1 Timoteo 1:5 - DIOSPA QHELQACHISQ

⁵ Kayta kamachiyki munaspa Diosta tukuy qhatikojkunapura tukuy sonqowan munakunaykichejpaj, llimphu sonqowan, chantá Diospi tukuy sonqo atinikuspa ima.

Qheshwa Biblia DC

⁵ Kay kamachiypa yachachiynenqa munakuymin; chaytaj llimphu sonqomanta llojsimun, allin concienciamanta, cheqa creeymantataj.

DIOSPA QHELQACHISQAN DEUTEROCANONICAL

⁵ Kayta kamachiyki munaspa Diosta tukuy qhatikojkunapura tukuy sonqowan munakunaykichejpaj, llimphu sonqowan, chantá Diospi tukuy sonqo atinikuspa ima.

Quechua South Bolivia: Dios Parlapawanchej

⁵ Cristorí camachiwanchej munacuypi causananchejta. Cay munacuyka llimphu sonkomanta, c'acha sonko-yuyaymanta, Diospi cheka jap'icuymantawan.

1 Timoteo 1:5 Referans Kwoze

1 Timoteo 1:19

Cristopi atinikusqaykimanta sinch'ita ch'ipakuy, sonqoykitapis llimphuta waqaychay. Wakinkunaqa sonqonkoj nisqanta mana kasusqankurayku, Diosllapi jap'ikunamanta karunchakuspa, chinkarqanku.

Gálatas 5:22

Cristota qhatej runapi Santo Espíritoj ruwasqanrí kaykuna kanku: Munakuyniyoj kay, kusikuyniyoj kay, sonqo tiyaykusqa kay, pacienciayoj kay, khuyakuyniyoj kay, k'acha kay, nisqanta junt'aj kay,

2 Timoteo 2:22

Waynakunata, sipaskunataqa tukuy imaymana millay kajta ruwaspa purinaman sonqonku aysan. Qanrí chay jina purinamanta ayqey. Aswanpis cheqan kajta ruwaspallapuni puriy, jinallataj Diosta mana wasanchaspa kawsay. Chantá munakuyniyoj kaspa, wajkunawan allinpi kawsakuy. Ajinata ruway, pikunachus llimphu sonqomanta Diosta yupaychanku Diosninkupaj rejsikapusqankurayku, chaykunawan khuska.

2 Timoteo 1:5

Yuyarikullanitaj tukuy sonqowan Jesucristopi atinikusqaykimanta. Ñawpajta jatun mamayki Loida, chantá mamayki Eunicewan Jesucristopi atinikorqanku, noqataj allinta yachani qanpis paykuna jinallataj Jesucristopi atinikusqaykita.

2 Timoteo 1:3

Noqa Diosta pachis nini, pitachus ñawpa tataykuna jina llimphu sonqowan kasuni, chayman, imaraykuchus sapa kuti Dioswan parlarikuspaqa, qanmanta yuyarikunipuni.

1 Pedro 3:21

Chay tukoyqa bautismowan ninakun. Bautismoqa mana ukhunchejpa ch'ichinta mayllanchu. Aswanpis noqanchej chaynejta Diospa ñawpaqenpi llimphu sonqo kayta munasqanchejta nishanchej. Kunantaj Diosqa Jesucristoj kawsarimpusqannejta qhespichiwanchej.

1 Pedro 3:16

Chantapis sonqoykichej mana juchachasunaykichejpaj allintapuni puriychej. Ajinamanta pikunachus allinta purisqaykichejrayku qankunapaj mana allinta parlajkuna p'enqachisqa kanqanku, Cristota qhatispa allinta purisqaykichejmanta qhasi manakajta parlasqankurayku.

1 Pedro 1:22

Kunantaj qankuna cheqa kajta kasusqaykichejrayku llimphuchasqaña kankichej, wawqe panaykichejta tukuy sonqowan munakunaykichejpaj. Chayrayku tukuy sonqo astawan astawan munakuychej.

2 Pedro 1:7

Chaymantaj yapaychej Diosta qhatejkunapura allinta kawsakuyta, chaymantaj tukuyta munakuspa kawsayta yapaychej.

Romanos 10:4

Chaywanpis kamachisqakunata imapajchus Dios churarqa, chayta Cristo junt'anña, ajinamanta Cristopi tukuy atinikojkuna Diospa ñawpaqenpi cheqan runapaj qhawasqa kananchejpaj.

Tito 1:15

Llimphu kajkunapajqa tukuy ima llimphullataj. Ch'ichi sonqoyojkunapaj, chantá Cristoman mana kutirikojkunapaj imarí mana imapis llimphuchu, imaraykuchus yuyayninku, sonqonkupis juchaj pierdechisqan kashan.

1 Timoteo 3:9

Jinallataj diaconokunaqa Diospa pakasqa yachayninta sut'inchasqanman k'askasqapuni kananku tiyan, chantá sonqonku mana juchachananpaj jina purinanku tiyan.

2 Corintios 1:12

Noqayku kayta tukuy sonqo niyku: Dios yanapawarqayku ch'uwa sonqowan, chantá llimphu kawsaywan ima tukuywan allinpi kawsakunaykupaj, astawanqa qankunawan. Ajinata kanaykupaj noqayku Diospa qhasilla k'acha yanapayninpi atinikorqayku, manataj yachallasqaykupichu.

Salmos 51:10

10 (12) Diosníy, llimphu sonqota ruwaway. Cheqan sonqoyoj kanaypaj tukuy kayniyta mosojyachiway.

1 Pedro 4:8

Tukuy imamanta astawanqa qankunapura tukuy sonqo munakuychej, imaraykuchus munakoyqa may chhika juchata qonqayman churan.

Santiago 4:8

Diosman qayllaykuychej, paypis qankunaman qayllamusonqachej. Juchasapakuna, makiykichejta mayllakuychej. Qankuna iskay sonqoyojkuna, sut'ita ninaykichej tiyan, Diostachus qhatikunaykichejta, chayrí juchallispachus purinaykichejta.

Hechos 23:1

Chantá Pablo Jatun Juntamanta kajkunata allinta qhawaspa, nerqa: Wawqekuna, kunankama Diospa ñawpaqenpi llimphu sonqoyoj kawsakuni, nispa.

Salmos 24:4

Kay jina runalla Tata Diospa Templonpi kayta atin: Llimphu kawsayniyoj kaj, llimphu sonqoyoj kaj, pichus lantikunata mana yupaychaj, nitaj llullakuspa tiloj ima.

1 Juan 3:3

Pichus Jesucristopi atinikuspa jinapuni kananta suyakojqa pay kikin llimphuchakun, imaynachus Jesucristopis llimphupuni, ajina.

Hebreos 10:22

Chayrayku ch'uwa sonqowan Tata Diosman qayllaykunachej, tukuy sonqo Cristopi atinikuspa, imaraykuchus pay wañusqanwan sonqonchejta tukuy juchamanta llimphuwarqanchej, llimphu yakuwanpis ukhunchejta mayllanman jina.

1 Corintios 13:1

Sichus noqa kay pachapi kaj chhika parlaykunata parlayta atiyman, angelkunaj parlayninkutapis parlallaymantaj, wajkunatataj mana munakuymanchu chayqa, lataj talán nisqan jinalla kayman, chayrí chhulloj chhulloj waqasqan jinalla.

Romanos 14:15

Sichus mikhusqaykirayku wawqeykej sonqon nanachisqa kanman chayqa, payta mana munakusqaykimanta yachayta qoshanki. Ama munaychu ari imata mikhusqaykirayku wawqeyki Diosta qhatikuyta saqerpapunanta, imaraykuchus payraykupis Cristo wañullarqataj.

Romanos 9:1

Noqa Jesucristopi atinikusqayrayku cheqa kajta parlashani, manataj llullakushanichu. Sonqoypis Santo Espirituman jina nillantaj cheqanta parlasqayta.

Hechos 24:16

Chayrayku kallpakuni ruwasqaymanta sonqoypi mana juchachasqa kanaypaj Diospa ñawpaqenpi, runakunaj ñawpaqenpipis.

Hechos 15:9

Payqa noqanchejta, mana judío kajkunatapis uj ñawillawan qhawawanchej. Chayrayku paykunaj sonqonkutapis juchamanta llimphucharqa Jesuspi atinikusqankurayku.

San Mateo 12:35

Sumaj runaqa allinta parlan, imaraykuchus sonqonqa allin imakunawan junt'a kashan. Millay runarí mana allin kajta parlan, imaraykuchus sonqonqa mana allinkunawan junt'a kashan.

San Mateo 5:8

Kusikuyniyojmin kanku llimphu sonqoyojkunaqa, imaraykuchus paykuna Diosta rikonqanku.

1 Juan 3:23

Kaymin Diospa kamachisqanqa: Diospa Churin Jesucristopi atinikunanchej, kamachiwasqanchejman jinataj ujkuna ujkuna munakunanchej.

Hebreos 13:18

Jinallataj noqaykurayku Diosmanta mañapuwayku ari, imajtinchus allinta yachayku sonqoyku llimphu kasqanta. Munallaykutaj tukuy imapipis allinta puriyta.

Hebreos 9:14

Cristorí wiñaypaj kawsaj Santo Espiritunejta Diosman mana iman imanasqa uywa jina pay kikin jaywaykukorqa. Ajinaqa Cristoj yawarnin may jinatarajchus sonqonchejta millay ruwasqanchejmanta llimphuchawasunchej, kawsaj Diospa munayninta ruwananchejpaj.

Gálatas 5:6

Cristo Jesuspi atinikusqanchejrayku circuncidasqa kay chayrí mana circuncidasqa kaypis mana ni imapi yanapawanchejchu. Aswanqa Jesucristopi atinikuylla valen, chaytaj wajkunata munakuyta yanapawanchej.

Jeremías 4:14

Tata Diostaj kutichenqa: Jerusalén, millay ruwasqaykimanta sonqoykita llimphuchakuy, jinamanta qhespichisqa kanaykipaj. Mayk'ajkamataj umaykipi chay millay yuyaykuna muyonqankuri?

Deuteronomio 10:12

Israelitakuna, qankunamanta Tata Diosniykichej imatataj mañakusunkichejri? Tata Diosqa kayllata ruwanaykichejta munan: Payta may jatun respetowan qhawanaykichejta, chantá kamachisqanta kasunaykichejta ima. Munallantaj payllata munakunaykichejta, tukuy sonqoykichejwan tukuy almaykichejwan ima yupaychanaykichejta.

Sofonías 3:7

Jinapi noqa yuyarqani: Jerusalén llajtapi tiyakojkuna manchachikuwanqanku, k'amisqaytapis jap'ikonqanku. Jinamantataj mana paykunata jasut'isajchu, nitaj tiyakunanku wasikunata thuñirparichisajchu, nispa. Paykunatajrí usqhayllata tukuy imaymana millay ruwanaman qokorqanku.

Romanos 12:9

Qankuna wajkunata tukuy sonqo munakuychej, ama simillamantachu. Jinataj mana allin kajta chejniychej, allin kajmantataj ch'ipakuychej.

1 Timoteo 1:18

Timoteo wawáy, kayta ruwanaykita kamachiyki, imaynatachus ñawpajta qanmanta sut'incharqanku, chayman jina, ajinamanta sumaj soldado jina sumajta maqanakunaykipaj:

1 Juan 3:10

Chayrayku pikunachus Diospa wawan kasqanku sut'i yachakun, pikunatajchus Kuraj Supaypata kasqankupis sut'illataj yachakun: Tukuy pichus mana cheqan kajta ruwaj, nitaj Jesucristota qhatej masintapis munakojqa mana Diospatachu.