1 Samuel 10:1 - DIOSPA QHELQACHISQ

¹ Saulpa kamachin ripojtinkama, Samuelqa Saulpa umanman aceitewan jich'aykorqa, much'aykuspataj, nerqa: Kunanmanta Tata Diosqa Israel suyunpi kuraj kamachejnin kanaykipaj ajllasunki. Paykunata kamachispa, muyuyninkupi kaj awqankukunaj makinkumanta kacharichinki. Tata Diosqa qanta kuraj kamachej kanaykipaj ajllasusqanmanta kaymin señal kanqa:

Qheshwa Biblia DC

^1-2 Chaypacha Samuelqa aceite botellata jap'ispa Saulpa uman pataman jich'aykorqa, much'aykuspataj nerqa: Kunanmanta Señorqa t'aqasunki, Israel ayllumpa reynin kanaykipaj. Qan kamachinki atipachinkitaj chay muyuynimpi kaj enemigosninmanta. Kay uj señal kanqa qanta Señorqa ayllumpa reynin kanaykipaj t'aqasusqanmanta: Kunanqa kaymanta ripushaspa iskay runaswan tinkukunki Raquel maypichus p'ampasqa kashan, Selsa llajta qayllapi. Chayqa kashan Benjamimpa jallp'asnin chaypi. Paykunataj nisonqanku mask'asharqanki chay chinkaj burrosta tarisqankutaña, chanta nisonqanku tataykeqa manaña burrosmantachu llakisqa kashasqanta, manachayqa qankunamanta llakikushan, tapurakushantaj: Imanasajtaj wawaymantari?, nispa.

DIOSPA QHELQACHISQAN DEUTEROCANONICAL

¹ Saulpa kamachin ripojtinkama, Samuelqa Saulpa umanman aceitewan jich'aykorqa, much'aykuspataj, nerqa: Kunanmanta Tata Diosqa Israel suyunpi kuraj kamachejnin kanaykipaj ajllasunki. Paykunata kamachispa, muyuyninkupi kaj awqankukunaj makinkumanta kacharichinki. Tata Diosqa qanta kuraj kamachej kanaykipaj ajllasusqanmanta kaymin señal kanqa:

1 Samuel 10:1 Referans Kwoze

1 Samuel 16:13

Chaypacha Samuelqa aceiteyoj wajrata jap'ispa, wawqenkunaj rikunanta Davidpa umanman jich'aspa jawiykorqa. Chaymantapachataj Tata Diospa Espíritun Davidman jamorqa. Chantá Samuelqa Ramá llajtaman kutiporqa.

Salmos 78:71

Diosqa oveja michinamanta Davidta orqhospa, payta ayllunta qhawananpaj churarqa, Israel aylluta michinanpaj.

1 Samuel 9:16

Q'aya kunanta jina Benjamín jatun ayllumanta uj runata kachamusqayki, paytataj aceitewan jawinki, Israel aylluypa kuraj kamachejnin kananpaj. Payqa Israel aylluyta filisteokunaj makinkumanta kacharichenqa, imaraykuchus noqa aylluymanta khuyakuni, ñak'arisqankuta rikuspa, nispa.

Salmos 2:12

Diosta jatunchaychej, ama phiñakunanpaj, imajtinchus pay askamalla phiñakuspa, qankunata wañuchisunkichejman. Paypi atinikojkunarí kusikuyniyojmin kanqanku.

Hechos 13:21

Chaymanta israelitakuna Diosmanta mañakorqanku kuraj kamachejta churapunanta, Diostaj Benjamín jatun ayllumanta Cispa churin Saulta paykunaman qorqa kuraj kamachejninku kananpaj. Saultaj tawa chunka watata israelitakunata kamacherqa.

1 Samuel 26:11

Tata Dios jark'awachun paypa ajllasqan kuraj kamachejta wañuchinaymanta. Jinapis uman chaypi kashan, chay lanzata, yaku uypulantawan oqhariy, chantá ripunachej, nispa.

Deuteronomio 32:9

Tata Dios chayaqenpaj kikin ayllullantataj ajllakorqa. Paypa chayaqenqa Jacobpa miraynin.

2 Reyes 20:5

Kutispa, aylluypa kurajnin Ezequiasta nimuy: Ñawpa tatayki Davidpa Tata Diosnin ajinata nisunki: Mañakuwasqaykita uyarini, imaynatachus waqasqaykitapis rikullanitaj. Onqoyniykimanta thañichisqayki, kaymanta kinsa p'unchaymantaj Tata Diospa Templonman rinki.

2 Reyes 9:1

Ujpacha Eliseoqa Diospa sut'inchajnin kanapaj yachakojkunamanta ujninta wajyaspa, nerqa: Puririnaykipaj wakichikuy, aceite yuruta oqharispataj, Galaadpi Ramot llajtaman riy.

Apocalipsis 5:8

P'anqata jap'isqantawantaj, chay tawa kawsajkuna, chantá chay iskay chunka tawayoj kurajkuna ima Corderoj ñawpaqenpi pampakama k'umuykorqanku. Sapa ujninku arpata jap'isharqanku, chantá qorimanta copapi inciensowan junt'asqata. Copapi inciensoqa Diospa ajllakusqanpa mañakusqankuwan ninakorqa.

Hebreos 2:10

Diosqa tukuy imata paypaj ruwarqa, payllataj tukuy imata purichin. Chay Diosmin ashkha wawata jatun kayninpa k'anchayninman pusayta munarqa. Munallarqataj paykunata qhespichejqa ñak'ariynejta sumaj wakichisqa kananta, qhespichej jina imachus ruwananta maychus kajta junt'ananpaj.

1 Tesalonicenses 5:26

Chantá tukuy wawqe panakunata tukuy sonqowan napaykuychej.

Oseas 13:2

Kunanpis juchallikushallankupuni. Qolqe metalta unuyachispa, lantikunata ruwakunku munasqankuman jina. Chantá ninku: Uywa ñak'asqata chaykunaman jaywaychej, nispa. Runakunataj torilloman rijch'akoj lantita much'arinku.

Jeremías 10:16

Jacobpa Diosninrí mana chaykuna jinachu, imaraykuchus pay tukuy ima kaj chhikata ruwarqa. Paymin Israel aylluta ajllakorqa chayaqen kananpaj. Paypa sutenqa Tukuy Atiyniyoj Tata Diosmin.

Salmos 135:4

Payqa Jacobta paypata kananpaj ajllakorqa, Israelta ayllun kananpaj ajllakorqa.

1 Reyes 19:18

Chaywanpis noqaqa Israel suyupi 7.000 runakunata puchuchisaj, pikunachus Baal lantiman mana qonqorikorqankuchu, nitaj much'arqankuchu, chaykunata, nispa.

2 Samuel 19:39

39 (40) Chantá tukuy runakuna Jordán mayuta chimparqanku, kuraj kamachejtaj mayuta chimpaspaña, Barzilayta samincharqa, much'aykuspataj kachaporqa. Barzilaytaj wasiman kutiporqa.

2 Samuel 5:2

Cheqamanta Saúl kuraj kamachejniyku kashajtinpis, qanpuni israelitakunataqa maqanakupi kamachej jina pusaykacharqanki. Chay jawaqa Tata Dios nisorqa: Qanpuni tukuy Israel aylluyta michinki, kamachinkitaj, nispa.

1 Samuel 24:6

6 (7) Runankunatataj nerqa: Tata Diosqa amapuni munachunchu kuraj kamachejniypa contranpi oqharikunayta. Payqa Tata Dios ajllaspa churasqanrayku kuraj kamachej kashan, nispa.

1 Samuel 13:14

Kunanrí Tata Diospa kamachisusqanta mana kasusqaykirayku, kuraj kamachej jina kanaykeqa mana unaypajchu kanqa. Tata Diosqa paypa munasqanman ruwananpaj mask'anña. Ayllunta kamachinanpaj payta churanqa, nispa.

1 Samuel 8:19

Chay tukuywanpis israelitakunaqa manapuni Samuelpa nisqanta kasorqankuchu, aswanpis kuticherqanku: Imapis kachun, kuraj kamachejniyoj kayta munaykupuni.

1 Samuel 8:9

Ajinaqa kasullay imatachus mañakusqankuta. Chaywanpis sut'inta niy, kuraj kamachej paykunata kamachispa imatachus ruwananta, nispa.

1 Samuel 2:10

Tata Diosqa awqankunata phirenqa. Janaj pachamantapacha paykunaj patankuman qhon qhonkunata kachaykamonqa. Tata Dioslla tukuy kay pachata juzganqa. Paypis kuraj kamachejninta kallpachanqa, ajllakusqantataj aswan atiyniyojta ruwanqa, nispa.

Éxodo 30:23

Sumaj k'achituta q'apaj qhorakunata tantay: Sojta kilo sumaj mirrata, kinsa kilo canelata, kinsa kilo jina sumaj k'achituta q'apashaj cañata,

1 Samuel 9:27

Paykuna llajtamanta llojsejtinkuña, Samuelqa Saulta nerqa: Kamachiykita ñawparinanta niy, qantaj uj chhikatawan qheparikuy, Dios imatachus qanta ninasuyta niwarqa, chayta willasunaypaj, nispa.

1 Samuel 12:3

Kunanqa kaypi qankunawan kashani. Sichus pejpa bueyninta, burrontapis jap'ikaporqani chayqa, chayrí pitapis tumparqani, llakicherqani, pimantapis lluk'ita jap'ikorqani chayqa, kunanpacha Tata Diospa ñawpaqenpi, ajllasqan kuraj kamachejpa ñawpaqenpipis uyaypi nipuwachun, noqataj kutichipusaj, nispa.

1 Samuel 15:1

Uj kuti Samuelqa Saulta nerqa: Tata Diosqa kachamuwarqa Israel suyupi kuraj kamachej kanaykipaj qanta churanaypaj. Chayrayku kunan uyariy Tata Dios imatachus kamachisusqanta.

1 Samuel 16:1

Uj kuti Tata Dios Samuelta nerqa: Mayk'ajkamataj Saulmanta llakikunkiri? Noqaqa Israel suyupi kuraj kamachej kananmanta wijch'upuniña. Ajinaqa aceite apaykachanayki wajraman aceiteta churaspa, Belén llajtapi Yeséj wasinman riy, imaraykuchus ujnin kaj churinta kuraj kamachej kananpaj ajllaniña, nispa.

1 Samuel 26:9

Davidtajrí Abisayman kuticherqa: Ama wañuchiychu. Tata Dios juchachanqapuni pichus paypa ajllakusqan kuraj kamachejta wañuchejtaqa.

2 Samuel 1:14

Chantá David chay runata nerqa: Imaraykutaj mana manchachikorqankichu Tata Diospa ajllasqanpa contranpi makiykita oqhariytari? nispa.

1 Reyes 1:34

Jaqaypeqa sacerdote Sadoc, Diosmanta sut'inchaj Natanwan Salomonpa umanman aceitewan jawenqanku Israelpa kuraj kamachejnin kananpaj. Putututa waqachispataj, qhapariychej: Kuraj kamachej Salomón jallalla, jallalla, nispa.

Ezequiel 16:13

Ajinata qolqewan, qoriwantaj k'achanchasqa karqanki. P'achaykikunaqa linomanta, sedamanta ima karqa, may sumaj awakipasqa karqa. Trigomanta sumaj jak'uta mikhorqanki, abeja misk'iyojta, olivomanta aceiteyojta ima. Manchay k'achanchasqa karqanki, qoya kanaykikamataj chayarqanki.

1 Samuel 15:17

Chantá Samuel nerqa: Qan kikiyki pisipaj qhawarikorqanki. Chaywanpis Tata Diosqa Israel suyuta kamachinaykipaj churasorqa.

2 Samuel 20:19

Noqaykoqa kay llajtapi allin sonqoyoj runakuna kayku. Jinapis qanqa Israelpa maman jina kaj llajtata thuñiykuyta munashanki. Imaraykutaj chinkachiyta munanki Tata Diospa chayaqen llajtatari? nispa.

2 Reyes 9:12

Paykunataj kuticherqanku: Llullakushanki. Cheqanta willawayku, nispa. Chantá Jehú nerqa: Kay jinata niwan: Tata Dios kay jinata nisunki: Israel suyuta kamachinaykipaj noqa churayki, nispa.