1 Samuel 2:2 - DIOSPA QHELQACHISQ

² Tata Diosníy, qan jina llimphupuneqa mana pipis kanchu. Qanmanta jawaqa mana waj kanchu. Mana pipis qan jina waqaychajqa kanchu.

Qheshwa Biblia DC

² Mana qan jina pipis santoqa kanchu Señor! Mana waj kanchu qanmanta nisqaqa, nitaj waj pakakuna chhankapis Diosniyku jinaqa.

DIOSPA QHELQACHISQAN DEUTEROCANONICAL

² Tata Diosníy, qan jina llimphupuneqa mana pipis kanchu. Qanmanta jawaqa mana waj kanchu. Mana pipis qan jina waqaychajqa kanchu.

1 Samuel 2:2 Referans Kwoze

2 Samuel 22:32

Pitaj Diosmanta aswan jatunri? Waj dios kanmanchu chhankapi jina pakakunanchejpaj?

Isaías 44:6

Israelpa kuraj kamachejnin Tukuy Atiyniyoj Tata Dios pagota qospa, Israelta kacharicherqa. Paytaj ajinata nin: Noqamin tukuy imaj qallariynin, tukukuynintaj kani. Noqamanta jawaqa waj dios mana kanchu.

Salmos 86:8

Tukuyta Kamachej Diosníy, qan jina diosqa mana waj kanchu, ruwasqaykita jinaqa mana pipis ruwanmanchu.

Salmos 89:8

8 (9) Tukuy Atiyniyoj Tata Dios, pitaj qan jina atiyniyojri? Tukuy atiy qanpata, cheqa kajwantaj muyuykusqa kanki.

Éxodo 15:11

Tata Diosníy, ni mayqen dios qan jina kanchu. Mana pipis qan jina llimphu llimphu, ni atiyniyojpis kanchu. Qanqa musphanapaj jina t'ukunata ruwanki.

1 Pedro 1:16

Diospa Qhelqachisqanpi nin: Qankunaqa Diospaj t'aqasqa kajkuna jina puriychej, imaraykuchus noqaqa may llimphumin kani, nispa.

Jeremías 10:6

Chantá Jeremías nerqa: Tata Dios, mana pipis qan jinaqa kanchu. Qanqa may jatun kanki, sutiykitaj may atiyniyoj.

Isaías 57:15

Ajinata patapi kaj wiñaypaj kawsaj Tata Dios nini, May Llimphu Kaj sutiyoj Dios: Noqa patapi tiyakuni, may llimphu cheqapi. Jinallataj llamp'u sonqoyojwan, k'umuykojwan ima kashani, k'umuykoj sonqoyojkunata, sonqo p'akisqakunatapis kusichinaypaj.

Deuteronomio 3:24

Tukuyta Kamachej Tata Diosníy, kamachiyki kani, qantaj may jatun kayniykita, jinataj may jina atiyniyoj kasqaykitawan rikuchiwayta qallarerqanki. Mana janaj pachapi, nitaj kay pachapipis qan jina waj dios kanchu, chay jina t'ukunata ruwajqa.

Levítico 19:2

Tukuy israelitakunata niy: Tata Dios ajinata nisunkichej: Qankunaqa noqapaj t'aqasqa jina llimphu kaychej, imaraykuchus noqa Tata Diosniykichej may llimphumin kani.

Romanos 15:4

Chay unay qhelqasqa karqa noqanchej yachakunanchejpaj. Diospa chay qhelqachisqantaj yanapawanchej pacienciakuspa, sonqochakuspataj suyananchejpaj Dios nisqanta junt'anankama.

Isaías 44:8

Qankuna ama manchachikuychejchu nitaj kharkatitiychejchu. Noqaqa unaymantapachaña imachus kananta nerqaykichej, qankunataj chaymanta testigoy kankichej. Noqamanta jawa waj dios kanchu? Manapuni, mana waj pakakuna chhanka kanchu, ni ujpis kanchu, nispa.

Isaías 40:18

Tata Diosta imawantaj rijch'anachisunmanri? Chayrí imaynatataj lantita payman rijch'akojta ruwasunmanri?

Isaías 6:3

Chantá purajmanta ninakusharqanku: Tukuy Atiyniyoj may llimphu, llimphu, llimphu Tata Diosqa. Tukuy kay pacha jatun kayninpa lliphipiyninwan junt'a kashan, nispa.

Salmos 111:9

Tukuyta Kamachej Dios preciota pagaspa ayllunta kacharicherqa, trato ruwasqantataj wiñaypaj sayacherqa. Tata Diosqa may llimphumin, manchachikuna jinataj.

Salmos 99:5

Jatunchaychej Tata Diosninchejta, ñawpaqenpitaj qonqorikuychej. Diosqa may llimphumin.

Salmos 89:6

6 (7) Ni ima diospis, ni pipis janaj pachapi kajkunamanta, Tata Dios, qanwan kikinchakusunkimanchu.

Deuteronomio 32:39

Yachaychej noqalla Dios kasqayta, noqamanta jawa waj dioskunaqa mana kanchu. Noqalla kawsayta qoni, chantá qhechunitaj. Noqa onqochini, jampinitaj. Mana pipis makiymanta kacharichikuyta atinmanchu.

Deuteronomio 32:4

Payqa pakakunanchej chhanka kashan. Ruwasqanqa mana pantayniyojmin, tukuy ruwasqantaj cheqanmin kashan. Payqa mana llullakoj Dioschu. Payqa cheqanta ruwajmin. Payqa cheqanmin, cheqa kajtaj.

Salmos 99:9

Tata Diosninchejta jatunchaychej, jinataj ajllakusqan orqoj ñawpaqenpi k'umuykukuychej. Tata Diosninchejqa may llimphumin.

Salmos 73:25

Piniytaj janaj pachapi tiyapuwanri? Qanlla noqajta kapuwanki. Qanwan kaspaqa, kay pachapi manaña imatapis munanichu.

Salmos 71:19

Justiciaykeqa, Diosníy, janaj pachakama chayan, imajtinchus qanqa t'ukunapaj jina ruwarqanki. Qan jinaqa mana pipis kanchu.

Salmos 71:3

Qanqa pakakunay chhanka kay, chaypi sapa kuti pakakuyta atinaypaj. Qanllamin qhespichisqa kanayta kamachiyta atinki, imaraykuchus qan pakakunay chhanka kanki, kallpachawayniytaj.

Salmos 18:2

2 (3) Qanmin pakakunay kanki, jark'akuwaj, kacharichiwaj Diosniytaj. Qanmin pakakunay chhanka kanki, jark'akuna escudoytaj. Atiyniyoj qhespichiwajniy kanki, patapi sumaj pakakunaytaj.

Deuteronomio 32:20

Nerqataj: Paykunata wasanchasaj, yachasajtaj imapichus tukukunankuta. Cheqamanta paykunaqa millayta ruwaspa purejkuna kanku, puraj uya wawakunataj kanku.

Deuteronomio 4:35

Tata Dios chaykunata rikuchisorqachej, paylla cheqapuni Dios kasqanta yachanaykichejpaj, paymanta jawataj waj dios manapuni kasqanta.

Romanos 4:8

Kusisqamin runaqa, maypachachus Tukuyta Kamachej Dios tukuy millay ruwasqanta pampachan chaypacha, nispa.

2 Samuel 7:22

Chayraykumin jatunchasqa kanki, Tukuyta Kamachej Tata Diosníy. Mana pipis qan jinaqa kanchu, manataj qanmanta jawaqa waj dios kanchu, noqayku uyarisqaykuman jinaqa.

2 Samuel 22:3

Diosníy, qan kanki pakakunay chhanka, jark'akuwajniytaj. Atiyniykiwan qhespichiwanki, alto patapi sumaj pakakunaytaj kanki. Qanlla mana allin ruwajkunamanta jark'akuwanki.

1 Reyes 8:23

Israelpa Tata Diosnin, mana qan jina Diosqa janaj pachapi kanchu, nitaj kay pachapipis. Qanqa tratoykita junt'anki, khuyakuyniykitapis kamachiykunaman rikuchinki, qanta tukuy sonqo kasuspa purejkunaman.

Salmos 18:31

31 (32) Tata Diosmanta jawa mana waj dios kanchu, Diosninchejmanta jawataj mana waj waqaychaj kanchu.

Salmos 99:3

May manchana sutenqa yupaychasqa kachun. Diosqa may llimphumin.

Levítico 11:44

Noqa Tata Diosniykichej kani. Chayrayku qankunaqa noqapaj t'aqasqa jina allinta puriychej, imaraykuchus noqaqa may llimphu kani. Qankunaqa amapuni pampata qhatatakuspa purej animalkunata llojchispa ch'ichichakunkichejchu.

Levítico 11:45

Noqa Tata Dios kani, pichus Diosniykichej kanaypaj qankunata Egiptomanta orqhomorqaykichej, chay. Chayrayku qankunaqa noqapaj t'aqasqa jina kawsaychej, imajtinchus noqaqa manchay llimphumin kani, nispa.

Deuteronomio 4:39

Chayrayku kunanqa yachaychej, sonqoykichejpitaj unanchaychej, janaj pachapi, kay pachapipis Tata Dioslla Dios kasqanta. Paymanta jawaqa mana waj diosqa kanchu.