1 Pedro 3:11 - DIOSPA QHELQACHISQ

¹¹ Chantá mana allin kajta ruwayta saqespa, allin kajta ruwachun. Wajkunawan allinpi kawsakuyta mask'achun, allillanpipuni kawsakunanpajtaj sonqonta churachun.

Qheshwa Biblia DC

¹¹ Sajra kajmanta t'aqakuchun, allin kajtataj ruwachun. Sonqo tiyasqa kayta mask'achun. Chaytataj qhatichun.

DIOSPA QHELQACHISQAN DEUTEROCANONICAL

¹¹ Chantá mana allin kajta ruwayta saqespa, allin kajta ruwachun. Wajkunawan allinpi kawsakuyta mask'achun, allillanpipuni kawsakunanpajtaj sonqonta churachun.

Quechua South Bolivia: Dios Parlapawanchej

¹¹ Sajra cajmanta carunchacuchun, sumaj cajtataj ruwachun. Runaswan allinpi causayta masc'achun. Runasta allinyachispapunitaj causacuchun.

1 Pedro 3:11 Referans Kwoze

San Mateo 5:9

Kusikuyniyojmin kanku pikunachus tukuypaj allinpi kawsakuyta mask'ajkunaqa, imaraykuchus paykunaqa Diospa churinkuna sutichasqa kanqanku.

Salmos 34:14

14 (15) Mana allinta ruwanamanta karunchakuy, allin kajtataj ruway. Tukuywan allinpi kawsakuyta mask'ay, chaytataj qhatiy.

Hebreos 12:14

Qankuna atisqaykichejta ruwaychej tukuywan allinta kawsakunaykichejpaj, jinallataj Diospaj t'aqasqa jina llimphu kawsayniyoj kanaykichejpaj. Pichus mana llimphu kawsayniyoj kajqa Tukuyta Kamachej Diospa uyanta mana rikonqachu.

Romanos 14:19

Ajinaqa, ujkuna ujkuna allinta kawsakunapaj atisqanchejta ruwana, jinataj purajmanta kallpachanakuspa yanapanakuna.

Colosenses 3:15

Chantá Cristomanta jamoj sonqo tiyaykuy sonqoykichejpi kamachispa nichun imatachus ruwanaykichejta, imaraykuchus uj ukhullaman churasqa kankichej. Chayrayku tukuywan allinpi kawsakunaykichejpaj wajyasqa kankichej. Jinallataj Diosta pachis nillaychejpuni.

Romanos 14:17

Diospa kamachiyninmanta parlaspaqa, mana mikhunamantachu nitaj ujyanamantachu parlashanchej, manachayqa cheqanta ruwaspa kawsanamanta, sonqo tiyaykuymanta, chantá kusikuymanta ima. Chayta Santo Espiritunejta ruwayta atisunchej.

Romanos 12:18

Chantá atisqaykichejta ruwaychej tukuywan allinpi kawsakunaykichejpaj.

3 Juan 1:11

Munasqa wawqéy, ama chay jina mana allin kajta ruwayta yachaqakuychu, aswanpis allin kajllata. Cheqan kajta ruwajqa Diosmantamin. Pichus mana allin kajta ruwajrí, Diosta mana Diosninpaj rejsikapunchu.

Santiago 4:17

Kayta yuyarikuychej: Pichus allin kajta ruwananta yachashaspa, mana ruwanchu chayqa, chay runa juchallinña.

Hebreos 13:16

Amataj qonqaychejchu allin kajta ruwayta, jinallataj kapususqaykichejwan wajkunata yanapariyta, imaraykuchus chay jina ruwanapis sumaj jaywana jina Diosta kusichillantaj.

1 Timoteo 6:18

Chantá paykunata kamachillaytaj allin kajta ruwanankuta, allin kajta ruwanapitaj qhapaj kanankuta. Jinallataj jatun sonqoyoj kachunku, tiyapuyninkumanta mana mich'akuspa wajkunata yanaparinankupaj.

Gálatas 6:10

Chayrayku atikushajtenqa, tukuypaj allinta ruwana, astawanqa Jesucristota qhatikoj masinchejkunapaj.

Gálatas 5:22

Cristota qhatej runapi Santo Espíritoj ruwasqanrí kaykuna kanku: Munakuyniyoj kay, kusikuyniyoj kay, sonqo tiyaykusqa kay, pacienciayoj kay, khuyakuyniyoj kay, k'acha kay, nisqanta junt'aj kay,

Romanos 8:6

Ajinaqa, sichus juchallinaman aysasqa sonqoj munasqanwan apachikusunman chayqa, wañuyllata tarisunchej. Santo Espíritoj munasqanta ruwanapi yuyasun chayrí wiñay kawsayniyoj, chantá sonqo tiyaykusqa kasunchej.

Romanos 7:21

Ajinaqa kayta reparani: Allin kajta ruwayta munani chaypis, mana allin kajllata ruwani.

Romanos 5:1

Noqanchej Diospi atinikusqanchejrayku cheqan runapaj qhawasqa kaspa, Tukuyta Kamachej Jesucristonejta Dioswan allinyachisqa kanchej.

San Juan 17:15

Mana noqata qhatiwajkunata kay pachamanta orqhonaykitachu mañakuyki, manachayqa paykunata Supaymanta waqaychanaykita.

San Mateo 6:13

Chantá juchallinaman tanqasqa kashajtiyku, ama kasojta saqewaykuchu, manachayqa jark'awayku Supayta kasunaykumanta. Kayta mañarikuyku, imaraykuchus qanmin Tukuyta Kamachej kanki, tukuy atiyniyojtaj, tukuypaj jatunchasqataj wiñay wiñaynintinpaj. Ajina kachun, nispa.

San Mateo 5:45

Ajinamanta, janaj pachapi kashaj Tata Diosniykichejpa wawankuna kasqaykichejmanta yachayta qoshankichej. Payqa millayta ruwaj runakunapaj, k'acha runakunapajpis intinta llojsichimun. Jinallataj tukuypaj parachimun, cheqanta ruwajkunapaj, mana cheqanta ruwajkunapajpis.

Salmos 37:27

Mana allin kajta ruwanamanta karunchakuspa, allin kajta ruway. Ajinata ruwaspa kanki chayqa, maypipis tiyakunayki kanqapuni.

Romanos 7:19

Allin kajta ruwayta munasqayta mana ruwanichu. Aswanpis mana allin kajta mana ruwayta munaspapis, chaytapuni ruwani.

San Lucas 6:35

Qankunarí awqaykichejkunata allinta ruwaspa munakuychej. Manuspapis, ama suyaychu imatapis kutichipusunankuta. Jinamanta t'inkaykichej jatun kanqa, qankunataj Patapi Kaj Diospa wawankuna kankichej. Diosqa paymanta mana yuyarikojkunata, millay sonqoyojkunata ima khuyarin.

San Lucas 6:9

Chantá Jesús chay runakunata nerqa: Ujta tapurisqaykichej: Samarina p'unchaypi imatataj ruwana: Allin kajtachu, chayrí mana allin kajtachu? Mayqentaj aswan walej kanman: Runata qhespichinachu, chayrí wañupojta saqenachu? nispa.

San Lucas 1:79

Pay jamun laqhapi tiyakojkunata, wañuypa llanthunpi kajkunatapis k'anchananpaj. Chantá puriyninchejta cheqanchaspa, allinpi kawsayta qowasunchej. Ajinata nispa, Zacariasqa Diosta jatuncharqa.

Marcos 14:7

Wajchakunaqa qankuna ukhupi kallanqankupuni. Paykunata yanapayta munaspaqa, mayk'ajllapis yanapayta atinkichej. Noqarí manaña unaytachu qankunawan kasaj.

Proverbios 16:17

Cheqanta ruwaj runakunaqa mana allinta ruwanamanta t'aqakunku, jinallatataj imaynatachus purisqanta qhawakojqa pay kikin kawsayninta waqaychakun.

Proverbios 16:6

Munakuywan, cheqa kaywan ima juchata pampachakun. Pichus Tata Diosta may jatun respetowan qhawajqa mana allinta ruwanamanta karunchakun.

Proverbios 3:7

Ama may yachayniyoj kasqaykita yuyakuychu. Astawanpis Tata Diosta may jatun respetowan qhawaspa, mana allin kajta ruwanamanta t'aqakuy.

Salmos 125:4

Tata Dios, allinta ruwaspa purejkunata yanapay, pikunachus cheqan sonqoyoj kanku, chaykunata.

Job 28:28

Chaymantataj runakunata nerqa: Tukuyta Kamachej Diosta may jatun respetowan qhawana, chaymin yachayniyoj kanaqa. Tukuy ch'ichi kajmanta t'aqakunataj, chaymin yuyayniyoj kanaqa, nispa.

Job 2:3

Chantá Tata Dios taporqa: Manachu kamachiy Jobta rikunki? Pay jinaqa jallp'a patapi mana pipis kanchu. Payqa noqaj kamachisqayta tukuy sonqo junt'an, cheqanta purisqanraykutaj mana imamanta k'amina, nitaj pitapis mana allinta ruwanchu. Qantajrí mana imallamanta payta ñak'arichinayta niwarqanki. Chaywanpis payqa kasuwaspallapuni purin, nispa.

Job 1:1

Uz sutiyoj suyupi Job tiyakorqa. Payqa cheqanta ruwaspa purej runa karqa. Jinallataj Diosta munakoj karqa, chantá yupaychaj ima. Payqa mana pitapis mana allin kajta ruwaspa waqachejchu karqa.

1 Pedro 3:12

Tukuyta Kamachej Diosqa cheqanta ruwaspa purej runakunata qhawashan, paykunaj mañakusqankutataj uyarin. Aswanpis Tukuyta Kamachej Diosqa mana allin kajta ruwajkunaj contranpi kashan, nispa.

Jueces 11:14

Chantá Jefteqa amonitakunaj kuraj kamachejninkuman waj willajkunatañataj ninankupaj kacharqa: