Apocalipsis 16:1 - DIOSPA QHELQACHISQ

¹ Chantá Templomanta noqa jatunmanta parlamojta uyarerqani, chay parlamojtaj qanchis angelkunata nerqa: Riychej, chay qanchis vasokunamanta Diospa k'araj phiñakuyninta kay pachaman jich'aykamuychej, nispa.

Qheshwa Biblia DC

¹ Templomanta sinch'ita parlamojta uyarerqani, qanchis angelesmantaj nerqa: Riychej, jich'amuychej jallp'aman Diospa k'aja phiñaynimpa chay qanchis vasosmanta.

DIOSPA QHELQACHISQAN DEUTEROCANONICAL

¹ Chantá Templomanta noqa jatunmanta parlamojta uyarerqani, chay parlamojtaj qanchis angelkunata nerqa: Riychej, chay qanchis vasokunamanta Diospa k'araj phiñakuyninta kay pachaman jich'aykamuychej, nispa.

Quechua South Bolivia: Dios Parlapawanchej

¹ Uyarerkanitaj yupaychana-wasimanta sinch'iwan parlashajta chay kanchis angelesman: —Riychej, Diospa c'ajaj phiñacuyninwan junt'a caj kanchis vasosta cay pachaman jich'aycamuychej, —nispa.

Apocalipsis 16:1 Referans Kwoze

Sofonías 3:8

Chayrayku, qankuna suyariwaychej, maypachachus noqa sayarisaj contraykichejpi parlanaypaj, chay p'unchaykama. Noqa Tata Dios kayta nini: Yuyaychakuni, suyukunata, kamachejkunatawan tantamuyta, phiñakuyniyta patankuman jich'aykunaypaj, may k'ajashaj phiñakuyniyta paykunaman rejsichinaypaj. Chay k'araj phiñakuyniyraykutaj tukuy kay pacha t'usti ruwasqa kanqa.

Apocalipsis 15:1

Chaymanta noqa janajpi ujtawan runaj mana jayk'aj rikusqan t'ukunata rikullarqanitaj. Qanchis angelkuna qanchis qhepa kaj wañuchej onqoykunata jap'isharqanku, imaraykuchus chay onqoykunawan Diospa phiñakuynin thasnusqa kanan karqa.

Jeremías 10:25

Phiñakuyniykita kachaykuy, pikunachus mana rejsisunkuchu, chay suyukunaj patankuman, pikunachus sutiykita mana yupaychankuchu, chaykunaj patankuman. Ajinata ruway, imaraykuchus paykuna Jacobpa mirayninta tukucherqanku, suyunkutataj raqayllataña saqerparerqanku, nispa.

Apocalipsis 16:17

Chaymanta qanchis kaj angelñataj vasonmanta wayraman jich'arqa. Chantá janaj pachapi templopi kamachina tiyanamanta, jatunmanta parlasqan uyarikorqa: Ñapis ñak'ariykuna tukukushanña, nispa.

Salmos 79:6

Qanta mana rejsisojkunaj patankuman phiñakuyniykita kachaykuy, sutiykita mana yupaychaj kuraj kamachejkunaj patankuman.

Ezequiel 10:2

Chantá Tata Diosqa linomanta p'achayoj runata nerqa: Querubinkunaj uranpi kaj ruedakunaj chawpinman yaykuy. Chay querubinkunaj chawpinkumanta nina k'ajata makiyki junt'ata oqharispataj, llajta pataman qhalliy, nispa. Jinataj qhawashajtiy, chay runaqa querubinkunaj chawpinkuman yaykorqa.

Apocalipsis 14:18

Altarmantataj waj ángel llojsimullarqataj. Payqa ninata kamachinanpaj atiyniyoj karqa. Paytaj filochasqa hozeta jap'irisqa kasharqa, chay angelta jatunmanta parlaspa, nerqa: Chay hozeykiwan uva chhullchuta pallaj kay pachaman yaykuy, imaraykuchus poqosqaña kashanku, nispa.

Apocalipsis 14:15

Chaymantataj templomanta waj angelñataj llojsimorqa, phuyu patapi kajmantaj jatunmanta parlaspa, nerqa: Hozeykita jap'ispa ruthuypacha, imaraykuchus ruthuna p'unchay chayamunña. Chajraqa ñapis poqosqaña, nispa.

1 Samuel 15:3

Chayrayku amalecitakunawan maqanakoj riy. Tukuy paykunata wañuchimuy, jinataj tukuy kapuyninkutapis phiriy, ama ni uj chhikanta paykunamanta khuyarikuspa. Wañurachiy qharikunata, warmikunata, wawakunata, ñuñoj wawakunatapis. Ajinallatataj wañuchiy tukuy wakankuta, ovejankuta, camellonkuta, burronkuta ima, nispa.

1 Samuel 15:18

Tata Diostaj sut'ita kamachisorqa juchasapa amalecitakunata chinkachinaykita, mana uj puchuyojtataj wañuchinaykita.

Ezequiel 22:31

Chayrayku paykunaj patankuman k'araj phiñakuyniyta kachaykamusaj. Jinaspataj, nina lawray jina phiñakuyniywan paykunata chinkachisaj. Millayta ruwasqankuman jina pagachikusaj. Noqa Tukuyta Kamachej Tata Dios ajinata nini.

Apocalipsis 11:19

Jinallapi janaj pachapi kashaj Diospa templon kicharikorqa, chaypitaj Diospa trato ruwasqan arca rikukorqa. Chaypachallataj lliuj lliujkuna, jatunmanta parlaykuna, qhon qhonkuna, jallp'a ikhakuy, chantá manchay chijchi para ima karqa.