Apocalipsis 14:1 - DIOSPA QHELQACHISQ

¹ Chantá noqa Sión orqo patapi Corderota sayashajta rikullarqanitaj, paywantaj 144.000 runakuna kasharqanku. Paykunaj mat'inkupi Corderoj sutin, chantá Tatanpa sutin ima qhelqasqa karqa.

Qheshwa Biblia DC

¹ Chantá rikorqanitaj Corderota Sión orqo patapi sayashajta, paywantaj kashajta pachaj tawa chunka tawayoj waranqa runasta. Paykunaj frentesninkupitaj paypa sutin, Tatampa sutin ima escribisqa karqa.

DIOSPA QHELQACHISQAN DEUTEROCANONICAL

¹ Chantá noqa Sión orqo patapi Corderota sayashajta rikullarqanitaj, paywantaj 144.000 runakuna kasharqanku. Paykunaj mat'inkupi Corderoj sutin, chantá Tatanpa sutin ima qhelqasqa karqa.

Quechua South Bolivia: Dios Parlapawanchej

¹ Cunanka sumaj cajta ricorkani, Sion orkopi Corderota sayashajta. Paywantaj pachaj tawa chunca tawayoj waranka casharkancu. Chay niyta munan tucuy paypa marcaska runasnin. Paycunaka Corderoj sutinwan Tatanpa sutinwanpis frentencupi marcaskas cancu.

Apocalipsis 14:1 Referans Kwoze

Joel 2:32

32 (3.5) Chaywanpis pikunachus noqa Tata Diospa sutiyta oqharispa Diosninkupaj rejsikapuwajkunaqa wañunamanta qhespichisqa kanqanku. Noqa Tata Dios nisqayman jina Sión orqopi, Jerusalenpi ima paykunata qhespichisaj. Pikunatachá noqa ajllasaj, chaykunamin kawsanqanku.

Apocalipsis 3:12

Jinataj tukuy atipajkunataqa Diosniypa Templonpi sayanta jina kanankuta ruwasaj, manataj jayk'ajpis chaymanta kuyurichisqachu kanqanku. Jinallataj noqaqa Diosniypa sutinta paykunapi qhelqasaj, Diosniypa llajtanpa sutintawan ima. Chayqa mosoj Jerusalén, mayqenchus janaj pachamanta, chantá Diosniymanta ima urayk'amonqa, chay. Mosoj sutiytapis paypi qhelqallasajtaj.

San Lucas 12:8

Jesús nillarqataj: Noqaqa niykichej: Sichus pipis runaj ñawpaqenpi yachachisqay kasqanta rimarenqa chayqa, noqa Runaj Churinpis Diospa angelninkunaj ñawpaqenpi nillasajtaj: Payqa noqajtamin, nispa.

Miqueas 4:7

Chaykunawan, qhepakojkunawantaj kallpayoj suyuta ruwasaj. Chantá noqa Tata Diosmin Sión orqopi Israel suyuyta wiñaypaj kamachisaj.

Romanos 9:33

Diospa Qhelqachisqanpi nin: Noqaqa Sionpi uj rumita churani, chaypi misk'aspa urmanankupaj. Chaywanpis tukuy pichus paypi atinikojqa mana ch'awkiyasqachu kanqa, nispa.

Salmos 2:6

Noqaqa ajllakusqay kuraj kamachejta Sión orqopi kamachinanpaj tiyaykuchiniña noqapaj ajllakusqay Sión orqopi, nispa.

Apocalipsis 14:14

Chantá qhawashajtillay, uj yuraj phuyu rikhurerqa, chay phuyu patapitaj Runaj Churinman rijch'akoj tiyasqa kasharqa. Payqa umanpi qori pilluyoj karqa, makinpitaj sumaj filochasqa hozeta jap'isharqa.

Apocalipsis 15:5

Chaymantataj noqaqa janaj pachapi templota kicharisqata rikorqani, Dioswan Tinkukuna Toldota.

Isaías 49:14

Jinapis Sión llajta nin: Tata Diosqa saqerpariwan, qonqarpariwantaj, nispa.

Apocalipsis 6:8

Chantá uj q'ellu caballota rikorqani. Chay caballopi lloq'asqa kajpata sutin Wañuy karqa, paypa qhepantataj Ukhu Pacha nisqa risharqa. Paykunamantaj atiyta qorqanku, kay pachamanta khuskanpa khuskannin runakunata wañuchinankupaj espadawan, yarqhaywan, onqoykunawan, chantá k'ita animalkunawan ima.

Apocalipsis 4:1

Chaykuna qhepanta, noqa janaj pachapi uj punku kichasqata rikorqani. Chantá qallariypi trompeta jina jatunmanta parlamojta uyarerqani, paytaj niwarqa: Kayman qayllamuy, noqataj qhepanejman imakunachus kanan kashan, chaykunata rikuchisqayki, nispa.

Zacarías 4:2

Imatataj rikunki? nispa. Noqataj kuticherqani: Noqa qorimanta uj candelerota rikuni, patanpi aceite churanayojta. Aceite churanaj muyuyninpitaj qanchis lamparakuna tiyan, sapa lamparamantaj uj tubonejta aceite yaykushan.

Amós 8:2

Paytaj tapuwarqa: Amós, imatataj rikunki? nispa. Noqataj kuticherqani: Poqoyniyoj canastata rikushani, nispa. Chantá Tata Dios niwarqa: Israelpa millay ruwasqan anchaña, manañataj ujtawan juchanta pampachasajchu.

Daniel (hebreo) 12:5

Noqa Daniel qhawashaspa, waj iskay runakunata rikorqani, mayoj sapa chimpanpi sayashajta.

Ezequiel 44:4

Chaymanta chay runaqa wichaynej punkuman pusawarqa, chaytaj Temploj chimpanpi karqa. Chaypi Tata Diospa jatun kayninpa lliphipiyninta Temploman junt'aykushajta rikorqani, noqataj pampakama k'umuykorqani.

Ezequiel 10:1

Chay qhepata qhawarispa, noqa rikorqani zafiro sutiyoj k'acha rumimanta ruwasqa kamachina tiyanata. Chay karqa querubinkunaj patankupi janaj jina paykunata qhatasharqa, chay patapi.

Ezequiel 8:7

Chaymanta patioman yaykuna cheqaman apawarqa. Perqapitaj uj jusk'uta rikorqani.

Ezequiel 2:9

Jinapi noqa qhawarerqani, rikorqanitaj uj makita qhelqa jap'irisqata. Chay makitaj noqa ladoman aysarisqa karqa.

Ezequiel 1:4

Chaypacha wichaynejmanta uj jatun muyoj wayra jamushajta rikorqani. Chantá uj jatun phuyumanta nina lawray jina llojserqa, muyuyninpitaj sinch'i k'anchay karqa. Chay nina chawpipitaj uj llosq'ochasqa broncepis kanman jina lliphipisharqa.

Jeremías 1:11

Chantá Tata Dios nillawarqataj: Jeremías, imatataj rikunkiri? nispa. Noqataj kuticherqani: Uj almendro sach'ata rikuni, nispa.

Ezequiel 10:9

Jinallataj querubinkuna chaynejpi noqa tawa ruedakunata rikorqani, sapa ruedataj uj querubinwan khuska kasharqa. Chay ruedakunaqa topacio sutiyoj rumi jina lliphipisharqanku.

Ezequiel 9:4

Paymantaj nerqa: Jerusalén llajtaj ukhunta purispa, mask'ay, pikunachus tukuy ima millay ruwakusqanmanta llakikuspa waqashanku, chay runakunata. Tarispataj, uj señalta sapa ujpa mat'inkuman churaykuy, nispa.

Apocalipsis 14:3

Chay runakuna Diospa kamachinan tiyanaj ñawpaqenpi, jinataj tawa kawsajkunaj, chantá kuraj runakunaj ñawpaqenkupi ima uj mosoj takiyta takisharqanku. Chay takiyta mana pipis yachaqakuyta aterqachu, manachayqa chay 144.000 runakunalla, pikunatachus kay pachapi kajkuna ukhumanta Cordero ashkha preciota pagaspa kacharichisqa, chaykunalla.

Apocalipsis 22:4

Paykuna Diospa uyanta rikonqanku, sutintaj mat'inkupi qhelqasqa kanqa.