Apocalipsis 15:4 - DIOSPA QHELQACHISQ

⁴ Tukuyta Kamachej Dios, pitaj mana qanta manchachikusunkimanchuri? Pitaj sutiykita mana jatunchanmanchuri? Qanllamin may llimphu kanki. Tukuy runakuna ñawpaqeykiman jamuspa yupaychasonqanku, imaraykuchus justiciata ruwasqaykeqa sut'inchasqaña, nispa.

Qheshwa Biblia DC

⁴ Pitaj mana qanta manchachikunmanchu Señor? Pitaj atiyniykita mana jatunchanmanchu? Qanlla Santo kanki. Chayrayku tukuy runas ñaupaqeykiman jamonqanku, yupaychasonqankutaj. Cheqan juzgasqasniykeqa rejsisqas kanku.

DIOSPA QHELQACHISQAN DEUTEROCANONICAL

⁴ Tukuyta Kamachej Dios, pitaj mana qanta manchachikusunkimanchuri? Pitaj sutiykita mana jatunchanmanchuri? Qanllamin may llimphu kanki. Tukuy runakuna ñawpaqeykiman jamuspa yupaychasonqanku, imaraykuchus justiciata ruwasqaykeqa sut'inchasqaña, nispa.

Quechua South Bolivia: Dios Parlapawanchej

⁴ Señor, tucuy manchachicuywan kanta yupaychasonkancu tucuytaj sutiyquita jatunchankancu. Kan sapallayqui santo canqui. Chayraycu tucuy llajtas kanman jamonkancu. Chekanta juchachaskayqui ricuchiskañamin. Chayraycu tucuy ñaupakeyquipi konkoricuspa yupaychasonkancu.

Apocalipsis 15:4 Referans Kwoze

Salmos 86:9

Tukuyta Kamachej Dios, sayarichisqayki suyukuna jamuspa, qanta yupaychasonqanku, sutiykitataj jatunchanqanku.

Malaquías 1:11

Tukuy kay pachapi runakuna sutiyta jatunpaj qhawanku. Tukuynejpi inciensota noqapaj q'oshñichinku, ofrendatapis maychus qonawankuta qowanku, imaraykuchus suteyqa tukuy suyukunapi manchay uyarisqa. Ajinata noqa Tukuy Atiyniyoj Tata Dios nini.

Jeremías 10:7

Qanqa tukuy suyukunaj kuraj kamachejnin kanki. Pitaj qanta mana manchachikusunkimanchuri? Qanqa jatun respetowan qhawasqa kanaykipaj jina kanki. Tukuy yachayniyojkunamanta, kamachejkunamantapis manapuni ujpis qan jina kanchu.

Salmos 22:27

27 (28) Tukuy kay pachamanta runakunapis Tata Diosmanta yuyarikuspa, payman kutirikullanqankutaj, ñawpaqenpitaj tukuy runakuna qonqorikonqanku,

Apocalipsis 11:15

Maypachachus qanchis kaj ángel trompetanta waqacherqa chaypacha, janaj pachapi jatunmanta parlasqanku uyarikorqa: Diosninchej, chantá kachamusqan Cristo ima kay pachapi kamachishankuña. Paykunataj wiñay wiñaypaj kamachenqanku, nispa.

Apocalipsis 14:7

Chantá jatunmanta parlaspa, nerqa: Diosta manchachikuychej, sutintataj jatunchaychej, imaraykuchus juzganan p'unchay chayamunña. Pichus janaj pachata, kay pachata, mama qochata, yaku juturikunata ima ruwajta yupaychaychej ari, nispa.

Zacarías 14:16

Chay qhepatarí, pikunachus Jerusalenpa contranpi maqanakoj jamorqanku, chay suyukunamanta puchojkuna watan watanta renqanku Kuraj Kamachej Tukuy Atiyniyoj Tata Diosta yupaychaj. Jinallataj Ch'ujlla Ruwana raymitapis ruwallanqankutaj.

Isaías 25:3

Chayrayku may jina kallpasapa suyukuna jatunchasonqanku, may jina manchana atiyniyoj llajtakunapis manchachikusonqanku.

Isaías 45:23

Noqaj kawsayniyrayku tiluni, simiytaj cheqanta parlan. Kay nisqayqa junt'akonqapuni. Chaytaj kay jina kanqa: Noqaman tukuy runakuna qonqorikuwanqanku, sutiypitaj tilonqanku.

Apocalipsis 4:8

Chay tawantin kawsajkunaqa sapa ujninku sojta lijrayoj karqanku, lijrankunataj patanpi ukhunpi ashkha ñawiwan junt'a karqa. Chantá tuta p'unchay mana sayk'uspa, nisharqanku: May llimphu, may llimphu, may llimphupuni Tukuy Atiyniyoj Diosqa, pichus karqapuni, kashantaj, jamonqataj, chay, nispa.

1 Pedro 1:16

Diospa Qhelqachisqanpi nin: Qankunaqa Diospaj t'aqasqa kajkuna jina puriychej, imaraykuchus noqaqa may llimphumin kani, nispa.

Zacarías 2:11

11 (15) Chaypacha ashkha runakuna Tata Diosman jamonqanku, paytaj nenqa: Kay runakunapis ayllullaytaj kanqanku. Noqataj qankunawan khuska kawsakusaj, nispa. Ajinamanta yachankichej Tukuy Atiyniyoj Tata Diosmin noqata qankunaman kachamuwasqanta.

Apocalipsis 16:7

Chantá noqa altarmanta ajinata nejta uyarillarqanitaj: Arí, Tukuyta Kamachej, Tukuy Atiyniyoj Dios, qanqa cheqan kasqaykiman jina, chantá cheqa kajman jina juzganki, nispa.

Apocalipsis 19:2

Diospa justicia ruwasqanqa cheqan, cheqataj. Chayrayku chay manchay uyarisqa phisu warmita juchacharqa, pichus khuchichakusqanwan kay pachata pierdecherqa, chayta. Diosqa kamachinkunata wañuchisqanmanta chay warmiwan pagachikorqa, nispa.

Isaías 26:9

Ch'isenqa tukuy sonqo qanllapi yuyani, sut'iyaytataj tukuy munakuyniywan mask'ayki. Qan kay pachapi justiciata ruwajtiyki, kay pachapi runakuna yachanqanku imachus cheqan justicia kasqanta.

Salmos 89:7

7 (8) Qanqa Diosmin kanki, manchachikunataj, janaj pachapi kawsajkuna ukhupi may jina atiyniyoj.

Romanos 15:9

Jinallataj Cristo jamorqa mana judío kajkunapis Diosta yupaychanankupaj paykunata khuyakusqanmanta. Diospa Qhelqachisqanpi kay jinata nin: Chayrayku mana judiokuna ukhupi yupaychasqayki, sutiykita oqharispataj, takisaj, nispa.

Oseas 3:5

Chaymanta qhepamanrí israelitakuna kutimuspa, Tata Diosninkuta mask'anqanku, jinallataj kuraj kamachej Davidpa kamachiyninpi kawsanqanku. Qhepa p'unchaykunapitaj tukuy sonqo Tata Diosta may jatunpaj qhawaspa, t'ukurenqanku pay may k'acha kasqanrayku.

Isaías 6:3

Chantá purajmanta ninakusharqanku: Tukuy Atiyniyoj may llimphu, llimphu, llimphu Tata Diosqa. Tukuy kay pacha jatun kayninpa lliphipiyninwan junt'a kashan, nispa.

Salmos 111:9

Tukuyta Kamachej Dios preciota pagaspa ayllunta kacharicherqa, trato ruwasqantataj wiñaypaj sayacherqa. Tata Diosqa may llimphumin, manchachikuna jinataj.

Apocalipsis 6:10

Chantá paykuna jatunmanta qhaparispa, nerqanku: Tukuyta Kamachej Jesús, may llimphu kaj, cheqa kajtaj, jayk'ajkamataj kay pachapi tiyakojkunata mana juzgankichu, nitaj wañuchiwasqaykumanta vengakunkichuri? nispa.

Habacuc 1:12

Chantá Habacuc kuticherqa: Tata Dios, Diosníy, qanqa wiñay wiñaypajmin kawsanki. Ama wañojta qhawallawaykuchu. Qanmin pakakunayku kanki. Chayrayku ama saqeychu Babiloniamanta kajkuna aylluykita jasut'inawaykuta.

Apocalipsis 3:7

Filadelfia llajtapi iglesiaj angelninman kay nisqayta qhelqay: Kay jinata nin May Llimphu Kaj, Cheqa Kaj, pichus kuraj kamachej Davidpa llaventa jap'in, chay. Pay punkuta kicharejtin, mana pipis wisq'ayta atinchu, punkuta wisq'ajtintaj, mana pipis kichariyta atinchu.

Salmos 105:7

Paymin Tata Diosninchej. Payllamin tukuy kay pachata kamachejqa.

Salmos 99:9

Tata Diosninchejta jatunchaychej, jinataj ajllakusqan orqoj ñawpaqenpi k'umuykukuychej. Tata Diosninchejqa may llimphumin.

Salmos 22:3

3 (4) Qantajrí may llimphu kaj Dios kaspa, kamachinki, tukuy israelitakunaj yupaychasqan kanki.

1 Samuel 2:2

Tata Diosníy, qan jina llimphupuneqa mana pipis kanchu. Qanmanta jawaqa mana waj kanchu. Mana pipis qan jina waqaychajqa kanchu.

Isaías 60:5

Chaypacha qanqa paykunata rikuspa, mayta kusikunki, sonqoykitaj kusiywan t'ikarenqa. Mama qocha kantupi tiyakojkuna valorniyoj imankuta apamusonqanku, tukuy suyoj qhapaj kayninkutataj qanman jaywasonqanku.

Jeremías 16:19

Chantá noqa Jeremías nerqani: Tata Dios, qanmin kallpay, waqaychawajniytaj kanki. Ñak'ariypi qanllamin pakakunay kanki. Qanman kay pachaj k'uchunmantapacha jamuspa, nisonqanku: Ñawpa tatanchejkunaj diosninkoqa qhasi manakaj ni imapaj walej dioskunalla kasqanku.

Isaías 57:15

Ajinata patapi kaj wiñaypaj kawsaj Tata Dios nini, May Llimphu Kaj sutiyoj Dios: Noqa patapi tiyakuni, may llimphu cheqapi. Jinallataj llamp'u sonqoyojwan, k'umuykojwan ima kashani, k'umuykoj sonqoyojkunata, sonqo p'akisqakunatapis kusichinaypaj.

Isaías 24:15

Inti llojsimuynejpi jallp'akunapipis Tata Diosta jatunchaychej ari. Israelpa Tata Diosninpa sutinta mama qochaj tukuy kantunpipis pataman oqhariychej.

Salmos 99:5

Jatunchaychej Tata Diosninchejta, ñawpaqenpitaj qonqorikuychej. Diosqa may llimphumin.

Salmos 97:8

Tata Dios, Sión llajtaqa chayta yachaspa kusikun, jinallataj Judá suyupi llajtakunapis raymicharikunku, justiciata ruwasqaykirayku.

Salmos 22:23

23 (24) Qankuna, Tata Diosta maypaj qhawajkuna, payta jatunchaychej. Jacobpa mirayninmanta kajkuna, payta yupaychaychej. Israelmanta tukuy mirajkuna, payta yupaychaychej,

Jeremías 5:22

Noqa Tata Diosmin kayta nini: Manachu qankuna manchachikuwankichej? Nillatajchu ñawpaqeypi kharkatitinkichej? Noqaqa mama qochaj kantunta jark'achata jina churarqani, chaymanta aswan jaqayman mama qocha mana wasaykunanpaj. Mama qochaj qhollchoqeyasqan astawan, astawan manchayta sonarispa oqharikun. Chaywanpis mana wasaykuyta atinchu.

Apocalipsis 16:5

Chantá yakuta kamachej angelta kay jinata nejta uyarerqani: Tukuyta Kamachej Dios, qanmin cheqan kanki. Qanqa wiñaypaj kawsanki, may llimphutaj kanki, imaraykuchus runata jasut'ispaqa, cheqanta ruwanki.

Apocalipsis 19:8

Chay sipasman Dios atiyta qorqa yuraj lliphipej sumaj awasqa linomanta p'achawan p'achallikunanpaj. Linomanta sumaj awasqa telaqa ninakun Diospa ajllakusqankunaj cheqan ruwasqankuwan, nispa.