1 Samuel 11:1 - DIOSPA QHELQACHISQ

¹ Amón suyoj kuraj kamachejnin Najasqa soldadonkunawan ima Galaadpi Jabés llajtaman rerqa, jap'inanpajtaj chay llajtata muyuykorqa. Jabés llajtayojkunarí nerqanku: Noqaykuwan uj tratota ruwana, noqaykutaj kamachiyniykipi kasqayku, nispa.

Qheshwa Biblia DC

¹ Amón llajtaj reynin Nahasqa rerqa Galaapi Jabes llajtaman. Chaypitaj wakicherqa soldadosta chay llajtaman jap'ej yaykunankupaj. Jabes llajtapi tiyakoj runastaj nerqanku: Uj tratota noqaykuwan ruwan, qantataj kasusqayku.

DIOSPA QHELQACHISQAN DEUTEROCANONICAL

¹ Amón suyoj kuraj kamachejnin Najasqa soldadonkunawan ima Galaadpi Jabés llajtaman rerqa, jap'inanpajtaj chay llajtata muyuykorqa. Jabés llajtayojkunarí nerqanku: Noqaykuwan uj tratota ruwana, noqaykutaj kamachiyniykipi kasqayku, nispa.

1 Samuel 11:1 Referans Kwoze

1 Samuel 12:12

Chaywanpis amonitakunaj kuraj kamachejninku Najás qankunawan maqanakoj jamushasqanta rikuspa, qankunaqa uj runata kuraj kamachejniykichejpaj churapunayta mañakuwarqankichej, Diosniykichej Tata Dios kuraj kamachejninchej kashajtinpis.

Ezequiel 17:13

Chantá Babiloniamanta kuraj kamachej Judá suyuyta kuraj kamachejpa churinkunamanta ujta jap'erqa, tiluchispataj, paywan uj tratota ruwarqa. Chay suyumantataj aswan sumachaj runakunata jap'ispa, apakapullarqataj.

1 Reyes 20:34

Ben Adadtaj payta nerqa: Tatay ima llajtakunatachus Israelmanta qhechusqa, chaykunata kutichipusqayki, nispa. Jinataj Damascopi qhatuna wasikunata ruwakuy, imaynatachus tataypis Samariapi ruwakorqa, ajinata, nispa. Ajabtaj kuticherqa: Noqataj kacharipusqayki trato ruwasqanchejman jina, nispa. Ajinata Ben Adadwan tratota ruwaytawan, kacharipullarqa.

Jueces 21:8

Chantá tapunakullarqankutaj: Kanmanchu mayqen israelitakunapis Mispapi Tata Diospa ñawpaqenpi tantakuyman mana jamojkuna? nispa. Chaypachataj repararqanku Galaadpi Jabesmanta kajkuna ni mayqen chay tantakuyman jamusqankuta.

Génesis 26:28

Paykunatajrí kuticherqanku: Noqayku reparayku qanwan Tata Dios kasqanta. Chayrayku qanwan uj tratota ruwayta munayku. Chay trato kay jina kanqa:

Job 41:4

4 (40.28) Payrí qanwan tratota ruwanmanchu, wiñaypaj kamachiyki kananpaj?

Éxodo 23:32

Ama paykunawanqa ni ima tratota ruwankichejchu, nitaj diosninkuwanpis.

Isaías 36:16

Qankunatajrí ama Ezequiasta kasuychejchu. Aswanpis Asiriata kuraj kamachej nisunkichej: Noqawan tratota ruwaspa, noqaman k'umuykamuychej. Ajinatachus ruwankichej chayqa, sapa ujniykichej uva sach'aykichejmanta, jinallataj higo sach'aykichejmantapis mikhunkichej. Yakutapis sapa uj pujyuykichejmanta ujyankichej.

Jueces 10:7

Chayraykumari Tata Diosqa paykunapaj sinch'ita phiñarikuspa, filisteokunaman, amonitakunamanwan paykunata qaraykorqa.

Deuteronomio 23:3

3 (4) Amonitakuna, jinataj moabitakunapis nillataj Tata Diospa sutinpi tantakuyman jayk'ajpis yaykonqankuchu. Chunka mirayninkamapis mana yaykonqankuchu.

1 Samuel 14:47

Israel suyuta kamachiyta qallarisqanmantapacha Saulqa muyuyninpi kaj tukuy awqakunawan maqanakorqa: Moabwan, Amonwan, Edomwan, Sobaj kuraj kamachejninwan, chantá filisteokunawan ima. Mayllamanpis maqanakoj risqanpi atipallarqapuni.

2 Samuel 10:1

Mana ancha unayninmanchu amonitakunaj kuraj kamachejninku Najás wañuporqa, paypa cuentanmantataj churin Janún kamacherqa.

2 Samuel 10:2

Chaypacha Davidqa sonqonpi nerqa: Noqaqa Najaspa churin Janunwan k'acha kasaj, imaynatachus tatan noqawan k'acha karqa, ajinata, nispa. Chayrayku yanapajninkunamanta wakinta kacharqa, tatan wañupusqanmanta Janunta sonqochanankupaj. Davidpa kachasqan amonitakunaj llajtankuman chayajtinkurí,

2 Samuel 17:27

David Majanayin llajtaman chayarqa chaypacha, Najaspa churin Sobi payta taripaj llojsimorqa. Pay karqa Amonpi Rabá llajtamanta. Jinallataj Lodebar llajtamanta Amielpa churin Maquir, chantá Galaadpi Roguelín llajtamanta Barzilaypis Davidta taripaj llojsimullarqankutaj.

Jeremías 40:11

Ajinallatataj judiokuna, pikunachus Moabpi, Amonpi, Edompi, chay waj suyukunapipis kasharqanku, chaykunapis yachallarqankutaj Babiloniata kuraj kamachejqa judiokunamanta wakinta llajtankupi saqesqanta. Yachallarqankutaj Ajicanpa churin Gedaliasta kamachejninku kananpaj churasqanta.

Jeremías 40:14

Paytataj nerqanku: Manachu yachanki Amonta kuraj kamachej Baalisqa Netaniaspa churin Ismaelta qanta wañuchinasunpaj kachamusqanta? nispa. Ajicanpa churin Gedaliastajrí mana kasuta ruwarqachu.

Jueces 11:4

Chay kasqa, maypachachus amonitakunaqa israelitakunawan maqanakoj yaykusqanku, chaypacha.

2 Samuel 2:5

Chaypacha Davidqa kachakunata Galaadpi Jabesman kacharqa, kay jinata nichispa: Tata Dios qankunata saminchachun Saulmanta khuyakusqaykichejrayku, ayanta jallp'aykichejpi p'ampasqaykichejmanta.

1 Crónicas 10:11

Chantá Galaadpi kaj Jabespi tukuy tiyakojkuna, filisteokuna Saulwan imatachus ruwasqankuta uyarerqanku.

1 Crónicas 10:12

Chayrayku tukuy wapu runakuna tantaykukuspa, Saulpa ayanta, jinataj churinkunaj ayantawan orqhospa, Jabés llajtaman aparqanku. Chaypitaj uj sach'a uraman p'ampaykorqanku. Chantá llakikusqankuta rejsichinankupaj qanchis p'unchayta ayunarqanku.