Apocalipsis 17:4 - DIOSPA QHELQACHISQ

⁴ Chay warmeqa kulli yanaraw p'achawan p'achallisqa karqa, qoriwan k'achanchasqa, k'achituta lliphirishaj rumiwan, chantá walqawan ima. Makinpeqa qorimanta vasota jap'isharqa millay imakunawan junt'asqata, khuchichakuspa ch'ichichakusqanwan ima.

Qheshwa Biblia DC

⁴ Warmitaj kulli puka p'achawan p'achallisqa karqa, qoriwan k'achanchasqa, k'anchaj, qhapaj rumiswan, walqaswan ima allinchasqa; makimpitaj qori copayoj millaykunawan junt'asqa, qhenchachakusqampa ch'ichinwan ima.

DIOSPA QHELQACHISQAN DEUTEROCANONICAL

⁴ Chay warmeqa kulli yanaraw p'achawan p'achallisqa karqa, qoriwan k'achanchasqa, k'achituta lliphirishaj rumiwan, chantá walqawan ima. Makinpeqa qorimanta vasota jap'isharqa millay imakunawan junt'asqata, khuchichakuspa ch'ichichakusqanwan ima.

Quechua South Bolivia: Dios Parlapawanchej

⁴ Chay warmitaj morado p'achawan p'achalliska carka. Koriwan, may valorniyoj rumicituswan, perlaswan, may sumaj c'achachaska carka. Maquinpitaj uj kori vasoyoj carka. Chay vasoka Diospa millachicuskanwan chay warmej millay khenchachacuyninwan junt'a carka.

Apocalipsis 17:4 Referans Kwoze

Apocalipsis 18:16

Chantá nenqanku: Chay jatun llajta chay jina llakiyman chayananri. Payqa sumaj awasqa linomanta p'achallikoj, jinallataj kulli yanaraw p'achawan, puka p'achawan, qoriwan, k'achituta lliphirishaj rumikunawan, chantá walqakunawan ima k'achanchakoj.

Jeremías 51:7

Babiloniaqa Tata Diospa makinpi qori vaso jina karqa. Payqa tukuy kay pachata machacherqa. Tukuy suyukunaqa vinonmanta ujyarqanku, chaywantaj yuyayninkuta chinkachikorqanku.

Apocalipsis 19:2

Diospa justicia ruwasqanqa cheqan, cheqataj. Chayrayku chay manchay uyarisqa phisu warmita juchacharqa, pichus khuchichakusqanwan kay pachata pierdecherqa, chayta. Diosqa kamachinkunata wañuchisqanmanta chay warmiwan pagachikorqa, nispa.

Apocalipsis 18:12

Qhatunapaj apasqankoqa kaykuna kanku: Qori, qolqe metal, k'achitu rumikuna, walqakuna, sumaj awasqa lino tela, kulli tela, seda tela, puka tela, sumajta q'apaj tukuy imaymana madera, marfil tullu, sumaj madera, broncemanta, fierromanta, chantá mármol sutiyoj rumimanta tukuy ima ruwasqa.

Lamentaciones 1:9

P'achanqa millay ch'ichi kashan, manataj yuyarqachu imapichus rikhurinanta. Chayrayku payqa t'ukunata urmarqa, manataj pipis sonqochaykurej kanchu. Qhawariy ari, Tata Dios, llakiyniyta, awqaypis manchayta runaykachasqankuta.

Apocalipsis 14:8

Chantá chay angelpa qhepanta waj angelñataj rikhurimuspa, nillarqataj: Babilonia jatun llajtaqa urmanña. Arí, urmanña, imaraykuchus chay llajtaqa tukuy suyumanta runata juchalliyta yachacherqa, chantá waj dioskunata kasuyta ima, nispa.

Daniel (hebreo) 11:38

Aswanpis payqa pukarakunaj diosninta yupaychanqa. Ñawpa tatankunaj mana rejsisqan diosta qoriwan, qolqe metalwan, lliphipirej rumiwan, chantá ashkha valorniyoj imakunawan yupaychanqa.

Ezequiel 24:13

Jerusalén, khuchichakuspa purisqaykimanta llimphuchasuyta munarqani, qantajrí manapuni ch'ichiykimanta llimphuchakuyta munarqankichu. Kunantajrí manaraj llimphuchasqachu kanki noqa phiñakuyniyta qanpi thasnunaykama.

Ezequiel 24:11

Chaymanta ch'usaj mankata ninaman churaykuy, cobre pukayanankama, ch'ichi kaynin pichakunankama, akakipasqantaj t'akakunankama.

1 Reyes 14:24

Tukuy suyupi chay lantikunata yupaychana wasikunapi khuchichakoj qharikuna kallarqataj. Chantapis Tata Diosqa israelitakunaj ñawpaqenkumanta wijch'orqa, chaykunaj millay ruwasqankuta paykunapis ruwallarqankutaj.

Oseas 9:10

Tata Dios nin: Ñawpajta Israelta tarispa, kusikorqani, imaynatachus runakuna ch'innejpi uvata tarispa kusikunku, ajinata. Noqapaj ñawpa tataykichejkunaqa mishkha poqoj higo jina karqanku. Paykunatajrí Baal Pegorman chayaspa, qhasi manakaj dioskunaman kutirikorqanku. Munakusqanku lantita yupaychasqankurayku, mayta millachikunaman tukuporqanku.

Esdras 9:11

mayqenkunatachus Diosmanta sut'inchajnejta kamachiwarqayku, chaykunata. Qan kay jinata niwarqaykuña: Mayqen jallp'amanchus tiyakoj yaykunkichej, chaypi kaj runakunaqa sajra kawsayniyoj kanku. Millay ruwasqankuwan kay jallp'aman junt'aykucherqanku.

Ezequiel 20:30

Chayrayku israelitakunaman niy: Tukuyta Kamachej Tata Dios nisunkichej: Qankunapis ñawpa tataykichej jinachu ch'ichichakuyta munankichej? Noqamanta karunchakuspa, millay lantikunata yupaychaspa khuchichakuytachu munankichej?

2 Reyes 21:2

Payqa manapuni Tata Diospa munasqanman jinachu ruwarqa, imajtinchus Tata Dios pikunatachus israelitakunaj ñawpaqenkumanta wijch'usqa, chay runakuna jinallataj millayta ruwarqa.

Ezequiel 36:25

Llimphu yakuwan mayllasqaykichej, tukuy ch'ichi kawsayniykichejmantataj llimphuchasqa kankichej. Tukuy lantikunamantapis t'aqasqaykichej.

Deuteronomio 29:17

17 (16) Chay suyukunanejta jamushaspa, k'ullumanta, rumimanta, qolqe metalmanta, qorimanta ima ruwasqa lantikunata chay llajtayojkuna yupaychasqankuta rikorqanchej. Chay lantikunaqa millay chejnina kanku.

Isaías 66:3

Chaywanpis pichus wakata ñak'aspa jaywawajqa uj runata wañuchejwan ninakun. Corderota ñak'aspa jaywanata apamojqa alqotapis wañuchispa jaywanman jina. Ch'aki mikhuy jaywanata apamojqa khuchej yawarninta apamojman ninakun. Inciensota q'oshñichejqa lantitapis yupaychanman jina kashan. Paykunaqa sapa ujninku imatachus munasqankuta ajllakunku, chay millay ruwasqankuwantaj sonqonkupi kusikunku.

Ezequiel 28:13

Diospa huertan Edén ukhupi kasharqanki. Tukuy imaymana lliphipirishaj k'achitu rumikunawan k'achanchasqa p'achayoj karqanki: Rubimanta, crisolitomanta, jademanta, topaciomanta, onicemanta, jaspemanta, zafiromanta, granatemanta, esmeraldamantawan ima. K'achanchakunayki, jaluchuykikuna ima qorimanta karqanku. Maypachachus ruwasqa karqanki chaypacha, chay tukuy ima qanpaj wakichisqa karqa.

Apocalipsis 9:21

Chay runakuna manallataj saqerqankuchu runa wañuchiyta, layqanakuta, khuchichakuyta, suwanata ima, Diosman kutirikunankupaj.

Apocalipsis 21:21

Chay chunka iskayniyoj punkukunaqa chunka iskayniyoj perlakuna karqanku, sapa punkutaj uj perlalla karqa. Llajtaj plazantaj sumaj qorimanta karqa, cristal jina lliphipirishaj.