Apocalipsis 15:1 - DIOSPA QHELQACHISQ

¹ Chaymanta noqa janajpi ujtawan runaj mana jayk'aj rikusqan t'ukunata rikullarqanitaj. Qanchis angelkuna qanchis qhepa kaj wañuchej onqoykunata jap'isharqanku, imaraykuchus chay onqoykunawan Diospa phiñakuynin thasnusqa kanan karqa.

Qheshwa Biblia DC

¹ Rikorqani janaj pachapi waj rikuchiyta jatunta t'ukunapaj jina. Qanchis ángeles jap'isharqanku qanchis qhepa jasut'iykunata, imaraykuchus chaykunawan Diospa phiñakuynin junt'akusharqa.

DIOSPA QHELQACHISQAN DEUTEROCANONICAL

¹ Chaymanta noqa janajpi ujtawan runaj mana jayk'aj rikusqan t'ukunata rikullarqanitaj. Qanchis angelkuna qanchis qhepa kaj wañuchej onqoykunata jap'isharqanku, imaraykuchus chay onqoykunawan Diospa phiñakuynin thasnusqa kanan karqa.

Quechua South Bolivia: Dios Parlapawanchej

¹ Ricullarkanitaj waj jatun t'ucunapaj ricuchinata janaj pachapi. Kanchis angelestaj khepa caj kanchis manchay llaquiycunata jap'ejcuna carkancu. Chay manchay llaquiycunawanmin Diospa c'ajaj phiñacuynenka junt'acun.

Apocalipsis 15:1 Referans Kwoze

Levítico 26:21

Sichus contrallaypipuni oqharikuspa, manapuni kasuwankichejchu chayqa, juchaykichejman jina qanchis kutitawan jasut'isqaykichej.

Apocalipsis 21:9

Chantá chay qhepata qanchis angelkunamanta, pikunachus qhepata jamoj manchay ñak'ariykunawan junt'asqa vasokunata jap'isharqanku, chaykunamanta ujnin jamuwarqa. Niwarqataj: Chimpamuy, noqataj rikuchisqayki casarakunanpaj parlasqa sipasta, Corderoj warminta, nispa.

Apocalipsis 19:15

Paypa siminmanta uj filo espada llojsimorqa, chaywan tukuy suyupi tiyakojkunata atipananpaj. Payllataj fierro varawan kamachenqa, jinallataj Tukuy Atiyniyoj Diosqa uva sarunapi jina k'arajta phiñakuspa paykunata saronqa.

Apocalipsis 16:1

Chantá Templomanta noqa jatunmanta parlamojta uyarerqani, chay parlamojtaj qanchis angelkunata nerqa: Riychej, chay qanchis vasokunamanta Diospa k'araj phiñakuyninta kay pachaman jich'aykamuychej, nispa.

Apocalipsis 14:19

Chay angeltaj filochasqa hozenwan uvata pallayta qallarerqa. Chantá pallasqan uvata uva saruna jatun t'oqoman jich'aykorqa. Chayqa Diospa phiñakuyninmin.

Apocalipsis 14:10

Diospa phiñakuyninpa vinonmanta ujyanan kanqa. Chay vinoqa mana imawan chajrusqa, Diospa phiñakuyninwan junt'asqa vasonpi kashan. Paykuna Diospaj t'aqasqa angelkunaj ñawpaqenpi, jinataj Corderoj ñawpaqenpi ninawan, chantá ninayarishaj azufrewan ima ñak'arichisqa kanqanku.

Daniel (hebreo) 6:27

27 (28) Paymin qhespichej, kacharichejtaj. Payllataj janajpi jinallataj kay pachapipis runaj mana jayk'aj rikusqanta, chantá may t'ukuna imakunata ruwan. Paymin Danielta leonkunaj siminkumanta qhespicherqa, nispa.

Apocalipsis 11:14

Ajinata iskay kaj jatun llakiy tukukapun. Chaywanpis kinsa kaj llakiyñataj usqhayllata qayllamushan.

Apocalipsis 10:3

Chaypachataj chay angelqa leonpis qhaparishanman jina sinch'ita qhaparerqa. Qhaparejtintaj, qanchis qhon qhonkuna kutichimorqanku.

Apocalipsis 8:6

Chantá chay qanchis angelkuna sapa uj trompetanta waqachinankupaj wakichikorqanku.

Apocalipsis 8:13

Chaymantataj noqa janajpi phawashajta uj ankata rikorqani. Chay ankataj sinch'ita qhaparispa, nerqa: Kay pachapi tiyakojkunapaj llakiy, llakiy, ay may jina jatun llakiy kanqa, imaraykuchus kinsa angelkunaraj trompetankuta waqachinanku kashan, nispa.

Apocalipsis 8:2

Chantá Diospa ñawpaqenpi qanchis angelkunata sayashajta rikorqani. Paykunamantaj qanchis trompetakunata qorqanku.

Apocalipsis 9:20

Chaywanpis, pikunachus chay manchay ñak'ariykunawan mana wañorqankuchu, chaykuna millayta ruwasqankumanta Diosman mana kutirikorqankuchu. Manachayqa paykuna supaykunata yupaychallarqankupuni, jinallataj qorimanta, qolqe metalmanta, broncemanta, rumimanta, k'ullumanta ruwasqa lantikunata ima. Chay lantikuna mana qhawayta atinkuchu, nitaj uyariyta, nillataj puriytapis.

Apocalipsis 17:1

Chay qhepata, qanchis angelkunamanta, pikunachus chay qanchis vasokunata jap'isharqanku, chaykunamanta ujnin kaj jamuspa, niwarqa: Kayman chimpamuy, chay phisu warmi imaynatachus juchachasqa kananta rikunaykipaj, pichus ashkha yaku patapi tiyasqa kashan, chayta.