Apocalipsis 1:11 - DIOSPA QHELQACHISQ

¹¹ Chantá kay jinata niwarqa: Imatachus rikusqaykita uj p'anqaman qhelqaykuy, chaytataj Asiapi kaj kay qanchis llajtakunapi iglesiaman apachiy: Efesoman, Esmirnaman, Pergamoman, Tiatiraman, Sardisman, Filadelfiaman, Laodiceaman ima, nispa.

Qheshwa Biblia DC

¹¹ Nerqataj: Imatachus rikusqaykita uj libropi Escribiy, Asiapi kaj chay qanchis iglesiasmantaj apachiy: Efesoman, Esmirnaman, Pergamoman, Tiatiraman, Sardisman, Filadelfiaman, Laodiceaman ima.

DIOSPA QHELQACHISQAN DEUTEROCANONICAL

¹¹ Chantá kay jinata niwarqa: Imatachus rikusqaykita uj p'anqaman qhelqaykuy, chaytataj Asiapi kaj kay qanchis llajtakunapi iglesiaman apachiy: Efesoman, Esmirnaman, Pergamoman, Tiatiraman, Sardisman, Filadelfiaman, Laodiceaman ima, nispa.

Quechua South Bolivia: Dios Parlapawanchej

¹¹ Niwarka: —Uj libropi kelkay imatachá ricunqui, chayta. Chaytataj Asia jallp'api caj Diospa ajllacuskasnin kanchis iglesiasman apachiy. Paycunaka kanchis llajtaspi: Efeso, Esmirna, Pérgamo, Tiatira, Sardis, Filadelfia, Laodicea llajtaspi cancu, —nispa.

Apocalipsis 1:11 Referans Kwoze

Apocalipsis 3:1

Chantá Jesucristo niwarqa: Sardis llajtapi iglesiaj angelninman kay nisqayta qhelqay: Pichus Diospa qanchis jinamanta rejsichikoj Santo Espiritunta, chantá qanchis ch'askakunata ima jap'in, chay nisunki: Noqaqa tukuy ima ruwasqaykita rikuni, yachallanitaj tukuy kasuwaspa purisqaykita yuyasqankuta. Chaywanpis chayqa mana jinachu. Qanqa mana kasuwaspachu purinki.

Apocalipsis 1:4

Noqa Juan kayta Asiapi kaj qanchis iglesiakunaman qhelqamuykichej: Wiñaypaj kawsaj Dios wiñaymantapacha karqapuni, paytaj uj p'unchay ujtawan jamunan kashan. Pay, jinataj Tukuyta Kamachej Jesucristo, chantá kamachinan tiyanaj ñawpaqenpi qanchis jinamanta rejsichikoj Santo Espíritu ima qankunaman qhasilla k'acha yanapayninta, sonqo tiyaykuytataj qochun.

Habacuc 2:2

Tata Diostaj kutichiwarqa: K'anallapi qhelqay, imatachus rikuchisqayki, chayta, jinamanta waj runakuna chayta sumajta ñawirinankupaj.

Jeremías 30:2

Noqa Israelpa Tata Diosnin kayta nini: Kay tukuy nisusqayta uj p'anqaman qhelqay:

Apocalipsis 3:14

Laodicea llajtapi iglesiaj angelninman kay nisqayta qhelqay: Ajina kachun nej, cheqanta willaj, mana llullakoj testigo, pinejtachus Dios tukuy imata qallariypi ruwarqa, chay nisunki:

Apocalipsis 3:7

Filadelfia llajtapi iglesiaj angelninman kay nisqayta qhelqay: Kay jinata nin May Llimphu Kaj, Cheqa Kaj, pichus kuraj kamachej Davidpa llaventa jap'in, chay. Pay punkuta kicharejtin, mana pipis wisq'ayta atinchu, punkuta wisq'ajtintaj, mana pipis kichariyta atinchu.

Apocalipsis 2:18

Tiatira llajtapi iglesiaj angelninman kay nisqayta qhelqay: Diospa Churin, pejpatachus ñawin nina lawray jina kanku, chakinpis llosq'ochasqa bronceman rijch'akun, chay kay jinata nisunki:

Apocalipsis 2:12

Pérgamo llajtapi iglesiaj angelninman kay nisqayta qhelqay: Pichus puraj ladon filochasqa espadata jap'ejqa kay jinata nisunki:

Apocalipsis 2:8

Esmirna llajtapi iglesiaj angelninman kay nisqayta qhelqay: Ñawpaj Kaj, Qhepa Kajtaj, pichus wañusqa karqa, kawsarintaj, chaymin kay jinata nisunki:

Efesios 1:1

Noqa Pabloqa Diospa munayninrayku Jesucristoj kuraj kachan kani. Kay cartata Éfeso llajtapi Diospaj t'aqasqa kajkunaman apachimuni, pikunachus mana sayk'uspa Cristo Jesusta qhatinku, chaykunaman.

Isaías 30:8

Kunanqa jamuy, mosqoypi jina rikusqaykita uj p'anqaman qhelqaykuy, qhepanejman wiñaypaj testigo jina kananpaj.

Apocalipsis 21:5

Chantá kamachina tiyanapi tiyasqa kaj nerqa: Noqa tukuy imata mosojyachini, nispa. Nillarqataj: Kayta qhelqay, imaraykuchus kay simi nisqaqa maychus kajpuni, cheqataj, nispa.

Apocalipsis 19:9

Chantá ángel nillawarqataj: Kayta qhelqay: Pikunachus Corderoj casaraku rayminman wajyasqa kajkunaqa kusisqa kanqanku, nispa. Nillarqataj: Ajinata Dios nispaqa, mana llullakunchu, nispa.

Apocalipsis 14:13

Chantá janaj pachamanta jatunmanta parlajta uyarillarqanitaj: Kayta qhelqay: Kunanmanta qhepaman Tukuyta Kamachej Jesuswan ujchasqa wañojkunaqa saminchasqa kanqanku, nispa. Arí, Santo Espiritupis nillantaj: Paykuna llakiykunata sinch'ita ñak'arisqankumanta samarikonqanku, imaraykuchus Dios tukuy allinta ruwasqankumanta t'inkankuta qoponqa, nispa.

Apocalipsis 10:4

Chay qanchis qhon qhonkuna parlamojtinkama, noqa nisqankuta qhelqanaypajña wakichikusharqani. Jinallapi janaj pachamanta nimuwajta uyarerqani: Imatachus chay qanchis qhon qhonkuna nimunku, chayta ama qhelqaychu, manachayqa pakaspa waqaychay, nispa.

Apocalipsis 1:19

Ajinaqa qan imatachus rikusqaykita qhelqay ari, kunan imachus kashan, chantá qhepanejman imachus kanan kashan, chaykunatawan.

Apocalipsis 1:8

Noqa kani Tukuy Imaj Qallariynin, Tukukuynintaj, pichus kunan kaj, karqataj, wiñaypaj kallanqapunitaj, chay, nispa nin Tukuy Atiyniyoj Dios.

1 Timoteo 1:3

Éfeso llajtapi mana cheqanta yachachejkuna kashanku. Noqataj Macedoniaman rishaspa, chaypi qheparikunaykita nerqayki, chay yachachejkunata kamachinaykipaj amaña waj jinata yachachinankuta.

Deuteronomio 31:19

Kunanqa kay takiyta qhelqaspa, takirikunankupaj israelitakunaman yachachiy. Kay takeyqa paykuna yuyarikunankupaj kanqa.

Apocalipsis 1:17

Maypachachus payta rikorqani chaypacha, noqa wañusqa jina ñawpaqenpi wijch'ukorqani. Paytajrí paña makinta patayman churaspa, niwarqa: Ama mancharikuychu. Noqa kani ñawpaj kaj, qhepa kajtaj,

Apocalipsis 1:2

Chantá Juan chay tukuy imata rikusqanmanta testigo jina willarqa Diospa nisqanmanta, chantá Jesucristoj willasqanmanta ima.

1 Corintios 16:8

Chaykamataj Pentecostés raymi p'unchaykama Éfeso llajtapi qhepakusaj.

1 Corintios 15:32

Éfeso llajtapipis runakunawan maqanakullarqanitaj, paykunataj manchay phiña monte animal jina karqanku. Jina kajtenqa, paykunawan maqanakuspa, ima allintataj tarerqaniri? Cheqatapunichus wañusqakuna mana kawsarimonqankuchu chayqa, wajkuna ninku jina noqanchejpis nillasunmantaj: Mikhuna, ujyana, imaraykuchus q'aya wañupusunchej, nispa.

Hechos 20:17

Miletopi kashaspa, Pabloqa Éfeso iglesiamanta kurajkunata wajyacherqa.

Hechos 18:24

Chaypacha Alejandriamanta Apolos sutiyoj uj judío Efesoman chayamorqa. Pay sumajta parlaj, Diospa Qhelqachisqantapis allinta yachaj.

Hechos 16:14

Ujnin kaj warmi Lidia sutiyoj karqa Tiatira llajtamanta, paytaj may sumaj puka kulli telata qhatoj. Diosta yupaychajllataj karqa. Jinapi Tukuyta Kamachej Jesusqa Lidiaj sonqonman parlapayarqa, paytaj Pabloj nisqanta tukuy sonqo jap'ikorqa.

Colosenses 2:1

Noqa yachanaykichejta munani qankunarayku may jinatachus kallpakuspa llank'ashasqayta, jinallatataj Laodiceapi kajkunarayku, chantá noqata manaraj rejsiwajkunaraykupis.

Apocalipsis 1:20

Kunantaj noqa sut'inchasqayki, paña makiypi rikusqayki chay qanchis ch'askakuna, chantá chay qanchis lamparakuna ima imatachus niyta munasqanta: Qanchis ch'askakunaqa qanchis iglesiakunaj angelninkuna kanku, chay rikusqayki qanchis lamparakunataj qanchis iglesiakuna kanku, nispa.

Apocalipsis 2:1

Chantá pay niwarqa: Éfeso llajtapi iglesiaj angelninman kay nisqayta qhelqay: Pichus paña makinpi qanchis ch'askakunata jap'ej, chantá qanchis qorimanta lamparakunaj chawpinpi purej kay jinata nisunki:

Apocalipsis 2:24

Chaywanpis Tiatira llajtapi iglesiamanta wakinman kayta niykichej: Qankunaqa Jezabelpa yachachisqanta mana jap'ikorqankichejchu. Manallataj jap'ikunkichejchu ukhu yachachiykuna nisqata, mayqenchus Kuraj Supaypa yachachisqan kashan, chayta. Chayrayku manaña waj imakunatawan ruwanaykichejta mañasqaykichejchu.

Apocalipsis 3:4

Chaywanpis Sardis iglesiapi pisilla juchallispa mana ch'ichichakojkuna kanku. Paykuna yuraj p'achawan p'achallisqa noqawan purenqanku, chaypaj jina kasqankurayku.

Apocalipsis 22:10

Nillawarqataj: Ama kay p'anqapi sut'inchana willayta pakaychu, imaraykuchus junt'akunan p'unchay qayllaña kashan.

Apocalipsis 22:16

Noqa Jesusqa chaykunata iglesiakunaman willananpaj angelniyta kachamorqani. Noqa Davidpa mirayninmanta kaj kani, sut'iyamuyta lliphipej ch'askataj.