2 Samuel 5:2 - DIOSPA QHELQACHISQ

² Cheqamanta Saúl kuraj kamachejniyku kashajtinpis, qanpuni israelitakunataqa maqanakupi kamachej jina pusaykacharqanki. Chay jawaqa Tata Dios nisorqa: Qanpuni tukuy Israel aylluyta michinki, kamachinkitaj, nispa.

Qheshwa Biblia DC

² Cheqamanta, Saúl reyniyku kashajtimpis, qampuni Israeltaqa tukuy maqanakusnimpi pusaykacharqanki. Chay jawaqa, Señor qanman nisorqa pusaykachanaykita kamachinaykitataj tukuy Israel ayllutaqa, nispa.

DIOSPA QHELQACHISQAN DEUTEROCANONICAL

² Cheqamanta Saúl kuraj kamachejniyku kashajtinpis, qanpuni israelitakunataqa maqanakupi kamachej jina pusaykacharqanki. Chay jawaqa Tata Dios nisorqa: Qanpuni tukuy Israel aylluyta michinki, kamachinkitaj, nispa.

2 Samuel 5:2 Referans Kwoze

San Mateo 2:6

Qanrí Belén, Judá jap'iypi kaj, Judapi kaj llajtakuna ukhupi aswan uyarisqa kanki, imaraykuchus qanmanta uj kamachej llojsenqa, paytaj Israel aylluyta michenqa, nispa.

Miqueas 5:4

4 (3) Chay kamachejtaj Israel ayllunta michinanpaj jatarenqa Tata Diospa atiyninwan, jatun kayninwantaj. Jinapi paykuna allinpi kawsanqanku, imaraykuchus Tata Dios jatunchasqapuni kanqa kay pachaj k'uchunkunakama.

Ezequiel 34:23

Noqaqa kamachiy Davidta kutirichimusaj, paytataj ovejaykunata michinanpaj churasaj. Pay ovejaykunata sumaj pastopi mikhuchipuwanqa, sumajtataj paykunata michenqa.

San Juan 10:11

Noqa sumaj michej jina kani. Sumaj michejqa ovejankunarayku wañunatapis mana manchachikunchu.

2 Samuel 7:7

Israelitakunawan purisqaymantapachaqa, pikunatachus churarqani Israel ayllupi kamachinankupaj, chaykunamanta mana mañarqanichu pinomanta templota ruwapunawankutaqa, nispa.

Isaías 40:11

Ayllunta qhawanqa, imaynatachus uj michej ovejankunata michin, ajinata. Corderokunata makinpi marq'arikonqa, uñachakojtataj alliyllawan pusanqa.

1 Samuel 25:30

Ajinaqa, Tata Dios qanman tukuy nisusqanta junt'anqa chayqa, Israel suyuta kamachinaykipaj churasonqa.

Isaías 55:4

Noqa Davidta tukuy suyupaj testigo kananpaj churarqani, chantá kuraj kamachej jina paykunaman yachachinanpaj.

1 Samuel 18:13

Chayrayku mana paywan khuska kananta munaspa, Davidta 1.000 soldadokunata kamachinanpaj churarqa. Davidtaj soldadonkunawan maqanakuman rejtaj, kutimojtaj.

1 Samuel 16:1

Uj kuti Tata Dios Samuelta nerqa: Mayk'ajkamataj Saulmanta llakikunkiri? Noqaqa Israel suyupi kuraj kamachej kananmanta wijch'upuniña. Ajinaqa aceite apaykachanayki wajraman aceiteta churaspa, Belén llajtapi Yeséj wasinman riy, imaraykuchus ujnin kaj churinta kuraj kamachej kananpaj ajllaniña, nispa.

Hebreos 2:10

Diosqa tukuy imata paypaj ruwarqa, payllataj tukuy imata purichin. Chay Diosmin ashkha wawata jatun kayninpa k'anchayninman pusayta munarqa. Munallarqataj paykunata qhespichejqa ñak'ariynejta sumaj wakichisqa kananta, qhespichej jina imachus ruwananta maychus kajta junt'ananpaj.

1 Samuel 18:16

Chaywanpis israelitakuna, jinataj Judamanta kajkuna Davidta munakorqanku, pay kamachejninku jina maqanakuman llojsishajtinku chayrí kutimpushajtinku pusasqanrayku.

1 Samuel 18:5

Davidqa, Saúl maymanchá kachaj, chayman rej, tukuy imatataj allintapuni ruwaj. Chayrayku Saulqa Davidta soldadonkunata kamachinanpaj churarqa. Davidtaj tukuy runapaj, jinallataj Saulpata soldadonkunata kamachejkunapajpis manchay munasqa karqa.

Números 27:17

Chantá ñawpaqenkuta rispa, paykunata pusanqa, maymanchá rishanku chayman, ama qhatirpayasqa oveja jina mana michejniyoj purinankupaj, nispa.

1 Samuel 25:28

Noqa kamachiyki pantaykusqayta qhespirichiway ari. Tata Diosqa kuraj kamachej jina kanaykita sinch'ita sayachichun, Tata Diospa sutinpi maqanakushasqaykirayku. Mayk'ajkamachus kawsanki, chaykama ama ima sajrapis qhatirisuchunchu.

1 Samuel 13:14

Kunanrí Tata Diospa kamachisusqanta mana kasusqaykirayku, kuraj kamachej jina kanaykeqa mana unaypajchu kanqa. Tata Diosqa paypa munasqanman ruwananpaj mask'anña. Ayllunta kamachinanpaj payta churanqa, nispa.

1 Samuel 9:16

Q'aya kunanta jina Benjamín jatun ayllumanta uj runata kachamusqayki, paytataj aceitewan jawinki, Israel aylluypa kuraj kamachejnin kananpaj. Payqa Israel aylluyta filisteokunaj makinkumanta kacharichenqa, imaraykuchus noqa aylluymanta khuyakuni, ñak'arisqankuta rikuspa, nispa.

2 Reyes 20:5

Kutispa, aylluypa kurajnin Ezequiasta nimuy: Ñawpa tatayki Davidpa Tata Diosnin ajinata nisunki: Mañakuwasqaykita uyarini, imaynatachus waqasqaykitapis rikullanitaj. Onqoyniykimanta thañichisqayki, kaymanta kinsa p'unchaymantaj Tata Diospa Templonman rinki.

Génesis 49:24

Joséj makinrí sinch'i kallpayoj kaspa, arcota sumajta jap'in Jacobpa atiyniyoj Diosninrayku, Israelta michejrayku, waqaychajninraykutaj.

1 Crónicas 11:2

Saúl kamachishajtin, qanpuni israelita soldadokunata maqanakuman pusaj kanki. Chay jawataj Tata Diosniyki nisorqa: Qanmin Israel aylluyta michinki, paykunatataj kuraj kamachej jina kamachinki, nispa.

2 Crónicas 1:10

Kunanqa mañakuyki yachayta, yuyaytawan qonawaykita, kay aylluykita kamachinaypaj. Pitaj atinman kay jatun aylluykita kamachiytari? nispa.

2 Samuel 6:21

Davidtajrí Micalman kuticherqa: Arí, tusorqani, Tata Diosta yupaychaspa tusorqani, imaraykuchus payqa ajllawarqa tataykej cuentanmanta jinataj tukuy aylluykejmanta ima, Israel ayllunta kamachinaypaj. Chayrayku Tata Diospa ñawpaqenpi tusullasajpuni.

2 Samuel 7:8

Chayrayku kamachiy Davidta niy: Ajinata Tukuy Atiyniyoj Tata Dios nisunki: Noqa ovejakunaj qhepanmanta orqhomorqayki, Israel aylluypaj kamachejnin kanaykipaj.