1 Samuel 1:10 - DIOSPA QHELQACHISQ

¹⁰ Anataj, sonqon ukhupi may llakisqa kasqanrayku, waqaspa Tata Diosmanta mañakorqa.

Qheshwa Biblia DC

¹⁰ Anataj waqaspa, sonqon ukhupi may llakisqataj Señormanta mañakoj churakorqa.

DIOSPA QHELQACHISQAN DEUTEROCANONICAL

¹⁰ Anataj, sonqon ukhupi may llakisqa kasqanrayku, waqaspa Tata Diosmanta mañakorqa.

1 Samuel 1:10 Referans Kwoze

Job 7:11

Chayrayku mana ch'in kakuyta atinichu. Nanayniypi, llakiyniypitaj kaspa, atisqayta quejakusaj.

San Lucas 22:44

Anchatañapuni ñak'arishaspataj Jesús aswan sinch'ita Dioswan parlarqa, jump'iynintaj jatuchaj yawar sut'uy jina pampaman sut'orqa.

Job 10:1

Job nillarqapuni: Kay kawsaywan sayk'usqaña kani. Chayrayku quejakuspa thasnukusaj, llakiy kawsayniymanta atisqayta parlasaj.

Salmos 91:15

Pay wajyawajtin, noqa uyarisaj. Llakiypipis noqa paywan kasaj, kacharichispataj, payta jatunchasaj.

Hebreos 5:7

Jesús kay pachallapiraj kawsashaspa, sinch'ita qhaparispa chantá waqaspa Diosmanta mañakorqa, pichus wañunanmanta kacharichinanpaj atiyniyoj karqa, chaymanta. Jinataj Diosta may jatun respetowan qhawaspa tukuy sonqo k'umuykusqanrayku Dios mañakusqanta uyarerqa.

Isaías 54:6

Qanqa saqerparisqa, may llakisqa warmi jina karqanki, mayqenchus sipaspacha qosayoj kashaspa wijch'usqa karqa, chay jina. Chaywanpis Tata Diosqa watej wajyakapusunki. Kunantaj kay jinata nisunki:

Jueces 21:2

Chay qhepatataj Betelpi tantakorqanku, Diospa ñawpaqenpi ch'isiyanankama sonqo nanayta waqarqanku.

Lamentaciones 3:15

Tata Diosqa llakiykunawan junt'aykuchiwan, jaya ujyanawantaj machaykuchiwan.

Jeremías 22:10

Kuraj kamachej Josiasmanta ama waqaychejchu, amataj wañusqanmanta llakikuychejchu. Manachayqa churin Salunmanta waqaychej, pay waj suyuman apasqa kasqanmanta, imaraykuchus payqa maypichus paqarisqan llajtaman manaña kutimonqachu.

Isaías 38:15

Chaywanpis noqa, imatataj niymanri? Tata Dios kay onqoyta kachamuwan. Tukuy kawsayniypi k'umuykuspa kawsasaj, kay jinamanta ñak'arichisqa kasqayrayku.

Salmos 50:15

Llakiykuna qhatirisojtin, wajyakuway, noqataj kacharichisqayki. Chaymantataj qan jatunchawanki, nispa.

Job 9:18

Astawan sinch'i llakiykunawan junt'aykuchiwanman, ni samarikojllatapis saqewanmanchu.

2 Reyes 20:3

Tata Dios, noqamanta yuyarikuy, imaynatachus cheqanta, allin sonqowantaj ñawpaqeykipi purisqaymanta, munayniykiman jina ruwaspa, nispa. Chantá Ezequías manchay llakisqa waqarikorqa.

Rut 1:20

Noemitajrí kuticherqa: Amaña Noemí niwaychejchu, manachayqa Mara niwaychej, imajtinchus Tukuy Atiyniyoj Diosqa imaymana llakiykunata apachimuwan.

Jeremías 13:17

Sichus mana kasunkichejchu chayqa, mayta runaykachasqaykichejrayku pakayllapi mayta waqasaj. Mayta waqasqayraykutaj, ñawiy tukukonqa, imaraykuchus qankuna Tata Diospa ayllun waj suyuman apasqa kankichej.

2 Samuel 13:36

Chayta nejtinkama, kuraj kamachejpa churinkuna chayamorqanku, sinch'ita qhaparispataj, waqarqanku. Ajinallatataj kuraj kamachejpis, kamachinkuna ima mayta waqarqanku.

Génesis 50:10

Jordán mayoj chimpanpi Atadpa eranman chayaspataj, Jacobmanta maytapuni waqarikorqanku. Chaypi Joseqa tatanmanta llakikusqanrayku qanchis p'unchayta qhashqa p'achata churakuspa karqa.

2 Samuel 17:8

Qanqa yachanki tatayki, chay runankuna ima kallparara wapu kasqankuta. Kunantaj imaynatachus china jukumarimanta uñanta qhechojtinku phiñarikun, jinatachari phiña kashanku. Chay jawaqa tataykeqa maqanakuyman yachasqa, runankunawan khuskataj mana uj ch'isitapis puñushanchu.

1 Samuel 1:9

Ujpacha Silopi kashajtinku, Ana mikhuytawankama jatarerqa. Elí sacerdotetaj Dioswan Tinkukuna Toldo punku qayllanejpi uj tiyanapi tiyasharqa.

1 Samuel 1:11

Tata Diosmantaj ajinata nerqa: Tukuy Atiyniyoj Tata Dios, sichus qan kay llakiyniyta qhawariwaj, sitajchus noqa kamachiykimanta yuyarikuspa uj wawata qowankiman chayqa, noqa chay wawata mayk'ajkamachus kawsanqa chaykama qanpata kananpaj qopusqayki. Manataj jayk'ajpis chujchan ruthusqachu kanqa, nispa.

Proverbios 14:10

Runaj sonqollan imachus llakichisqanta yachakun. Manataj pipis paywan khuska kusiysikunchu.

Génesis 30:1

Raquelqa Jacobpaj mana wawayoj kayta atispa, ñañan Leawan jap'inakorqa. Chantá qosan Jacobta nerqa: Wawallichiway, manachayqa wañusaj, nispa.