Apocalipsis 18:6 - DIOSPA QHELQACHISQ

⁶ Payman qopuychej, imaynatachus qankunaman qosorqachej ajinata, ruwasqanman jinataj iskay jinatawan kutichipuychej. Ima vasomantachá qankunaman ujyachisorqachej, chayllamantataj iskay jinatawan payman ujyachiychej.

Qheshwa Biblia DC

⁶ Payman kutichipuychej, imaynatachus qankunaman qorqasunkichej ajinata; ruwasqasninman jinataj iskay kutitawan kutichipuychej, ima copapichá qankunaman ujyachisorqachej, chayllapitaj iskay kutitawan ujyachiychej.

DIOSPA QHELQACHISQAN DEUTEROCANONICAL

⁶ Payman qopuychej, imaynatachus qankunaman qosorqachej ajinata, ruwasqanman jinataj iskay jinatawan kutichipuychej. Ima vasomantachá qankunaman ujyachisorqachej, chayllamantataj iskay jinatawan payman ujyachiychej.

Quechua South Bolivia: Dios Parlapawanchej

⁶ Chayraycu juchallicuskanmanjina cutichiska cachun. Sajra ruwaskanmanjina iscay cuti cutichiska cachun. Millaycunata waquichispa ujyachiskanmanjina iscay cuti cutichiska cachun.

Apocalipsis 18:6 Referans Kwoze

Jeremías 50:29

Arcowan tukuy flechajkunata tantamuychej, Babiloniaj contranta maqanakoj rinankupaj. Llajtaj tukuy muyuyninpi jarakuychej, ama pipis ayqenanpaj. Ruwasqanman jina kutichiychej. Imaynatachus waj suyukunawan ruwarqa, ajinallatataj paywan ruwaychej, imaraykuchus payqa Israelpa May Llimphu Kaj Diosnin, noqa Tata Diospa contraypi sayaykorqa.

Salmos 137:8

Babilonia, qanpis thuñisqallataj kanki. Kusisqa kanqa pichus qanta thuñisojqa, imaynatachus qan ruwawasqaykuman jina.

Jeremías 50:15

Tukuynejpi maqanakuman yaykunapaj qhapariychej. Babilonia atipasqaña kashan, torrenkuna, phatu perqankunapis thuñisqaña. Kayqa Tata Diospa vengakuyninmin. Babiloniamanta vengakuychej. Imaynatachus qankunawan ruwarqanku, ajinallatataj paykunawanpis ruwaychej.

Apocalipsis 16:19

Jatun llajta Babiloniataj kinsaman t'aqakorqa, tukuy kay pachapi llajtakunapis thuñisqa karqanku. Jinapi Dios chay jatun llajta Babiloniaj juchallisqanmanta yuyarikorqa, jinataj k'araj phiñakuyninwan sinch'ita jasut'erqa.

Apocalipsis 14:10

Diospa phiñakuyninpa vinonmanta ujyanan kanqa. Chay vinoqa mana imawan chajrusqa, Diospa phiñakuyninwan junt'asqa vasonpi kashan. Paykuna Diospaj t'aqasqa angelkunaj ñawpaqenpi, jinataj Corderoj ñawpaqenpi ninawan, chantá ninayarishaj azufrewan ima ñak'arichisqa kanqanku.

Jeremías 51:24

Tata Dios nillantaj: Kunantajrí noqa rikunaykichejta Babiloniata, caldeokunatapis imatachus ruwasqankuman jina kutichisaj, Sión llajtata mana ima allinta ruwasqankurayku, nispa.

Apocalipsis 17:4

Chay warmeqa kulli yanaraw p'achawan p'achallisqa karqa, qoriwan k'achanchasqa, k'achituta lliphirishaj rumiwan, chantá walqawan ima. Makinpeqa qorimanta vasota jap'isharqa millay imakunawan junt'asqata, khuchichakuspa ch'ichichakusqanwan ima.

Zacarías 9:12

Pikunachus kacharichisqa kayta suyakojkuna, sumaj jark'achasqa wasiykichejman kutimuychej. Noqa niykichej, ñak'arisqaykichejmanta uj jinatawanraj kutichipusunaykichejta.

Jeremías 17:18

Qhatiykachawajkunaqa p'enqaypi rikhurichunku, amataj noqaqa. Paykunalla mancharikuchunku, amataj noqaqa. Paykunaj patankuman ñak'ariykunata apachimuy, tukuyninkutataj kutin kutinta phirirpariy.

Jeremías 16:18

Ñawpajtaqa uj jinatawanraj tukuy millay ruwasqaykichejmanta, jinataj juchaykichejmantapis qankunata jasut'isqaykichej, imaraykuchus millay mana kawsayniyoj lantikunata yupaychaspa, jallp'ayta ch'ichicharqankichej, chayaqeytataj millay ruwasqaykichejwan junt'acherqankichej, nispa.

2 Timoteo 4:14

Fierrota takaj Alejandroqa ashkha mana allinkunata ruwawarqa. Tukuyta Kamachej Diosrí payman ruwasqanman jina kutichiponqa.

Jeremías 51:49

Arí, Babilonia urmanqapuni, Israel ayllumanta runakunata wañurachisqanmanta, jinataj tukuy kay pachapi runakunata wañurachisqanmanta ima.

Apocalipsis 17:2

Kay pachapi kaj kuraj kamachejkunaqa paywan khuchichakorqanku, kay pachapi tiyakojkunapis paywan khuchichakuypi purispa vinowan jina machaykorqanku, nispa.

Apocalipsis 13:10

Pichus carcelpi wisq'asqa kanan kashan, chayta carcelman wisq'anankupaj apanqanku. Chantá pichus wañuchisqa kanan kashan, chaytapis wañuchenqanku. Chay niyta munan Diospa ajllakusqankunaqa qhatiykachasqa kanata pacienciawan awantanankuta, Diosta mana wasanchaspa.

Isaías 40:2

K'acha simiwan Jerusalenman parlaykuspa, wata runa kananku tukukapusqanta niychej. Willallaychejtaj juchanku pampachasqaña kasqanta. Tata Diosqa chay juchankumanta uj jinatawan paykunata jasut'inña, nispa.

Isaías 61:7

Qankuna manaña p'enqachisqachu nitaj k'umuykachachisqachu kankichej. Aswanpis jallp'ataqa uj jinatawanraj jap'inkichej, chaypi kapuyniyoj kankichej, wiñaypajtaj kusisqa kawsakunkichej.

Salmos 28:4

Qantajrí millayta ruwasqankuman jina paykunata jasut'iy, millay kajta ruwasqankuman jinataj ñak'arichiy.

Apocalipsis 18:20

Chaymanta janaj pachapi tukuy tiyakojkuna kusikuychej. Jinallataj qankuna Diospa ajllakusqankuna, Diospa kachankuna, chantá Diosmanta sut'inchajkuna ima kusikullaychejtaj, imaraykuchus Dios qankunarayku justiciata ruwaspa, chay llajtaman tukuy millayta ruwasqanman jina kutichipun, nispa.

Lamentaciones 3:64

Kunanqa, Tata Dios, paykunaman imatachus ruwasqankuman jina kutichipuy.