Apocalipsis 14:13 - DIOSPA QHELQACHISQ

¹³ Chantá janaj pachamanta jatunmanta parlajta uyarillarqanitaj: Kayta qhelqay: Kunanmanta qhepaman Tukuyta Kamachej Jesuswan ujchasqa wañojkunaqa saminchasqa kanqanku, nispa. Arí, Santo Espiritupis nillantaj: Paykuna llakiykunata sinch'ita ñak'arisqankumanta samarikonqanku, imaraykuchus Dios tukuy allinta ruwasqankumanta t'inkankuta qoponqa, nispa.

Qheshwa Biblia DC

¹³ Janaj pachamanta uj wajyamuwajta uyarerqani, nispa: Escribiy: Kusikuyniyojmin kanku kunanmanta qhepaman Señorpi wañojkunaqa. Arí, nin Espiritoqa, sayk'uyninkumanta samakonqanku, imaraykuchus ruwasqasninkoqa paykunawan kashanku.

DIOSPA QHELQACHISQAN DEUTEROCANONICAL

¹³ Chantá janaj pachamanta jatunmanta parlajta uyarillarqanitaj: Kayta qhelqay: Kunanmanta qhepaman Tukuyta Kamachej Jesuswan ujchasqa wañojkunaqa saminchasqa kanqanku, nispa. Arí, Santo Espiritupis nillantaj: Paykuna llakiykunata sinch'ita ñak'arisqankumanta samarikonqanku, imaraykuchus Dios tukuy allinta ruwasqankumanta t'inkankuta qoponqa, nispa.

Quechua South Bolivia: Dios Parlapawanchej

¹³ Janaj pachamanta parlamuwajta uyarerkani: —Kelkay: May cusiskas cancu Señorpi jap'icuspa wañojcunaka cunanmantapacha. Santo Espiritupis nin: Arí, sayc'uchej llanc'anancumanta samacuchuncu. Sumaj ruwaskasnincuri wiñaypaj Diosta jatunchanapaj canka, —nispa.

Apocalipsis 14:13 Referans Kwoze

Apocalipsis 20:6

Kusisqamin, Diospaj t'aqasqataj kanku pikunachus ñawpaj kaj kawsarimuypi kawsarimpojkunaqa. Qhepa kaj wañoyqa manaña paykunata imanayta atinchu. Aswanpis, paykuna Diospata, chantá Cristojtawan ima sacerdotenkuna kanqanku, paywantaj waranqa watata kamachenqanku.

1 Tesalonicenses 5:10

Pay noqanchejrayku wañorqa, noqanchej kawsashaspapis, chayrí wañupuspapis, pay kutimojtin, paywan khuska wiñaypaj kawsananchejpaj.

1 Tesalonicenses 4:16

Chaypacha Tukuyta Kamachej Jesús jatunmanta kamachenqa, arcangeltaj qhaparenqa, jinataj uj ángel Diospa trompetanta waqachenqa. Chantá janaj pachamanta kikin Tukuyta Kamachej Jesús urayk'amonqa. Chaymantataj Cristopi atinikoj wañojkuna ñawpajta kawsarimponqanku.

1 Corintios 15:58

Ajina ari, munasqa wawqe panakuna, mana sayk'uspa sinch'ita sayaychej, Tukuypa Kamachejpa ruwananpi astawan astawan llank'aspa, imaraykuchus yachankichej Tukuyta Kamachej Jesuswan ujchasqa llank'asqaykichejqa mana qhasipajchu kananta.

Apocalipsis 19:9

Chantá ángel nillawarqataj: Kayta qhelqay: Pikunachus Corderoj casaraku rayminman wajyasqa kajkunaqa kusisqa kanqanku, nispa. Nillarqataj: Ajinata Dios nispaqa, mana llullakunchu, nispa.

Apocalipsis 21:5

Chantá kamachina tiyanapi tiyasqa kaj nerqa: Noqa tukuy imata mosojyachini, nispa. Nillarqataj: Kayta qhelqay, imaraykuchus kay simi nisqaqa maychus kajpuni, cheqataj, nispa.

Apocalipsis 6:11

Chantá yuraj p'achata sapa ujninkuman qorqanku. Paykunatataj nerqanku: Pisi tiempotawan suyariychej, imajtinchus Jesusta qhatej masiykichejkunamanta pikunachus wañunanku kashan, chaykuna manaraj qankuna jina wañuchisqachu kanku, nispa.

2 Corintios 5:8

Arí, noqanchej tukuy sonqo Diospi atinikunchej. Chayrayku kay ukhunchejta saqespa, Tukuyta Kamachej Jesucristowan khuska kayta munasunman.

Apocalipsis 16:17

Chaymanta qanchis kaj angelñataj vasonmanta wayraman jich'arqa. Chantá janaj pachapi templopi kamachina tiyanamanta, jatunmanta parlasqan uyarikorqa: Ñapis ñak'ariykuna tukukushanña, nispa.

Isaías 35:10

Ajinata Tata Diospa qhespichisqan kajkuna kutimponqanku, Sionmantaj takirikuspa yaykuponqanku. Jatun kuseyqa pillu jina umankupi kanqa. Chaypacha paykunata jatun kusiy taripanqa, llakiywan, ayqoywantaj paykunapaj tukukaponqa.

Salmos 19:11

11 (12) Chaykunanejta, Tata Dios, qan noqata k'amiwanki. Chantá pichus kamachisqaykita junt'ajtaqa may jinata t'inkachinki.

Salmos 85:13

13 (14) Justiciaqa Tata Diospa ñawpaqenta kacha jina renqa, ñantataj purinanpaj wakichiponqa.

1 Tesalonicenses 4:14

Noqanchejqa Jesús wañusqanta, chantá kawsarimpusqanta creenchej. Ajinallataj creenchej Dios kawsarichinanta, Jesuspi atinikojkunamanta pikunachus wañupunkuña, chaykunata.

1 Corintios 15:18

Jina chayqa, Cristopi atinikusqankumanta qhepaman wañojkunapis chinkasqallataj kashankuman.

Romanos 14:8

Chayrayku kawsaspaqa, Tukuyta Kamachej Jesusta jatunchananchejpaj kawsanchej. Wañuspapis, Tukuyta Kamachej Jesusta jatunchananchejpaj wañunchej. Ajina ari, kawsaspapis, wañuspapis Tukuyta Kamachej Jesuspata kanchej.

San Lucas 16:9

Chayrayku qankunapis kay pachapi kapuyniyoj kasqaykichejwan wajta yanapaspa kawsaqekunata mask'akuychej. Ajinamanta kapuyniykichej tukukojtin, wiñaypaj tiyakunapi kusiywan jap'eqasqa kankichej.

San Mateo 3:17

Jinallapitaj janaj pachamanta Dios nimorqa: Qanmin munasqa Churiy kanki, qanwantaj sonqo junt'asqa kani, nispa.

Apocalipsis 11:19

Jinallapi janaj pachapi kashaj Diospa templon kicharikorqa, chaypitaj Diospa trato ruwasqan arca rikukorqa. Chaypachallataj lliuj lliujkuna, jatunmanta parlaykuna, qhon qhonkuna, jallp'a ikhakuy, chantá manchay chijchi para ima karqa.

Apocalipsis 11:15

Maypachachus qanchis kaj ángel trompetanta waqacherqa chaypacha, janaj pachapi jatunmanta parlasqanku uyarikorqa: Diosninchej, chantá kachamusqan Cristo ima kay pachapi kamachishankuña. Paykunataj wiñay wiñaypaj kamachenqanku, nispa.

Apocalipsis 10:4

Chay qanchis qhon qhonkuna parlamojtinkama, noqa nisqankuta qhelqanaypajña wakichikusharqani. Jinallapi janaj pachamanta nimuwajta uyarerqani: Imatachus chay qanchis qhon qhonkuna nimunku, chayta ama qhelqaychu, manachayqa pakaspa waqaychay, nispa.

Apocalipsis 2:1

Chantá pay niwarqa: Éfeso llajtapi iglesiaj angelninman kay nisqayta qhelqay: Pichus paña makinpi qanchis ch'askakunata jap'ej, chantá qanchis qorimanta lamparakunaj chawpinpi purej kay jinata nisunki:

Filipenses 2:17

Diospi atinikuspa ruwasqaykichejqa Diosman jaywanatapis jaywashawajchej jina. Noqatachus wañuchiwanqanku chayqa, kawsayneyqa chay jaywasqaykichej patapi ch'ajchunapaj vino jina kanqa. Ajina kanman chayqa, noqa may jinata kusikusaj, munanitaj qankunapis noqawan khuska chaymanta kusikunaykichejta.

San Lucas 16:25

Abrahamtajrí kuticherqa: Yuyarikuy wawáy, qan kawsashaspa tukuy imayoj karqanki. Lazarorí mana walejpichu karqa. Kunanqa pay sonqochasqa kashan, qantaj ñak'arishanki.

Apocalipsis 1:11

Chantá kay jinata niwarqa: Imatachus rikusqaykita uj p'anqaman qhelqaykuy, chaytataj Asiapi kaj kay qanchis llajtakunapi iglesiaman apachiy: Efesoman, Esmirnaman, Pergamoman, Tiatiraman, Sardisman, Filadelfiaman, Laodiceaman ima, nispa.

Daniel (hebreo) 12:13

Qantaj, Daniel, wañunayki p'unchaykama allinta kawsakuy. Qhepanejmantaj t'inkaykita jap'ikapunaykipaj kawsarimunki, nispa.

1 Corintios 15:20

Chaywanpis Cristo wañusqamanta kawsarimpusqanqa jinapuni. Pay wañojkunamanta ñawpajta kawsarimoj kaspa, yachayta qon qhepanejman wajkunapis kawsarimunallankutataj.

1 Timoteo 5:24

Wakinkunaj juchankoqa sut'i yachakun, manaraj juzgasqa kashajtinku. Wakinkunajtarí qhepamanraj yachakun juzgasqa kasqankumantaña.

1 Timoteo 5:25

Ajinallatataj wakinkunajta allin ruwasqankupis sut'i yachakun. Allin ruwasqanku pakasqa jinalla kanman chaypis, mana wiñaypaj pakasqallapuni kayta atinchu.

Apocalipsis 2:7

Pichus nisqayta jap'ikuyta munajqa imatachus Santo Espíritu iglesiakunaman nisqanta uyarichun. Chantá noqa pichus atipajman kawsay sach'amanta mikhuchisaj, mayqenchus Diospa janaj pacha huertanpi kashan, chaymanta.

Apocalipsis 22:17

Santo Espirituwan, casarakoj sipaswan ima ninku: Jamuy, nispa. Chayta uyarejpis nillachuntaj: Jamuy, nispa. Ch'akichikojqa jamuchun, ujyayta munajtaj kawsayta qoj yakumanta qhasilla ujyachun, nispa.