Apocalipsis 14:3 - DIOSPA QHELQACHISQ

³ Chay runakuna Diospa kamachinan tiyanaj ñawpaqenpi, jinataj tawa kawsajkunaj, chantá kuraj runakunaj ñawpaqenkupi ima uj mosoj takiyta takisharqanku. Chay takiyta mana pipis yachaqakuyta aterqachu, manachayqa chay 144.000 runakunalla, pikunatachus kay pachapi kajkuna ukhumanta Cordero ashkha preciota pagaspa kacharichisqa, chaykunalla.

Qheshwa Biblia DC

³ Uj mosoj takiyta jina tronoj ñaupaqempi, tawa kausaj animalespa, kuraj runaspa ñaupaqempi ima takisharqanku; manataj pipis chay takiyta yachakuyta atejchu; manachayqa chay pachaj tawa chunka tawayoj waranqalla, pikunachus kay pachapi kajkuna ukhumanta kacharisqas karqanku.

DIOSPA QHELQACHISQAN DEUTEROCANONICAL

³ Chay runakuna Diospa kamachinan tiyanaj ñawpaqenpi, jinataj tawa kawsajkunaj, chantá kuraj runakunaj ñawpaqenkupi ima uj mosoj takiyta takisharqanku. Chay takiyta mana pipis yachaqakuyta aterqachu, manachayqa chay 144.000 runakunalla, pikunatachus kay pachapi kajkuna ukhumanta Cordero ashkha preciota pagaspa kacharichisqa, chaykunalla.

Quechua South Bolivia: Dios Parlapawanchej

³ Uj mosoj taquinatataj taquisharkancu jatun tiyanaj ñaupakenpi, chay tawa causajcunaj ñaupakencupi, chay curajcunaj ñaupakencupipis. Chay pachaj tawa chunca tawayoj warankaka cay pachamanta Corderoj wañuyninwan rantiska cancu. Paycunalla chay mosoj taquinataka yachancu.

Apocalipsis 14:3 Referans Kwoze

Apocalipsis 5:9

Chantá paykuna uj mosoj takiyta takispa, nerqanku: Qanllamin chay k'uyusqa p'anqata jap'inaykipaj jina kanki, sellonkunatataj llik'inaykipaj, imaraykuchus qan wañuchisqa karqanki. Jinallataj qanmin cruzpi wañuspa yawar jich'asqaykiwan runakunata ranterqanki Diospata kanankupaj tukuy ayllumanta, tukuy imaymana rimayniyojta, tukuy imaymana rijch'aj runata, chantá tukuy suyumanta ima.

Apocalipsis 14:1

Chantá noqa Sión orqo patapi Corderota sayashajta rikullarqanitaj, paywantaj 144.000 runakuna kasharqanku. Paykunaj mat'inkupi Corderoj sutin, chantá Tatanpa sutin ima qhelqasqa karqa.

Apocalipsis 15:3

Jinapi paykuna Diospa kamachin Moisespa takiyninta, chantá Corderoj takiyninta ima takisharqanku: Tukuyta Kamachej, Tukuy Atiyniyoj Dios, ruwasqaykeqa ancha jatun, t'ukunapajtaj. Tukuy imatachus ruwasqaykeqa cheqanmin, cheqataj. Qanqa tukuy suyuta Kamachejmin kanki.

Apocalipsis 2:17

Pichus nisqayta jap'ikuyta munajqa imatachus Santo Espíritu iglesiakunaman nisqanta uyarichun: Noqaqa pichus atipajman maná nisqa chay pakasqa mikhunata mikhuchisaj. Jinallataj uj yuraj rumisituta qosaj, chay rumisitupitaj mosoj suti qhelqasqa kanqa. Chay sutita mana pipis yachanqachu, manachayqa pichus chay rumita jap'ejlla yachanqa.

Isaías 42:10

Tata Diosman mosoj takiyta takiychej. Kay pachaj aswan karu k'uchunmantapacha payta yupaychaychej. Mama qochapi barcota purichejkuna, chay qochapi kawsajkuna ima payta yupaychaychej. Jinallataj mama qocha chawpipi kaj churukunapis, chaypi tiyakojkuna ima yupaychallaychejtaj.

Salmos 149:1

Tata Dios jatunchasqa kachun. Mosoj takiyta Tata Diosman takiychej. Diosta qhatejkuna, tantakuspa, payta jatunchaychej.

Salmos 98:1

(1b) Tata Diosman uj mosoj takiyta takiychej, manchayta t'ukunata pay ruwasqanrayku. Payqa sinch'i kallpanwan, sinch'i atiyninwan ima tukuy awqankunata atipan.

Salmos 40:3

3 (4) Chantá mosoj takiyta yachachiwarqa, Diosninchejta yupaychana takiyta. Chayta rikuspa, ashkha runakuna Diosta manchay jatun respetowan qhawarqanku, Tata Diospitaj tukuy sonqo atinikorqanku.

Salmos 144:9

Diosníy, mosoj takiyta takipusqayki, arpawan qanpaj takipusqayki.

Salmos 96:1

Tata Diosman mosoj takiykunata takiychej, kay pachapi tukuy tiyakojkuna, Tata Diosman takiychej.

Salmos 33:3

Mosoj takiyta Diosman takiychej, Kusisqa sumajta tocarispa takiychej.

1 Corintios 2:14

Diosman mana kutirikoj runarí Diospa Espiritunpa yachachisqanta mana jap'ikuyta atinchu, imaraykuchus paypajqa wampoj thawtisqan jinalla. Chayta mana entiendeyta atinchu, imaraykuchus imatachus niyta munasqanta yachananpajqa Santo Espíritoj yanapasqan kanan tiyan.

Salmos 25:14

Tata Dios kawsakun, pikunachus payta may jatun respetowan qhawanku, chaykunawan, tratontapis paykunaman rejsichenqa.

1 Corintios 1:18

Wakinkuna yuyanku Cristo cruzpi wañusqanmanta willanaqa mana yuyayniyoj runaj thawtisqan kasqanta. Chaykunarí mana qhespichisqachu kanqanku. Chaywanpis noqanchej qhespichisqa kajkunapaj chay willayqa Diospa atiynin.

Apocalipsis 7:4

Chantá noqa mashkhachus chay sellasqakuna kasqankuta uyarerqani: Israelpa tukuy jatun ayllunkunamanta 144.000 sellasqa karqanku: