1 Samuel 2:8 - DIOSPA QHELQACHISQ

⁸ Dioslla wajchata pampamanta aysarin. Mañakoj runatapis q'opa wijch'unamanta orqhospa, wiraqochikunawan khuska tiyachin maypaj qhawasqa cheqapi, imaraykuchus jallp'aj tijsinkunamanta Tata Diosllamin dueñoqa. Paymin kay pachata chay patapi sayacherqa.

Qheshwa Biblia DC

⁸ Dioslla wajchastaqa pampamanta oqharin, mañakoj runatapis q'opamantaña orqhomun, wiraqochi runastawan tiyaykuchinampaj, uj sumajpaj qhawasqa tiyanasta qonampaj, imaraykuchus Señorllamin dueñoqa, kay jallp'aj ura chukusninmanta, chaykunamantaj kay pachata churaykorqa.

DIOSPA QHELQACHISQAN DEUTEROCANONICAL

⁸ Dioslla wajchata pampamanta aysarin. Mañakoj runatapis q'opa wijch'unamanta orqhospa, wiraqochikunawan khuska tiyachin maypaj qhawasqa cheqapi, imaraykuchus jallp'aj tijsinkunamanta Tata Diosllamin dueñoqa. Paymin kay pachata chay patapi sayacherqa.

1 Samuel 2:8 Referans Kwoze

Daniel (hebreo) 2:48

Chaymanta kuraj kamachejqa Danielta jatuncharqa, sumaj t'inkatataj payman qorqa. Chantá payta Babilonia nisqa jap'iyta kamachinanpaj churarqa, jinallataj tukuy yachayniyojkunaj kurajninku kananpaj ima.

Santiago 2:5

Munasqa wawqe panaykuna, allinta uyariwaychej: Manachu Diosqa pikunachus kay pachapi wajcha kajkunata ajllakun, Diospi atinikuypi qhapaj kanankupaj? Manachu paykuna kamachiyninpi chayaqeyoj kanqanku, Dios payta munakojkunaman chayaqeta qonanta nisqanman jina?

Daniel (hebreo) 6:3

3 (4) Paytaj kinsantinmanta kuraj kaj karqa, aswan yachayniyoj kasqanrayku. Chayrayku kuraj kamachej yuyasharqa tukuy suyunpi Danielta kamachinanpaj churayta.

Apocalipsis 1:6

Chay jawa Cristoqa noqanchej kamachejkuna jina kamachinanchejta munarqa, chantá Tata Diosninta yupaychanapaj sacerdotekunata jina churawarqanchej. Chayrayku pay jatunchasqa kachun, chantá wiñay, wiñaynintinpaj paymin kamachichun. Ajina kachun.

Eclesiastés 4:14

Chay waynaqa astawan walej kamachinanpaj, carcelmanta llojsimorqa chaypis, chayrí kay suyupi wajcha paqarikorqa chaypis.

1 Samuel 15:17

Chantá Samuel nerqa: Qan kikiyki pisipaj qhawarikorqanki. Chaywanpis Tata Diosqa Israel suyuta kamachinaykipaj churasorqa.

Apocalipsis 22:5

Chaypi tutaqa manaña kanqachu. Manataj lamparaj k'anchananqa kanqañachu, nitaj inti k'anchananpis, imaraykuchus Dios, pichus Tukuyta Kamachej Kajqa paykunata k'anchanqa. Chantá Diospa kamachinkuna wiñaypa wiñaynintinpaj kamachenqanku.

Apocalipsis 5:10

Jinallataj paykunata ruwarqanki Diosninchejpaj kuraj kamachejkuna, chantá sacerdotekuna ima kanankuta, paykunataj kay pachapi kamachenqanku, nispa.

2 Samuel 7:8

Chayrayku kamachiy Davidta niy: Ajinata Tukuy Atiyniyoj Tata Dios nisunki: Noqa ovejakunaj qhepanmanta orqhomorqayki, Israel aylluypaj kamachejnin kanaykipaj.

Apocalipsis 3:21

Tukuy atipajkunaqa kamachinay tiyanapi noqawan tiyanqanku, imaynatachus noqapis atipaspa Tataywan khuska kamachinan tiyanapi tiyaykukorqani, ajinata.

Hebreos 1:3

Diospa Churenqa Diospa jatun kayninpa lliphipiyninta rikuchin, paypa kaynintaj Tata Diospa kayninta rejsichiwanchej. Payllataj atiyniyoj simi nisqanwan tukuy kaj chhikata maychus kananpi purichin. Chantá juchanchejta pampachaspa llimphuchawarqanchej, jinaspataj, janaj pachapi jatun atiyniyoj Kamachejpa pañanman tiyaykukorqa.

Salmos 104:5

Qanmin kay pachata cimientonpi sayacherqanki, churasqa kasqanmanta mana jayk'aj kuyuchisqa kananpaj.

Salmos 102:25

25 (26) Qallariymantapacha kay pachata qan ruwarqanki, janajtapis qanllataj ruwarqanki.

Salmos 24:2

Tata Dios kay pachata mama qocha patapi sayacherqa, jinallataj mama qochaj ukhunpipis.

Génesis 41:14

Jinapi faraón Joseta wajyachejtin, usqhayllata payta carcelmanta orqhomorqanku. Josetaj chujchanta k'utuchikuspa, chantá waj p'achatawan churakuspa, faraonpa ñawpaqenman rerqa.

Job 2:8

Chantá Jobqa ushpha patapi tiyakuspa, uj k'anallawan khitukorqa, sarna onqoy anchata sejsisqanrayku.

Génesis 41:40

Chayrayku qanmin kamachinay wasipi imachus ruwanata kamachiy ari, tukuytaj qanpa kamachisqaykita kasusonqanku. Noqalla qanmanta aswan kuraj kasaj, imaraykuchus noqaqa kuraj kamachej kani.

Daniel (hebreo) 4:17

17 (14) Diospa angelninkuna ajina kananta kamachinku, tukuy runakuna yachanankupaj janaj pachapi kaj Tata Dios tukuy suyukunata kamachinanpaj atiyniyoj kasqanta. Yachallachunkutaj paymin kamachina atiyta qosqanta, pimanchus qoyta munasqanman, jinallataj uj suyupi kuraj kaj kananpaj churasqanta aswan pisipaj qhawasqa runata, nispa.

1 Reyes 16:2

Qan ni pejpa kasu ruwanan kashajtiyki, noqa Israel aylluyta kamachinaykipaj churarqayki. Qantajrí Jeroboán jina juchallerqanki, Israel aylluytataj juchallichinki. Chay juchaykiwantaj noqata phiñachiwanki.

2 Reyes 9:6

Chantá Jehú sayarispa, wasiman yaykorqa. Diospa sut'inchajnintaj Jehúj umanta aceitewan jawiykuspa, nerqa: Israelpa Tata Diosnin ajinata nisunki: Noqaqa Israel suyuta kamachinaykipaj churayki.

Job 1:21

Chantá nerqa: Noqaqa mana imayoj q'alalla mamaypa wijsanmanta llojsimorqani, q'alallataj kay pachamanta ripusaj. Tata Dios tukuy imata qowarqa, kunanqa payllataj qhechukapuwan. Tata Diospa sutin yupaychasqa kachun, nispa.

Salmos 75:3

3 (4) Maypachachus kay pacha, chaypi tiyakojkuna ima kharkatitin, chaypipis noqamin sayantanta sinch'ita sayachini, nispa.

Salmos 75:7

7 (8) Diosmin cheqan juezqa. Payqa ujkunata k'umuykuchin, ujkunatataj pataman oqharin.

Salmos 107:41

Diosqa wajcha runakunata pisichikuyninkumanta orqhon, ayllunkutataj ovejata jina mirachin.

Isaías 22:23

Noqataj Eliaquinta clavota jina sinch'ita perqaman takaykusaj, tatanpa ayllunta allinpi rikhurichinaypaj.

Salmos 75:4

4 (5) Uma oqharejkunata noqa nini: Ama runaykachaychejchu, nispa. Millayta ruwaspa purejkunatapis nillanitaj: Ama wapu wapu kaychejchu.