1 Samuel 5:2 - DIOSPA QHELQACHISQ

² Chantá paykunaqa Diospa arcanta diosninku Dagonpa yupaychana wasinman aparqanku, chay diosninkoj ladonmantaj churarqanku.

Qheshwa Biblia DC

² Filisteosqa Diospa trato cajonninta apakaporqanku diosninkoj Dagompa yupaychana wasinman, chay diosninkoj ladonmantaj churaykorqanku.

DIOSPA QHELQACHISQAN DEUTEROCANONICAL

² Chantá paykunaqa Diospa arcanta diosninku Dagonpa yupaychana wasinman aparqanku, chay diosninkoj ladonmantaj churarqanku.

1 Samuel 5:2 Referans Kwoze

Jueces 16:23

Unay tiemponman filisteokunaj kurajninkukuna tantaykukorqanku jatun raymita ruwanankupaj Sansonta jap'isqankumanta jinataj Dagón diosninkuman uywa ñak'asqata jaywanankupajwan. Kay jinatataj takerqanku: Diosninchej jaywaykuwanchej awqanchej Sansonta, nispa.

Daniel (hebreo) 5:23

Aswanqa janaj pachapi kaj Tukuyta Kamachej Diospa contranpi oqharikorqanki, kamacherqankitaj Templonmanta apamusqa vasokunata orqhomunankuta. Chantá chay vasokunapi warmiykikunawan, chantá waj warmiykikunawan, jinataj pikunatachus raymiman wajyarakorqanki, chaykunawan khuska vinota ujyarqankichej. Chay jawataj waj dioskunata, qorimanta, qolqe metalmanta, broncemanta, fierromanta, k'ullumanta, rumimanta ruwasqa dioskunata yupaycharqanki. Chay dioskunaqa mana rikunkuchu, manataj uyarinkuchu, nitaj imatapis yachankuchu. Diostatajrí mana jayk'ajpis yupaycharqankichu, pejpa makinpichus kawsayniyki, tukuy ruwasqayki ima kashan, chay Diosta.

Daniel (hebreo) 5:2

Jinapi vinowan machasqa kaspa, kuraj kamachej Belsasar kamachinkunata kamacherqa qori vasokunata, qolqe metalmanta vasokunatawan apamunankuta, mayqenkunatachus tatan Nabucodonosor Jerusalenpi Tata Diospa Templonmanta apachimusqa, chaykunata. Pay munarqa raymipi kaj kurajkuna, warminkuna, chantá waj warminkuna ima chay vasokunapi vinota ujyanankuta.

1 Crónicas 10:10

Chaymantataj Saulpa armanta lantinkoj yupaychana wasinman churarqanku, umantataj Dagón lantita yupaychananku wasiman warkhuykorqanku.

Habacuc 1:16

Chayraykumin challwa jap'ejkuna anzuelonkuta, ch'ipankutapis mayta munakunku. Chayraykullataj jaywanata jaywanku, inciensotapis q'oshñichinku, chaykunanejta ashkha mikhunayoj kasqankurayku.

Habacuc 1:11

Purisqankoqa jatun muyoj wayra jina, jinataj ninku kallpanku diosninku kasqanta, nispa.

1 Crónicas 10:8

Q'ayantin filisteokunaqa wañusqakunaj imankunachus karqa, chaykunata oqharikamoj rispa, Saulta, churinkunatawan Gilboa orqopi wañusqata tarerqanku.