Apocalipsis 19:10 - DIOSPA QHELQACHISQ

¹⁰ Chayta ángel nejtin, noqaqa payta yupaychanaypaj chakin chaynejman pampakama k'umuykorqani. Paytajrí niwarqa: Ama chayta ruwaychu. Noqaqa qan jina, chantá Jesuspa nisqanta jap'ikoj wawqe panaykikuna jina Diospa kamachillantaj kani. Qanqa Diosllata yupaychay, imaraykuchus Diosmanta sut'inchajkunaj nisqankoqa, Jesusmanta willanallapajpuni runaj sonqonta aysan, nispa.

Qheshwa Biblia DC

¹⁰ Noqataj chakisninman urmarqani payta yupaychanaypaj. Paytaj niwarqa: Qhawakuy, ama chayta ruwaychu. Noqa kamachi masiyki kani, hermanosniykejtapis, pikunachus Jesuspa willayninta jap'inku, chaykunajta. Diosta yupaychay. Jesuspa willaynenqa Diosmanta sut'inchanaj espiritunmin.

DIOSPA QHELQACHISQAN DEUTEROCANONICAL

¹⁰ Chayta ángel nejtin, noqaqa payta yupaychanaypaj chakin chaynejman pampakama k'umuykorqani. Paytajrí niwarqa: Ama chayta ruwaychu. Noqaqa qan jina, chantá Jesuspa nisqanta jap'ikoj wawqe panaykikuna jina Diospa kamachillantaj kani. Qanqa Diosllata yupaychay, imaraykuchus Diosmanta sut'inchajkunaj nisqankoqa, Jesusmanta willanallapajpuni runaj sonqonta aysan, nispa.

Quechua South Bolivia: Dios Parlapawanchej

¹⁰ Chay niwajpa ñaupakenmantaj pampacama c'umuycorkani yupaychanaypaj. Payrí niwarka: —¡Amapuni yupaychawaychu! Camachimasillayqui cani. Jesusmanta willaj hermanosniyquimanta cani. ¡Diosllata yupaychay! Chekatapuni tucuy nokanchej Jesusmanta willaspa paypa Espiritunnejta sut'inchanchej, —nispa.

Apocalipsis 19:10 Referans Kwoze

San Juan 5:39

Qankunaqa Diospa Qhelqachisqanta allin allinta qhawankichej, imaraykuchus qhelqasqapi imatachus nisqannejta wiñay kawsayta tarinaykichejta yuyankichej. Chay qhelqasqarí noqamanta willan.

Hebreos 1:14

Aswanpis angelkunaqa Diospa munasqanta ruwanankupaj kashanku. Diostaj paykunata kachamun, pikunachus qhespichisqa kanata chayaqeta jina jap'enqanku, chaykunata yanapanankupaj.

Apocalipsis 4:10

Ajinata chay kawsajkuna ruwashajtinku, chay iskay chunka tawayoj kuraj runakunaqa kamachina tiyanapi tiyasqa kajpa ñawpaqenpi qonqoriykukuspa, wiñay wiñaypaj Kawsajta yupaychallankutaj. Chantá pillunkukunata kamachina tiyanaj ñawpaqenman churaspa, ninku:

Apocalipsis 12:17

Chantá sierpeqa warmipaj mayta phiñakorqa. Chayrayku warmej mirayninmanta wakinkunawan maqanakoj rerqa. Paykuna Diospa kamachisqanta kasunku, Jesusmanta willaspataj sinch'ita sayanku.

Apocalipsis 12:11

Wawqe pananchejkunaqa Cordero cruzpi wañuspa yawar jich'asqanrayku, chantá Diosmanta willasqankurayku Supayta atiparqanku. Paykuna kawsayninkuta pisipaj qhawasqankurayku, wañuyta mana manchachikorqankuchu.

1 Juan 5:10

Tukuy pichus Diospa Churinpi atinikojqa tukuy sonqo yachan, Tata Diospa Churinmanta sut'inchasqanqa cheqapuni kasqanta. Pichus Tata Diospa sut'inchasqanta mana tukuy sonqo jap'ikojrí Diosta llullata jina rikhurichin, Churinmanta Tata Diospa sut'inchasqanta mana jap'ikusqanrayku.

Hebreos 12:25

Chayrayku allinta qhawakuychej, ama pichus parlawanchej, chayta qhesachanamanta. Sichus israelitakuna Moisespa parlasqanta mana uyariyta munasqankurayku jasut'isqapuni karqanku chayqa, imaynatataj noqanchej llusp'isunman sichus janaj pachamanta parlamojta qhesachasunman chayri?

San Mateo 4:10

Jesustajrí kuticherqa: Riy kaymanta, Supay Satanás, imaraykuchus Diospa Qhelqachisqanpi nin: Tukuyta Kamachej Diosniykita yupaychanki, paypa munaynillantataj ruwanki, nispa.

Éxodo 34:14

Amapuni ni mayqen diosman qonqorikunkichejchu, imajtinchus Tata Diosqa manchay celoso, sutenqa: “Celoso Dios”.

Apocalipsis 14:7

Chantá jatunmanta parlaspa, nerqa: Diosta manchachikuychej, sutintataj jatunchaychej, imaraykuchus juzganan p'unchay chayamunña. Pichus janaj pachata, kay pachata, mama qochata, yaku juturikunata ima ruwajta yupaychaychej ari, nispa.

Apocalipsis 15:4

Tukuyta Kamachej Dios, pitaj mana qanta manchachikusunkimanchuri? Pitaj sutiykita mana jatunchanmanchuri? Qanllamin may llimphu kanki. Tukuy runakuna ñawpaqeykiman jamuspa yupaychasonqanku, imaraykuchus justiciata ruwasqaykeqa sut'inchasqaña, nispa.

Hechos 10:43

Tukuy ñawpa sut'inchajkunapis Jesusmanta willarqanku, Paypi tukuy atinikojkunaj juchanku sutinnejta pampachasqa kananta, nispa.

Apocalipsis 1:9

Noqa Juan qankunaj wawqeykichej kani, Jesuswan ujchasqa kasqayraykutaj Diospa kamachiyninpi qankunawan khuska kashani. Jinallataj tukuy imaymana ñak'ariykunapi, chantá chay ñak'ariykunata Jesucristoj paciencia qosqanwan awantanapaj qankunawan khuska kashallanitaj. Noqaqa Patmos sutiyoj churupi wijch'usqa kasharqani Diospa simi nisqanmanta, chantá Jesucristomanta ima willasqayrayku.

Filipenses 3:3

Noqanchejmin cheqapuni circuncidasqa kanchej, mana paykunachu, imaraykuchus Santo Espíritoj yanapasqan kaspa, Diostapuni yupaychanchej. Jinallataj Cristojta kasqanchejmanta kusikunchej, manataj runa imatachus ruwasqanpi atinikunchejchu.

San Lucas 24:44

Chaymantataj nerqa: Imachus noqata kunankama qhatiriwarqa, chay tukuy ima kananta willarqaykichejña qankunawan kashaspa. Imaynatachus noqamanta willan Moisespa kamachisqanpi, jinataj Diosmanta sut'inchajkunaj qhelqasqankupi, chantá Salmokunapi qhelqasqa kashan, chay tukuy ima junt'akunan karqa, nispa.

San Lucas 1:19

Angeltaj kuticherqa: Noqaqa Gabriel kani, jinataj Diospa ñawpaqenpipuni kashani. Paymin kay sumaj willayta willasunaypaj kachamuwan.

Marcos 5:22

Chantá tantakuna wasimanta ujnin kamachej Jairo sutiyoj jamullarqataj. Jesusta rikuytawantaj, ñawpaqenman qonqorikukuspa, maytapuni mañarikorqa:

2 Reyes 17:36

Manachayqa noqa Diosnillaykichejta yupaychawaychej, uywa ñak'asqa q'olachisqatapis jaywawaychej, imaraykuchus noqamin Egiptomanta tukuy atiyniywan orqhomorqaykichej.

Hechos 13:27

Chaywanpis Jerusalenpi tiyakojkuna, kamachejninkukuna ima mana repararqankuchu pichus Jesús kasqanta, nitaj entienderqankuchu Diosmanta sut'inchajkunaj qhelqasqankuta, sapa samarina p'unchaypi chayta ñawirispapis. Aswanpis Jesusta wañuchisqa kananpaj juchacharqanku, ajinamantataj ñawpa sut'inchajkunaj nisqankuta junt'arqanku.

Daniel (hebreo) 7:10

ñawpaqenmantataj uj nina mayu llojsisqa. Waranqa waranqa angelkuna munayninta ruwanankupaj wakichisqa kashasqanku, ñawpaqenpi sayashajkunataj mana yupay atina kasqanku. Chantá chay Juezqa juzgayta qallarinanpaj tiyaykusqa, qhelqakunataj kicharisqa kasqa.

Salmos 45:11

11 (12) K'achita kasqayki kuraj kamachejpa sonqonta suwan. Payqa wiraqochiyki, chayrayku payta kasunayki tiyan.

1 Juan 5:21

Wawaykuna, mana cheqa kaj dioskunaman k'umuykunamanta allinta qhawakuychej. Ajina kachun.

1 Tesalonicenses 5:15

Ama pipis sajrata ruwajman sajrallatataj kutichichunchu. Aswanpis qankuna ukhupi, jinataj tukuypajpis allin kajta ruwanaykichejpaj atisqaykichejta ruwaychej.

Efesios 5:15

Chayrayku imaynatachus purishasqaykichejta allinta qhawakuychej. Amaña wampu jinaqa kawsaychejchu, manachayqa yuyayniyojkuna jina.

2 Corintios 8:7

Qankuna tukuy imapi ñawpajpipuni kankichej: Diospi atinikuypi, parlaypi, yachaypi, ruwanapaj k'uchi kaypi, noqaykupaj munakuypi ima. Kunanqa ajinallataj k'acha kaspa yanapanapaj qolqe tantanapi ñawpajpi kaychej.

Marcos 7:25

Jinapi uj warmi chaypi Jesús kasqanta uyarerqa. Chay warmej ususenqa supayniyoj karqa. Chayrayku chay warmi jamuspa, Jesuspa ñawpaqenpi pampakama k'umuykorqa.

Efesios 5:33

Chayrayku sapa ujniykichej warmiykichejta munakuychej, imaynatachus qankuna kikiychejta munakunkichej, ajinata. Qankuna warmikunapis qosaykichejta jatun respetowan qhawaychej.

Daniel (hebreo) 2:46

Chantá kuraj kamachej Nabucodonosor Danielpa ñawpaqenman pampakama k'umuykukorqa. Jinaspataj, kamacherqa uywa ñak'asqa q'olachinata Danielman jaywanankuta, inciensotataj payman q'oshñichinankuta.

Apocalipsis 1:1

Kayqa Jesucristoj sut'inchasqan, mayqentachus Dios payman qorqa kamachinkunaman rejsichinanpaj imachus askamalla kananmanta, chay. Jesusqa angelninnejta chaykunata kamachin Juanman rejsicherqa.

Apocalipsis 19:9

Chantá ángel nillawarqataj: Kayta qhelqay: Pikunachus Corderoj casaraku rayminman wajyasqa kajkunaqa kusisqa kanqanku, nispa. Nillarqataj: Ajinata Dios nispaqa, mana llullakunchu, nispa.