Apocalipsis 10:1 - DIOSPA QHELQACHISQ

¹ Chaymantataj noqa atiyniyoj uj angelta janaj pachamanta urayk'amojta rikorqani, phuyuwan muyurisqata. Uman patapi uj k'uychi karqa, uyantaj inti jina lliphipisharqa, chakintaj nina lawraj jina karqa.

Qheshwa Biblia DC

¹ Waj kallpasapa angeltataj janaj pachamanta uraykamojta rikorqani phuyuwan muyurisqata, k'uychitaj uman patapi karqa, uyantaj inti jina, chakisnintaj nina pilarkuna jina.

DIOSPA QHELQACHISQAN DEUTEROCANONICAL

¹ Chaymantataj noqa atiyniyoj uj angelta janaj pachamanta urayk'amojta rikorqani, phuyuwan muyurisqata. Uman patapi uj k'uychi karqa, uyantaj inti jina lliphipisharqa, chakintaj nina lawraj jina karqa.

Quechua South Bolivia: Dios Parlapawanchej

¹ Ricorkanitaj waj jatun callpasapa angelta janaj pachamanta uraycamushajta. Phuyuswan khataycuska, umanpitaj c'uychiyoj, uyantaj intijina c'anchayniyoj, chaquisnintaj ninajina laurashaj carka.

Apocalipsis 10:1 Referans Kwoze

San Mateo 17:2

Chaypitaj paykuna qhawashajtinku, Jesús waj jinaman tukorqa. Uyanqa inti jina k'ancharerqa, p'achantaj may yurajta lliphipirerqa.

Ezequiel 1:28

Imaynatachus k'uychi phuyu chawpipi p'unchay paramojtin rikhurin, ajina lliphipirishaj muyuyninpi karqa. Tata Diospa jatun kayninpa lliphipiyninta mosqoypi jina rikusqayqa chay jina karqa. Chay jinata rikuspataj, pampakama k'umuykorqani, chaypitaj uj parlamojta uyarerqani.

Apocalipsis 5:2

Rikullarqanitaj atiyniyoj uj angelta, paytaj jatunmanta parlaspa, taporqa: Pitaj sellokunata llik'ispa kay p'anqata kicharinanpaj jina kanmanri? nispa.

Daniel (hebreo) 10:6

Ukhonqa topacio rumi jina lliphipirerqa, uyantaj lliuj lliuj jina k'ancharerqa. Ñawenqa nina lawray jina karqa. Makinpis, chakinpis bronce jina lliphipisharqanku. Parlasqantaj ashkha runaj parlasqankuman rijch'akorqa.

Apocalipsis 4:3

Pichus kamachina tiyanapi tiyajqa jaspe sutiyoj rumi jina, chantá cornalina sutiyoj rumi jina lliphipisharqa. Jinallataj kamachina tiyanaj muyuyninpi k'uychi karqa, chaytaj esmeralda sutiyoj rumi jina lliphipisharqa.

Apocalipsis 8:13

Chaymantataj noqa janajpi phawashajta uj ankata rikorqani. Chay ankataj sinch'ita qhaparispa, nerqa: Kay pachapi tiyakojkunapaj llakiy, llakiy, ay may jina jatun llakiy kanqa, imaraykuchus kinsa angelkunaraj trompetankuta waqachinanku kashan, nispa.

Salmos 104:3

Yaku patapi tiyakunaykita wasichanki. Phuyukunaqa lliphipirishaj carretayki jina kanku, wayraj lijranpitaj purinki.

Salmos 97:2

Sinch'i yanayarishaj phuyu paypa muyuyninpi kashan, paytaj cheqa kajwan, justiciawan ima kamachin.

Apocalipsis 1:7

Qhawaychej: Cristo phuyupi jamushan. Tukuy runakuna payta rikonqanku, jinallataj payta t'ojsejkunapis. Kay pachapi kaj chhika runakuna payta manchachikuspa, manchayta waqanqanku. Arí, ajina kachun.

Hechos 26:13

Kuraj kamachejníy, chawpi p'unchaynejta ñanta rishajtiy, janajmanta ujllata sinch'i k'anchay noqata muyuykuwarqa, noqawan khuska rejkunata ima. Chay k'anchayqa intimantapis aswan sinch'itapuni k'ancharerqa.

San Lucas 21:27

Chantá runakuna chaypacha rikonqanku Runaj Churinta phuyupi jamushajta, manchay atiywan, jatun kayninpa lliphipiyninwan ima.

Daniel (hebreo) 7:13

Chay tutapi mosqoypi jina rikusqayta qhawashaspallapuni, runaj churinman rijch'akojta phuyu chawpipi jamushajta rikorqani. Payqa, maypichus Wiñaymantapacha Kaj kasharqa, chayman risqa, paytataj Wiñaymantapacha Kajman qayllachisqanku.

Lamentaciones 3:44

Qanqa phuyuwan pakaykukunki, mañakususqaykuta mana uyarinawaykupaj.

Isaías 54:9

Kunan Noejpa p'unchayninpi jina ruwallasajtaj. Chaypacha tiluspa nerqani manaña jayk'ajpis yaku tukuynin kay pachata p'ampananta. Ajinata kunanqa tiluspa nini manaña jayk'ajpis ujtawan qanpaj phiñakunayta, manañataj jasut'isqaykichu.

Isaías 19:1

Isaías Egipto suyoj contranpi sut'inchaspa, kay jinata nerqa: Qhawariychej, Tata Diosqa Egiptoman phuyu patapi usqhayta jamushan. Chantá Egiptopi kaj lantikuna payta rikuytawan, kharkatitenqanku, Egiptomanta runakunataj maytapuni mancharikonqanku.

TAKIYKUNA 5:15

Chakinkunapis qorimanta chukupi sayachisqa mármol rumi jina. Rijch'aynenqa Libanomanta pino sach'a jina.

Levítico 16:2

Chantá Tata Dios Moisesta nerqa: Wawqeyki Aaronta niy ama mayk'ajllapis veloj wasanpi kashan, chay Diosllapaj T'aqasqa nisqa cheqaman yaykunanta. Nillataj Diospa arcanpata kirpananpa ñawpaqenman chimpananchu tiyan. Sichus yaykunman chayqa, wañonqa imaraykuchus arcaj kirpananpi noqa, phuyupi rikuchikusaj.

Éxodo 16:10

Aarón israelitakunawan parlashajtin, chaypacha tukuyninku ch'innejta qhawarerqanku. Chantá Tata Diospa jatun kayninpa lliphipiynin phuyupi rikhurisqanta rikorqanku.

Apocalipsis 18:1

Chay qhepata noqa waj angelta rikorqani janaj pachamanta urayk'amushajta. Payqa manchay atiyniyoj karqa, kay pachataj paypa k'anchasqanwan lliphiperqa.

Apocalipsis 18:21

Chantá uj kallpasapa ángel uj jatun molino rumita jina oqharispa, mama qochaman wijch'uykorqa, nerqataj: Ajinallatataj jatun Babilonia llajtaqa sinch'i kallpawan wijch'usqa kanqa, manataj jayk'ajpis ujtawan pipis rikonqañachu.

Apocalipsis 20:1

Chantá noqa janaj pachamanta uj angelta urayk'amushajta rikorqani. Chay angeltaj makinpi ukhu pachaj llaventa jap'isharqa, jinallataj uj jatun cadenatawan.