaman t'aqasqamanta ujnin kaj t'aqataj thuñiykukonqa. Jallp'a ikhakusqanraykutaj 7.000 runakuna wañuranqanku, kawsashaj qhepakojkunataj mancharikuspa, janaj pachapi kaj Diosta jatunchanqanku.