Apocalipsis 19:3 - DIOSPA QHELQACHISQ

³ Chantá ujtawan nillarqankutaj: Tata Dios jatunchasqa kachun. Babilonia llajtaqa wiñaypa wiñayninkama q'oshñispallapuni kanqa, nispa.

Qheshwa Biblia DC

³ Ujtawantaj nerqanku: Aleluya! Babilonia llajtaj q'osñintaj wiñaypa wiñayninkama wicharishan.

DIOSPA QHELQACHISQAN DEUTEROCANONICAL

³ Chantá ujtawan nillarqankutaj: Tata Dios jatunchasqa kachun. Babilonia llajtaqa wiñaypa wiñayninkama q'oshñispallapuni kanqa, nispa.

Quechua South Bolivia: Dios Parlapawanchej

³ Ujtawan nillarkancutaj: —¡Aleluya! Khencha warmej ruphashaskanmanta k'oshñeka wiñaypa wiñayninpaj wicharimushan, —nispa.

Apocalipsis 19:3 Referans Kwoze

Isaías 34:10

Chaytaj tuta p'unchay lawrallanqapuni, q'oshñintaj wiñaypaj q'oshñillanqapuni. Jinamanta chay jallp'aqa watan watan ch'inpacha kanqa, ni pipis chaypi ujtawan tiyakonqachu.

Apocalipsis 18:18

Chantá llajtaj ruphaykusqan q'oshñita rikuspa, qhaparerqanku: Ni mayqen llajta kay jatun llajta jinaqa karqachu, nispa.

Apocalipsis 18:9

Kay pachapi kuraj kamachejkuna chay phisu warmiwan khuchichakorqanku, paywantaj chhika patapi kawsaspa, millayta kawsanaman qokorqanku. Chayrayku paykuna ruphaykusqan q'oshñisqanta rikuspa, llakisqa qhaparenqanku, maytataj waqanqanku.

Apocalipsis 14:11

Chantá paykunaj ñak'arisqankoj q'oshñintaj wiñay wiñaypaj q'oshñenqa. Chay waj sierpe rikhurimojta, lantintapis yupaychajkuna, chantá marcanta churachikojkuna ima tuta p'unchay ñak'arispa, mana samarenqankuchu.

Apocalipsis 19:1

Chay qhepata janaj pachapi ashkha runaj parlasqanta jina uyarerqani. Paykuna ajinata nisharqanku: Tata Diosninchej jatunchasqa kachun, imaraykuchus payqa tukuy atiyniyoj, jinataj qhespichiwarqanchej. Chayrayku, jatunchasqapuni kachun.

Génesis 19:28

Chaynejmantataj Sodomata, Gomorrata, chantá tukuynin valleta ima qhawarispa, rikorqa uj hornomanta jina pampamanta manchayta q'oshñishajta.

Judas 1:7

Jinallataj ama qonqaychejchu Sodomamanta, Gomorramanta, chantá chay qayllapi kaj llajtakunamanta ima. Chay llajtakunapi tiyakojkuna khuchiriyoman, chantá tukuy imaymana millay ch'ichita purinaman qokusqanku. Chayrayku Dios chay llajtakunata wiñaypaj lawraj ninawan ruphaykuchisqa. Chay llajtakunawan imachus kasqanqa wanananchejpaj k'amiy jina kashan, ama paykuna jina kayta munananchejpaj.

Salmos 104:35

Juchasapakunarí kay pachamanta chinkachisqa kachunku, mana allinta ruwajkunapis amañapuni kachunkuchu. Noqaqa tukuy sonqoywan Tata Diosta yupaychasaj. Tata Dios yupaychasqapuni kachun.

Apocalipsis 19:4

Chaymantá chay iskay chunka tawayoj kuraj runakuna, chantá chay tawa kawsajkuna ima pampakama k'umuykuspa, Diosta yupaycharqanku, pichus kamachina tiyanapi tiyasqa kasharqa, chayta. Nerqankutaj: Ajina kachun, Tata Dios jatunchasqa kachun, nispa.