1 Samuel 7:6 - DIOSPA QHELQACHISQ

⁶ Israelitakunataj Mispá llajtapi tantakorqanku, chaypitaj yakuta pujyumanta orqhospa, Tata Diosman jaywaspa jich'arqanku. Chay p'unchay ayunarqanku, tukuypa uyarinantataj nerqanku: Tata Diospa contranta juchallikuyku, nispa. Israelitakunaqa Mispá llajtapi Samuelta juezninkupaj rejsikaporqanku.

Qheshwa Biblia DC

⁶ Israel aylloqa Mizpa llajtapi tantakorqa, chaypitaj yakuta orqhospa Señorpa ñaupaqenman jich'arqanku. Chay tukuy diaqa ayunarqanku, nerqankutaj: Señorpa contranta juchallikuyku. Chay Mizpa llajtapimari Samuelqa israelitasta kamachinampaj churasqa karqa.

DIOSPA QHELQACHISQAN DEUTEROCANONICAL

⁶ Israelitakunataj Mispá llajtapi tantakorqanku, chaypitaj yakuta pujyumanta orqhospa, Tata Diosman jaywaspa jich'arqanku. Chay p'unchay ayunarqanku, tukuypa uyarinantataj nerqanku: Tata Diospa contranta juchallikuyku, nispa. Israelitakunaqa Mispá llajtapi Samuelta juezninkupaj rejsikaporqanku.

1 Samuel 7:6 Referans Kwoze

2 Samuel 14:14

Tukuypis wañunanchejpuni kashan. Imaynatachus yaku pampaman jich'akojtin, mana ujtawan oqhariyta atikunñachu ajina noqanchej kanchej. Chaywanpis Tata Diosqa mana pitapis wañuchinchu, aswanpis payqa wijch'usqa kajkuna karu llajtamanta kutimunanpaj wakichin.

1 Samuel 1:15

Anatajrí kuticherqa: Mana jinachu, wiraqochíy. Mana vinota, nitaj machachikoj ujyanatapis ujyarqanichu. Manachayqa manchay llakisqa kashani, llakisqa kasqaytataj Tata Diosman willakushani.

Jueces 10:10

Chaypacha Tata Diosmanta mayta mañakorqanku: Diosniyku, contraykipi juchalliyku. Qanmanta karunchakuyku Baal lantikunata yupaychanaykurayku, nispa.

Joel 2:12

Chayrayku Tata Dios nin: Noqaman tukuy sonqo kutirikamuwaychej ayunaspa, waqaspa, llakikuspa ima.

Jeremías 9:1

1 (8.23) Jeremiasqa nillarqataj: Imaynapichus ñaweyqa yaku juturi jina kanman, jinamanta tuta p'unchay paran paranta waqanaypaj llajtay ukhupi wañuchisqa kajkunamanta.

Salmos 106:6

Noqaykupis tatayku jina juchallerqayku mana allin kajta, millay kajtataj ruwaspa.

Salmos 62:8

8 (9) Llajta masiykuna, Diosllapipuni atinikuychej. Sonqoykichejpi kaj chhikata payman willakuychej, imaraykuchus Diosllamin jark'akuwajninchejqa.

San Lucas 15:18

Chayrayku tataypa wasinman kutiripusaj, chantá nisaj: Tatáy, Diospa contranta juchallini, qanpa contraykitapis.

Salmos 119:136

Kamachisqaykita wakin mana kasusqankurayku, paran paranta waqani.

1 Reyes 8:47

Paykunataj maypichus preso kashaspa, yuyayninkuman churakunkuman, chantá qanman kutirikamuspa, chaypitaj mañakuspa nisunkuman: Noqayku juchalliyku, mana allin kajta ruwaspa. Juchayojpuni kayku, nispa.

Ezequiel 20:4

Runaj churin, paykunata qan juzgay. Arí, paykunata juchachaspaqa, ñawpa tatankoj millay ruwasqankuta reparachiy.

Lamentaciones 3:49

Mana samariyta ñawiymantaqa waqaylla surumun, manapunitaj samariyta tarinichu,

Lamentaciones 2:11

Waqasqaypi ñaweyqa tukukushanña, wijsay ukhupi ch'unchulaypis q'ewirakunku. Sonqoyqa llakiywan phatashanña, aylluypa llajtanta chay jina thuñisqata rikuspa, jinataj astawanqa ñuñoj wawakunata yarqhaywan ñanpi wañurashajta rikuspa.

Jeremías 31:19

Noqa qanmanta karunchakorqani. Chaywanpis juchallisqayta rejsikapuspa, watej qanman kutirikamuni. Qhasqoyta takakuspa, p'enqasqa k'umuykuni, wayna kashaspa juchallisqayrayku, nispa.

Salmos 42:3

3 (4) Mikhunayqa tuta p'unchay waqaynillay, runakunataj sapa kuti tapushawanku: Maytaj Diosniykiri? nispa.

Salmos 6:6

6 (7) Chay jinatapuni waqasqaypi sayk'uniña. Tukuy tuta sonqo nanayta waqani, sawnaytapis ch'aranchani.

Job 42:6

Chayrayku imatachus nisqaymanta p'enqakuni, qanmantaj jallp'a patapi, ushpha patapi ima tiyaspa k'umuykamuyki, nispa.

Job 40:4

Mana imapis kashaspa, ima nispataj qanman kutichiykimanri? Noqapajqa ch'inlla kakunay aswan walej.

Job 33:27

Chantá runaj uyarinanta nenqa: Juchallikorqani, mana cheqan kajta ruwarqani, Diostajrí mana juchayman jinachu jasut'iwarqa.

Job 16:20

Diospa ñawpaqenpi mana sonqochay atinata waqarikuni, imajtinchus kawsaqeykuna noqamanta asikuwanku.

Nehemías 9:27

Chayrayku qanqa paykunata awqankoj makinkuman jaywaykorqanki, chay awqankukunataj sinch'ita paykunata ñak'aricherqanku. Chantá may llakiypi rikukuspa, aylluykeqa qan yanapanaykita mañakusorqanku. Qantaj jatun munakuyniykirayku janaj pachamanta uyarimuspa, chay ñak'arichejkunaj makinkunamanta kacharichinankupaj runakunata churarqanki.

2 Crónicas 20:3

Josafatqa chayta uyarispa, manchachikorqa, Tata Diosmantaj k'umuykuspa, imatachus ruwananta taporqa. Tukuy Judá suyupi tiyakojkunatataj kamacherqa ayunanankuta.

Jueces 3:10

Otonielmantaj Tata Diospa Espíritun jamorqa, paytaj israelitakunata kamacherqa. Tata Diosqa Otonielta yanaparqa maqanakuman israelitakunata pusajtin, kuraj kamachej Cusán Risatayinta atipanankupaj.

Levítico 26:40

Chaypacha qankuna, jinataj tataykichejkuna millayta ruwaspa purisqaykichejta rimarinkichej, wasanchawaspa noqaman sayaykuwasqaykichejtapis.

Génesis 31:49

Sutichallarqankutaj “Mispá” sutiwan, imaraykuchus Labán nerqa: Qantawan, noqatawan Tata Dios qhawachun, karupi kasqanchejrayku manaña rikunakojtinchej.

Levítico 16:29

Kay kamachisqaqa qankunapaj wiñaypaj kanqa: Qanchis kaj killapi, chunka kaj p'unchaypi ayunankichej.Chay p'unchayqa ama ni ima ruwanaykichejta ruwankichejchu, ni kikin llajtayoj, nitaj qankunawan tiyakoj waj llajtayojkunapis.

1 Samuel 7:15

Samuelqa wañupunankama israelitakunata juez jina kamacherqa.

Jeremías 36:9

Chay karqa, maypachachus Josiaspa churin Joacín phishqa watataña kamachisharqa, chaypacha. Chay wataj jisq'on kaj killanpi Joacín kamachisqa Jerusalenpi tukuy tiyakojkuna, jinataj Judapi waj llajtakunamanta jamojkunapis Tata Diospa ñawpaqenpi ayunanankuta.

Josué 18:26

Mispá, Cafira, Mosá,

Jueces 2:4

Tata Diospa angelnin parlayta tukojtinkama, tukuynin israelitakuna sinch'imanta waqayta qallarerqanku.

Jueces 10:15

Chantá israelitakunaqa Tata Diosman kuticherqanku: Juchalliyku. Chayrayku noqaykuwan munasqaykita ruway. Chaywanpis ama jina kaychu kacharichiwayku ari, nispa.

Jueces 20:23

Chantá Tata Diosta tapullarqankutaj: Benjamín jatun ayllu masiykunawan watejmanta maqanakoj kutillasqaykutajchu, manachu? nispa. Tata Diostaj kamacherqa: Rillaychejpuni, nispa.

Jueces 20:26

Chantá tukuy israelitakuna, soldadokunapiwan ima watej Betelman rillarqankutaj, Tata Diospa ñawpaqenpi waqamunankupaj. Chaypitaj tukuy p'unchayta ayunarqanku. Chantá Tata Diosman jaywarqanku uywa ñak'asqa q'olachinakunata, jinallataj allinyakuna jaywanatawan.

1 Samuel 10:17

Chay qhepata Samuelqa tukuy israelitakunata wajyacherqa, Mispá llajtapi Tata Diospa ñawpaqenpi tantakunankupaj.

1 Samuel 12:10

Chaypacha paykunaqa Tata Diosman qhaparikorqanku: Juchalliyku, imajtinchus qanta saqerparispa, Baal lantikunata, Astarot lantikunatawan yupaycharqayku. Awqaykukunaj makinkumanta kacharichiwayku, noqaykutaj qanllata yupaychasqayku, nispa.

1 Crónicas 11:18

Chantá chay kinsantin wapu soldadokuna filisteokunaj jarankuman yaykuspa, Belenman yaykuna punkupi pujyumanta yakuta orqhoytawan, Davidman apamorqanku. Davidtajrí mana ujyarqachu, manachayqa Tata Diosman jaywaspa, pampaman jich'arqa.

Job 3:24

Mikhunayqa jik'un jik'unta waqarikuylla, ujyanaypis nanaymanta ayqoylla.

Lamentaciones 5:16

Maypaj qhawasqa kayniykupis manaña kanchu. Ay, noqaykumanta imachus kanqapis, imaraykuchus noqaykoqa juchallikorqayku.

Oseas 5:1

Tata Dios nin: Sacerdotekuna, kayta uyariychej. Israelitakuna, allinta uyariychej. Kuraj kamachejpa ayllunmanta kajkunapis uyarillaychejtaj: Qankuna juchachasqa kankichej, imaraykuchus Mispapi uj misk'ana jina karqankichej, Tabor orqo patapitaj wakichisqa tojlla jina karqankichej.