1 Samuel 10:6 - DIOSPA QHELQACHISQ

⁶ Chaypacha Tata Diospa Espíritun qanman jamuspa, kallpachasonqa, qantaj paykuna jinallataj Diosmanta sut'inchanki. Chantá mosoj sonqoyoj runaman tukunki.

Qheshwa Biblia DC

⁶ Chaypacha Señorpa espíritun atiynin ima jamusonqa, chanta paykuna jinallataj parlanki. Waj jina runamantaj tukurparinki.

DIOSPA QHELQACHISQAN DEUTEROCANONICAL

⁶ Chaypacha Tata Diospa Espíritun qanman jamuspa, kallpachasonqa, qantaj paykuna jinallataj Diosmanta sut'inchanki. Chantá mosoj sonqoyoj runaman tukunki.

1 Samuel 10:6 Referans Kwoze

1 Samuel 10:10

Saulwan, kamachinwan ima Gabaa llajtaman chayajtinku, Diosmanta sut'inchajkuna paykunawan tinkukorqanku. Chaypacha Tata Diospa Espíritun Saulman jamorqa, Saultaj Diosmanta sut'inchajkuna jina paykunawan khuska Diosmanta sut'incharqa.

Números 11:25

Chantá Tata Dios chayman phuyupi urayk'amuspa, Moiseswan parlarqa. Chaymantataj Diosqa Moisesman qosqan espiritumanta qanchis chunka kurajkunaman qorqa. Espíritu paykunaman yaykojtinkamataj, Diosmanta sut'incharqanku. Chaymanta qhepamanrí manaña Diosmanta sut'incharqankuñachu.

1 Samuel 16:13

Chaypacha Samuelqa aceiteyoj wajrata jap'ispa, wawqenkunaj rikunanta Davidpa umanman jich'aspa jawiykorqa. Chaymantapachataj Tata Diospa Espíritun Davidman jamorqa. Chantá Samuelqa Ramá llajtaman kutiporqa.

Jueces 14:6

Chaypacha Tata Diospa Espiritonqa Sansonman sinch'i kallpata qorqa, Sansontaj makillanwan uj chivituta jina leontaqa t'isarparerqa. Chaywanpis chayta ruwasqantaqa tatan mamanman mana willarqachu.

Jueces 3:10

Otonielmantaj Tata Diospa Espíritun jamorqa, paytaj israelitakunata kamacherqa. Tata Diosqa Otonielta yanaparqa maqanakuman israelitakunata pusajtin, kuraj kamachej Cusán Risatayinta atipanankupaj.

San Mateo 7:22

Chay p'unchaypeqa ashkha niwanqanku: Tukuyta Kamachej, manachu sutiykipi sut'incharqayku, sutiykipitaj runakunamanta supaykunata qharqorqayku? Manachu sutillaykipitaj ashkha t'ukuna imakunata ruwarqayku? nispa.

Números 11:17

Noqataj chayman urayk'amuspa, qanwan parlasaj. Chantá qanpi kaj espirituta paykunamanpis qollasajtaj, paykuna kay runakunata pusayta yanapasunankupaj. Ajinamanta qanqa manaña sapallaykichu pusanki.

Números 11:26

Jinapis chay qanchis chunkamanta iskayninku Eldadwan, Medadwan ima Dioswan Tinkukuna Toldoman mana rerqankuchu, manachayqa jarallankupi qhepakorqanku. Chaywanpis paykunaman espíritu yaykojtin, jarankupi Diosmanta sut'inchaspa kallarqankutaj.

Números 11:29

Moisestajrí kuticherqa: Ama qan chaymanta llakikuychu. Allin kanman Tata Diosqa tukuy israelitakunaman espiritunta qonan, jinamanta Tata Diosmanta sut'inchanankupaj, nispa.

1 Samuel 10:9

Saúl ripunanpaj Samuelmanta t'aqakapojtinkama, Diosqa Saulpa sonqonta waj jinaman tukucherqa. Chay p'unchaypachataj Samuelpa tukuy nisqan junt'akorqa.

1 Samuel 19:20

Chaypacha Saulqa Davidta jap'imunankupaj soldadokunata kacharqa. Saulpa kachasqankunatajrí Ramá llajtaman chayaspa, Samuelta, uj mashkha sut'inchajkunawan Diosmanta sut'inchashajta rikorqanku. Chay sut'inchajkunataqa Samuel pusaykachasharqa. Jinallaman Diospa Espiritonqa Saulpa kachasqankunamanpis jamorqa. Chantá paykunapis Diosmanta sut'inchajkuna jina sut'inchashallarqankutaj.

Jueces 15:14

Judamanta kajkunaqa Sansonta Lehiman chayachimojtinkutaj, filisteokuna kusiywan qhaparqachaspa, payta taripaj llojserqanku. Chantá Tata Diosqa Espiritunwan watej Sansonta kallpacharqa. Sansontaj makinpi chay watasqa lino waskhata p'itirarqa, phunu q'aytupis kanman jinata.

1 Samuel 11:6

Chayta Saúl uyarejtinkama, Diospa Espiritonqa Saulman jamorqa, Saultaj may sinch'itapuni phiñarikorqa.