Apocalipsis 10:3 - DIOSPA QHELQACHISQ

³ Chaypachataj chay angelqa leonpis qhaparishanman jina sinch'ita qhaparerqa. Qhaparejtintaj, qanchis qhon qhonkuna kutichimorqanku.

Qheshwa Biblia DC

³ Sinch'itataj qhaparerqa, leompis waqashanman jina. Qhaparejtintaj qanchis qhon qhonkuna sonasqankuta uyaricherqanku.

DIOSPA QHELQACHISQAN DEUTEROCANONICAL

³ Chaypachataj chay angelqa leonpis qhaparishanman jina sinch'ita qhaparerqa. Qhaparejtintaj, qanchis qhon qhonkuna kutichimorqanku.

Quechua South Bolivia: Dios Parlapawanchej

³ Jatunta khaparerka uj sinch'i kaparej leonjina. Khaparejtintaj chay kanchis sonaj truenocunapis parlallarkancutaj.

Apocalipsis 10:3 Referans Kwoze

Isaías 31:4

Tata Dios kay jinata niwarqa: Uj león uñanwan ima ovejata wañuchispa, mayta phiñarikun. Michejkuna mancharichinankupaj tantakuspa mayta qhaparejtinkupis, león mana manchachikunchu. Ajinallatataj Tukuy Atiyniyoj Tata Diosqa Sión orqoman israelitakunaj awqankoj contranta maqanakoj urayk'amonqa.

Apocalipsis 4:5

Jatun kaj kamachina tiyanamanta lliuj lliujkuna llijusharqa, qhon qhonkunapis t'ojyasharqa. Jinataj qanchis nina jachonkuna kamachina tiyanaj ñawpaqenpi lawrasharqanku. Chayqa Diospa qanchis jinamanta rejsichikoj Santo Espíritun karqa.

Amós 1:2

Amós nerqa: Jerusalenpi Tata Dios sinch'ita Sión orqomanta parlajtin, pampapi q'omer pasto ch'akiponqa, jinallataj Carmelo orqopis ch'akiponqa.

Joel 3:16

16 (4.16) Tata Diosqa Sión orqomanta, Jerusalenmantapacha qhaparispa, parlasqanta uyarichin. Chaypacha janajpis, kay pachapis kharkatitenqanku. Chaywanpis Tata Diosqa israelitakunapaj waqaychajnin, jark'akojnintaj kanqa, paykuna ayllun kasqankurayku.

Apocalipsis 15:1

Chaymanta noqa janajpi ujtawan runaj mana jayk'aj rikusqan t'ukunata rikullarqanitaj. Qanchis angelkuna qanchis qhepa kaj wañuchej onqoykunata jap'isharqanku, imaraykuchus chay onqoykunawan Diospa phiñakuynin thasnusqa kanan karqa.

Apocalipsis 14:2

Chantá janaj pachamanta jatunmanta parlamojta uyarerqani ashkha yaku phajchajta jina, qhon qhonpa t'ojyasqanta jinataj. Chay jatunmanta parlajta uyarisqaytaj ashkha arpata waqachejkunaj waqachisqanku jinallataj karqa.

Apocalipsis 8:5

Chaymantataj angelqa incienso q'oshñichinata jap'ispa, altar patapi kaj ninawan junt'aykucherqa. Chaytataj kay pachaman jich'amorqa, chantá tukuynejpi qhon qhonkuna, lliuj lliujkuna, jallp'a ikhakuy ima karqa.

Amós 3:8

León qhaparejtin, pitaj mana kharkatitinmanchu? Tukuyta Kamachej Tata Dios parlajtin, pitaj Tata Diospa sutinpi mana sut'inchanmanchuri?

Jeremías 25:30

Qantaj Jeremías, sutiypi kay tukuyta sut'inchaspa, paykunata niy: Tata Diosqa patamanta sinch'ita qhaparimonqa, janaj pachapi kamachinan tiyana kashan, chaymantapacha. Ayllunpa contranta ima qhaparimonqa, imaynatachus uvata ch'irwajkuna qhaparimunku, ajinata.

Isaías 42:13

Tata Diosqa kallpasapa runa jina rikhurimonqa. Maqanakupi soldado jina phiñakonqa, manchayta qhaparispataj, awqanta atipanqa.

Isaías 5:29

Paykunaqa león jina qhaparinku, imaynatachus malta león aychaman ch'ipaykukuspa qhaparin, ajinata. Chay aychata apashajtinpis, ni pi qhechuyta atinchu.

Proverbios 19:12

Sichus kuraj kamachej phiñakun chayqa, phiñasqa león jina qhaparin, k'acha kayninrí q'achu patapi chhulla jina.

Apocalipsis 15:7

Chantá chay tawa kawsajkunamanta ujnin kaj chay qanchis angelkunaman qorimanta ruwasqa qanchis vasota jaywarqa. Chay vasokunaqa Diospa phiñakuyninwan junt'asqa karqanku, pichus wiñay wiñaypaj kawsan, chaypata.

Salmos 29:3

Tata Diospa parlasqanqa mama qocha patapi uyarikun. Jatun Atiyniyoj Diospa parlasqanqa illapaj t'ojyasqanta jina uyarikun. Tata Dios mama qocha patapi kashan.

Ezequiel 10:5

Querubinkunaj lijrankoj laphaqeyasqantaj jawa patiokama uyarikorqa, Tukuy Atiyniyoj Diospis parlashanman jina.

Oseas 11:10

Aswan qhepaman israelitakuna qhepayta jamonqanku. Noqa Tata Diosqa león jina qhaparisaj, qhaparejtiytaj, aylluymanta kajkuna inti yaykuynejmanta kharkatitispa jamonqanku.