Apocalipsis 17:14 - DIOSPA QHELQACHISQ

¹⁴ Chantá paykuna Corderoj contranpi maqanakonqanku. Corderotajrí paykunata atipaykonqa, imaraykuchus payqa tukuy kamachejkunaj Kuraj Kamachejninku, tukuy wiraqochikunaj Kamachejninkutaj. Pikunatachus Dios wajyaspa ajllakorqa, jinataj payta kasunku chaykuna paywan khuska kanqanku.

Qheshwa Biblia DC

¹⁴ Kaykunaqa Corderoj contrampi maqanakonqanku. Corderotaj paykunata atipanqa. Payqa señorkunaj Señornin, reyespa Reynintaj. Paywan kajkunarí wajyasqas, ajllasqas, junt'ajkunataj kanku.

DIOSPA QHELQACHISQAN DEUTEROCANONICAL

¹⁴ Chantá paykuna Corderoj contranpi maqanakonqanku. Corderotajrí paykunata atipaykonqa, imaraykuchus payqa tukuy kamachejkunaj Kuraj Kamachejninku, tukuy wiraqochikunaj Kamachejninkutaj. Pikunatachus Dios wajyaspa ajllakorqa, jinataj payta kasunku chaykuna paywan khuska kanqanku.

Quechua South Bolivia: Dios Parlapawanchej

¹⁴ Paycunaka Cordero Cristowan makanaconkancu. Corderotaj paycunata atipanka tucuy señorcunaj Señornincu, tucuy camachejcunaj Camachejnincu caskanraycu. Corderowan cusca makanacojcuna paypa wajyaskacunan, ajllaskacunan, casojcunan cancu. Paycunaka paywan cusca atipankancu, —nispa.

Apocalipsis 17:14 Referans Kwoze

Romanos 8:30

Pikunatachus qallariypi ajllarqa, chaykunata wajyarqa. Chay wajyasqankunatataj cheqan runapaj qhawarqa, ajinata qhawaspataj, jatun kayninwan paykunata jatuncharqa.

1 Timoteo 6:15

Chantá k'ata Diosqa maychus tiemponpi Jesucristota rikhurichimonqa. Paymin yupaychasqa k'ata Kuraj Kamachejqa, tukuy kuraj kamachejkunaj kamachejnin, waj kamachejkunaj Kurajninkutaj.

San Mateo 22:14

Noqataj niykichej: Ajina ari, wajyasqakunaqa ashkha kanku, ajllasqakunatajrí pisilla, nispa.

Apocalipsis 3:21

Tukuy atipajkunaqa kamachinay tiyanapi noqawan tiyanqanku, imaynatachus noqapis atipaspa Tataywan khuska kamachinan tiyanapi tiyaykukorqani, ajinata.

Apocalipsis 1:5

Jesucristoqa cheqanta willaj testigomin. Paymin wañusqamanta ñawpajta kawsarimporqa, payllataj kay pachapi tukuy kuraj kamachejkunata kamachin. Jesucristo munakuwarqanchej, jinataj wañuspa yawar jich'asqannejta juchanchejta pampacharqa.

Daniel (hebreo) 2:47

Chantá Danielta nerqa: Cheqapuni Diosniykichejqa tukuy dioskunaj Tukuyta Kamachej Diosnin, tukuy kamachejkunaj kuraj kamachejninkutaj, tukuy pakaypi kajta sut'inchaj ima, imaraykuchus qan pakasqa kajta sut'inchayta aterqanki, nispa.

Deuteronomio 10:17

Tata Diosniykichejqa dioskunaj Diosnin, tukuy kamachejkunaj kamachejnintaj. Payqa kamachinanpaj mana pitapis tapunrajchu, jinallataj may atiyniyoj, manchachikunataj. Tukuyta uj rejllata qhawan, nitaj piwanpis lluk'ichikunchu.

Apocalipsis 2:10

Chaywanpis imatachus ñak'arinaykimanta ama manchachikuychu, imaraykuchus Kuraj Supay qankunamanta wakinta wisq'achenqa, cheqatapunichus noqapi atinikusqaykichejta yachananpaj. Chaypacha, chunka p'unchayta ñak'arichisqa kankichej. Qanrí wañunaykikama kasuwaspallapuni puriy, noqataj wiñay kawsayta t'inkata jina qosqayki.

Apocalipsis 16:14

Chay supaykuna runaj mana jayk'aj rikusqan t'ukunata ruwaspa, tukuy kay pachapi kuraj kamachejkunaman rinku. Jinaspataj, runakunata tantanku Tukuy Atiyniyoj Diospa contranpi maqanakunankupaj. Chay kanqa, maypachachus Dios tukuy runata juzganqa, chay p'unchayta.

1 Corintios 15:24

Chaypa qhepanta kay pachaj tukukuynin kanqa. Chaypacha Cristoqa tukuy kamachejkunata, tukuy atiyniyojkunata, chantá tukuy kurajkunata ima chinkarparichenqa. Chaymantataj kamachinapaj atiyta Tata Diosman jaywaponqa, pay kamachinanpaj.

Romanos 8:37

Chaywanpis chay jina llakiykunapi kashaspapis, sut'ita yachanchej munakuwajninchej Jesucristonejta atipananchejtapuni.

San Mateo 28:18

Chantá Jesús qayllaykuspa, paykunata nerqa: Tata Diosneyqa kamachinapaj tukuy atiyta qowan janaj pachapi, kay pachapipis.

Jeremías 1:19

Paykunaqa qanwan maqanakonqanku, jinapis mana atipasonqankuchu, imaraykuchus noqa yanapasunaypaj qanwan kasaj, nispa. Noqa Tata Diosmin chayta nini.

Apocalipsis 11:7

Chantá testigokuna willayta tukojtinkuña, ukhu pachamanta wicharimoj chay millay sierpe paykunawan maqanakuspa, atipaykonqa, ajinamantataj paykunata wañurachenqa.

1 Pedro 2:9

Qankunarí Diospa ajllakusqan ayllu kankichej, Kuraj Kamachejpa sacerdotenkuna, juchamanta t'aqasqa runakuna, Diospatapuni kanaykichejpaj t'aqasqa ima. Chayrayku qankuna Diospa t'ukuna may sumaj ruwasqanmanta willayta atinkichej, pichus laqhamanta sumaj k'anchayninman wajyasorqachej, chaypa ruwasqanmanta.

2 Timoteo 2:4

Ni mayqen soldadopis soldado jina ruwananpi kashaspa, waj ruwanaman sat'ikunchu. Manachayqa kamachejninpa munayninta ruwan payta kusisqata rikuyta munaspa.

Daniel (hebreo) 2:44

Chay kuraj kamachejkuna kamachishajtinku, janaj pachapi kaj Tata Dios mana jayk'aj chinkachisqa kanan kamachiyninta sayarichenqa, manataj mayqen suyupis payta atipanqachu. Astawanpis payqa tukuynin waj suyukunata tukuchenqa, paypa suyuntaj wiñaypaj sayanqa.

Salmos 110:5

Tukuyta Kamachej Dios yanapasunanpaj pañaykipi kashan, phiñakuynin p'unchaypitaj kuraj kamachejkunata chakin uraman churanqa.

San Juan 15:16

Mana qankunachu ajllawarqankichej, aswanpis noqa qankunata ajllarqaykichej. Chantá churarqaykichej, rispa ashkha poqoyniyoj yura jina kanaykichejpaj, chay ruwasqaykichejtaj unaypaj kananpaj. Ajinamanta tukuy imatachus noqaj sutiypi Tata Diosmanta mañakusqaykichejta pay qosonqachej.

San Mateo 25:40

Kuraj Kamachejtaj paykunaman kutichenqa: Kayta sut'ita niykichej: Imatachus aswan pisipaj qhawasqa ujnin kaj wawqeypaj ruwarqankichej, chaytaqa noqapajmin ruwarqankichej, nispa.

Zacarías 2:8

8 (12) Tukuy Atiyniyoj Tata Dios kayta willanaypaj kachamuwarqa, pikunachus tukuy imaykichejta ch'uskirasorqachej, chay suyukunaj contrankupi: Pillapis qankunata llankhaykojqa ñawi papaytapis llankhaykunman jina.

Jeremías 50:44

Ajinata Tata Diosqa Babiloniaj contranpi nin: Imaynatachus león Jordán mayu kantupi ch'umi ukhumanta ujllata llojsimuspa, sumaj wira uywaman phinkiykun, ajinata noqapis jamusaj, Babiloniamanta kajkunatataj chaynejmanta ayqechisaj. Chantá ajllakusqay kamachiyta churasaj chaypi kamachinanpaj. Pitaj noqa jina kanmanri? Pitaj noqaman sayaykuwanmanri? Mayqen michejtaj ñawpaqeypi sayanmanri?

Daniel (hebreo) 7:21

Chantá qhawashajtiy, chay wajraqa Diospa ayllunpa contranta maqanakuspa, paykunata atipashasqa.

Jeremías 1:15

Noqa Tata Diospuni kayta nini: Wichaynejmanta tukuy suyuta wajyamusaj. Kuraj kamachejninkuna jamuspataj, Jerusalenman yaykuna punkunpi kamachinanku tiyanata churanqanku. Jinallataj jatuchaj perqankuna chaypi, chantá Judáj tukuynin llajtanpipis toldonkuta sayachenqanku.

Romanos 1:6

Qankunapis paykuna ukhupi wajyasqa kankichej Jesucristojta kanaykichejpaj.

Apocalipsis 2:13

Noqa maypichus tiyakusqaykita yachani. Qanqa, maypichus Kuraj Supaypa kamachinan tiyana kashan, chaypi tiyakunki. Chaywanpis mana wasanchawarqankichu, nitaj noqapi atinikusqaykipi llawch'iyarqankichu. Pérgamo llajtapi willajniy Antipasta wañucherqanku, pichus tukuy sonqo noqata kasuwaspallapuni kawsarqa, chayta. Qanrí payta wañuchishajtinkupis, manapuni noqata wasanchawarqankichu.