1 Samuel 1:8 - DIOSPA QHELQACHISQ

⁸ Chantá qosan Elcana nerqa: Ana, imaraykutaj waqallankipuniri? Imaraykutaj llakisqalla kashanki manataj mikhunkichuri? Manachu noqaqa chunka wawakunamantapis aswanraj kani? nispa.

Qheshwa Biblia DC

⁸ Qosan Elcanataj nerqa: Ana, imaraykutaj waqankiri? Imaraykutaj llakisqalla kashanki manataj mikhunkichuri? Manachu noqaqa chunka wawasmantapis aswan allinraj kani?

DIOSPA QHELQACHISQAN DEUTEROCANONICAL

⁸ Chantá qosan Elcana nerqa: Ana, imaraykutaj waqallankipuniri? Imaraykutaj llakisqalla kashanki manataj mikhunkichuri? Manachu noqaqa chunka wawakunamantapis aswanraj kani? nispa.

1 Samuel 1:8 Referans Kwoze

Rut 4:15

Pay kallpachasonqa, payaña kajtiykipis aysarisonqa, imaraykuchus payqa ñojch'aykej wawan. Payqa qanchis wawakunamantapis aswan sumaj. Mayta munakusonqa, jinataj may k'acha qanwan kanqa, nispa.

Isaías 54:6

Qanqa saqerparisqa, may llakisqa warmi jina karqanki, mayqenchus sipaspacha qosayoj kashaspa wijch'usqa karqa, chay jina. Chaywanpis Tata Diosqa watej wajyakapusunki. Kunantaj kay jinata nisunki:

Job 6:14

Ñak'arej kawsaqetaqa sonqochaykuna, Tukuy Atiyniyoj Diosmanta qonqakapojtinpis.

1 Tesalonicenses 5:14

Ajinallatataj wawqe panakuna, mañarikuyku qhellakunata k'aminaykichejta, manchalikunata kallpachanaykichejta, pisi kallpayojkunatapis yanapanaykichejta, tukuywantaj pacienciayoj kanaykichejta.

San Juan 20:15

Jinapi Jesusqa payta taporqa: Warmisita, imaraykutaj waqashankiri? Pitataj mask'ashankiri? nispa. Mariataj huertata qhawaj runa kasqanta yuyaspa, nerqa: Wiraqochi, qanchus ayata aparqanki chayqa, willaway maymanchus churasqaykita, apakapunaypaj, nispa.

San Juan 20:13

Angelkunataj payta taporqanku: Warmisita, imaraykutaj waqashankiri? nispa. Chantá María kuticherqa: Tukuyta Kamachej Jesusniypa ayanta apakapusqanku, manataj yachanichu maymanchus churasqankuta, nispa.

Salmos 43:4

Chaypi Diosníy, altarniykiman qayllasaj. Chaypitaj arpata tocarispa, yupaychasqayki, imaraykuchus qan, Diosníy, sonqoyta kusiywan junt'achinki.

Isaías 54:1

Tata Dios nin: Jerusalén llajta, jatunmanta kusikuy ari, mana wawata rejsej warmi, mana wawata paqarichikuyta yachaj warmi. Jatunmanta takispa, kusikuy mana wijsallikuyta yachaj warmi, imaraykuchus saqerparisqa warmej wawankuna aswan ashkha kanqanku qosayoj warmej wawankunamanta nisqaqa.

2 Reyes 8:12

Jazaeltajrí payta taporqa: Wiraqochíy, imaraykutaj waqashankiri? nispa. Eliseotaj kuticherqa: Israelitakunata mana allinta ruwaspa ñak'arichinaykita yachaniña: Perqawan muyurichisqa llajtakunata kanaykunki, waynakunata wañuchinki, wawakunatapis ch'allparanki, onqoj warmikunaj wijsankutapis khallaranki, nispa.

1 Samuel 1:7

Sapa wata Dioswan Tinkukuna Toldoman rejtinku, Peninaqa asipayaspa Anata llakichillajpuni. Chayrayku Anaqa waqallajpuni, manataj mikhojchu.